دار دولاب الظماير ودكّه مايهيض=وانتهض يشهر جناحه وهام النايفات
دكّه الهاجوس والهم والوضع النقيض=واشهب الهاجس من العام جمره حاميات
ان عطينا مابغينا كما اللي يستعيض=وان وقفنا ماشكينا صدوف النايبات

من محكمه لشعار والوضع تبيان=بيان صادر لجل وضع الحقيقه
يحمل رقم ستين عشره حزيران=تقسيم سبعه والمصادر وثيقه
قد اقدم المدعوعلى سرق قيفان=وايضا قصائد شامخاتن عريقه
وبثبات ماهو قد نسب له بلعيان=وصحه شهود اهل الشهاده طليقه
يوقف ثمان سنين يفضح على شان=يكون رادع من نوى له طريقه

مستقبل الآيام غامض وقاسي=وحنّا وراها نطرد الهم بالهمّ
نشوف منها بالحقيقه مآسي=ونشوف منها مايفوّر لنا الدمّ
ومع كل هذى ما حصل مايقاسي=نطرد وراها لو عطتنا من الغمّ

والآياالهبوب اللي تمر الديـار بليـل=معي لـه وداعيـه وخذهـا وقابلهـا
مظامينها دم الجروح وعنـا التنكيـل=مظامينها مكتوبتـن لـه مـن اولهـا
انا عقبهم مدري وش الوضع بالتفصيل=خذينا سنـه مقطـوع عنّـا تواصلهـا

شطّب على الموضوع واكتب عليه اكس=وخله بقسم ارشيف مافـات قـد مـات
انا فهمت الصـح لـو ينكتـب عكـس=تحليـل مـع تحليـل ظمـن العـبـارات
هذى كلامي ياصلك عبـر دي فكـس=والا بعـد عبـر الوسـائـط رســالات
غسلت كفي بيـن تايـد معـا لوكـس=ومسحت شخصك فـي جميـع المجـالات

ولئن بدئت الشعر في دجل الغوى=فلقد بدئتُ الشعرَ منذُ صبابتي
شتان بين ضبابتن اضحت سُدى=وسحابتن قد امطرت بِلُعابتي
ها قد بدا يمحو الزمان ريائها=علاّ فهمتَ بما نسجتُ كتابتي
ضِحك الزمانُ بمن تجردَ كاذباً=وضحِكتُ منّكَ وقد سَمِعتَ اجابتي

عمّا قريباً قد تَنالُ عِقَابَكَ=برمَاحِنا إن كانَ قد سمح الزمان
فبِمَا جَنيِتَ فَقد رَميِتَ شبابكَ=وَلَقد اخَذتَ الجَمرَ مِن رأسِ السنان
دارَ الزَمَانُ بِما رِئيتَ وَصابَكَ=فيِ القَلِب ذُعراً هيِتَ قد يلقا امان
فَلَقَد جَنَا جَانِي الجُناةِ بِبَابكَ=وَأضَلّكّ الجَانِي وَصِرتَ لَهُ مُدَان

اوا قد بدأتَ الحَربَ كيفَ بَدأتها=اوا لم تُفكِر قَبل بَدءِ مُصِيبَتِك
فَلقد فَقئتَ بِكفِكَ العَينُ اللتي= قَد كُنتَ فِيها تَستَذيِرُ بِريِبَتِك
وَلقد وقَعتَ طريحَ في حَومِ الوغَا=مَع مَن تَحّشدَ مِن حُشودِ كَتِيبَتِك
وقَعت خَفَافِيشُ الظلامِ بِزيِفهَا=وبَدا الصًباحُ يُطلُ كَشفَ رَكيِبَتِك

مسك الختام ومسك كل النهايات=ومسك السوالف والعلوم القصيره
روّح فمـان الله مادامهـا جـات=الى هنا فـي منعطفهـا خطيـره
روّح ولالك عندنا علـم بالـذات=روّح عسى دربك جنبها ستيـره
روّح تراها لّحقت الجمر بسكـات=دك الركايب يوم جاها نذيـره
مالك عليّ ولا طردنا الهزيـلات=نرفع مقام النفس دون الكسيره
واللي سعى بظهورنا بالآشاعـات=يومه قريب ونلحقه فـي مسيـره
نركي عليه الكيّ ونزيد كيـات=ومن شوفنا نفسه تعود حسيـره
وان طالت الآيام جاته عسيـرات=يشوف مايجعـل عيونـه ضريـره

بنشدك يامفسر تفاسير الآحلام=ان كان تفهم في كثير التفاسير
وش بكرتن تهدر معا كل ضرغام=وتبرك وزان القوم في مبرك بعير
مره عليها وسم واضح بميسام=ومره غفالن ماتفيد المداوير
ان طالعوها قالو بعير جزّام=وان انطقوها عوّدت مابها خير
سرت قبل يومين تضلع بها هيام=جرباً لحقها مع مرضها جريجير
تشكي نحاز ومن دنت له لها قام=يسوقها ويحدها باول السير
وامست بعد ماشارفت بين الاقوام=وتسترت بين الرجال المناعير
غطت مرضها واستوت تحت الآعلام=ودب المرض منها كما نافخ الكير
واعدت لها خبره ضعوفٍ بالاوهام=ومن عادته يكتم مرضها عن الغير
وصار اكثر العربان منها به سقام=متورطينن في مرضها مكاسير
ان علمّو راحو من العالم شمام=وان ساكنو ماتو تحت حكم تزوير
وقامت بعد ماشافت ان طيرها حام=تربط رعاياها كما ربطه الطير
تقودهم قود المطايا لها خزام=وتحدهم بالسيف حد الجزازير
واكثر رعاياها خفافٍ للاقلام=تكتب لهم ويجون مثل العصافير
متوهمين ومن سمع وصفها هام=حول طريحٍ في حبال المعاثير
لاهيب لاتلقح ولا تنقل ارحام=ولاهيب تقنا من حساب المعاشير
ودي بحل الحلم من بين الآحلام=حلم وحقيقه جبتها بالتعابير

العرف رمز(ن) للرجال العواريف=والجهل درب(ن) ضايعٍ من مشابه
والرجل يعرف في جميع التصاريف=بالعرف والمنّطق وفعله سمابه
والصدق نهجن مثل حد المراهيف=بتّاع جزّامٍ لمنهو خذابه
والهرج يوزن بين ثقله وتخفيف=يوخذ ثمين الهرج ممن حكابه
لاشك ياضايع تحر الصواديف=من رز راسه ما توقّا صوابه

اوا قد بدأتَ الحَربَ كيفَ بَدأتها اوا لم تُفكِر قَبـل بَـدءِ مُصِيبَتِـك فَلقد فَقئتَ بِكفِكَ العَيـنُ اللتـي قَد كُنتَ فِيهـا تَستَذيِـرُ بِريِبَتِـك وَلقد وقَعتَ طريحَ في حَومِ الوغَـا مَع مَن تَحّشدَ مِن حُشودِ كَتِيبَتِـك وقَعت خَفَافِيـشُ الظـلامِ بِزيِفهَـا وبَدا الصًباحُ يُطلُ كَشفَ رَكيِبَتِـك مطلق الحصان

ياليل ياللي كثير الناس تهنابـك=ونا معك ساهرٍ والوضع لي مزري
ماغير اراقب نجومـك واتغنابـك=يطول همي واعاني مدي وجزري
والهاجس اللي كواني دايمٍ شابك=افيق منّـه وزوّد فالحشـا نـزري

مع الغروب اللي حدتني مباديـه=اراقبك يالهاجـس اللـي تجينـي
ارقا على المرقاب وارقب حراويه=واطلع معه في رحلـتٍ تحترينـي
اسلا لو ان الهم لحقـت مكاويـه=بيـن الحنايـا تلتهـب ماتبينـي

بنشدك بالله ياقمر كيف الآوضـاع=مرت عليك اجيال واجيال واجيـال
ياطول صبرك وانت تنظر هل القاع=وتشوف منهم مايعكر صفـا البـال
انا تعبت وكمّـل الصبـر والتـاع=قلبٍ حداه الوقت والوضع به مـال
مابين ناسن تختلف حسب الاطبـاع=ومابين وقتٍ يختلف لي بالاحـوال

شوف السحايب الى منّه نشـا نـوه=يحيي حزينن هموم الوقت خاونّـه
اليا ارتدم بالسحاب وبارقـه ضـوه=في مقدمه مقبلن كنهـن تعالنّـه
ولجت رعوده ترادف واكتمّل جوه=وارها على البيد خيره يوم وافنّـه
وقامت تزاعج سيوله يلتحـق تـوه=من فوق روضن سنين الوقت لاعنّه

كانك نويت الجفا والبعد مقصـودك=روّح ترى الوقت يشفي جرح الألآمـي
نبني مع الوقت حلمٍ صادف صدودك=وقف على حد صدّك بيـن الآحلامـي
لكن على ماحصـل بالعلـم وردودك=سقنا الركايب وراحت مشيها حامـي
راحت وحنا رحلنـا يـوم موعـودك=متناقض الراي مالـه حـد ولزامـي

اليوم بيت القصايـد فـك بيبانـه=يقول خذ ماتبي واختر على كيفـك
ودخلت بيت القصايد وسط ميدانه=يقول خذ واعتبرها فـي مواليفـك
ووقفت محتـار والآفكـار ولهانـه=وبديت اصمم بيوت الشعر في طيفك
ياصاحبي والزمان ان طال حرمانـه=يرث على الكبد جرحٍ ماهو بسيفك

ياصاحبـي والزمـان المـر عاقبنـي=ابني ويهدم وش الحيلـه مـع ايامـه
حتى حقوقي خذاها جـاك سالبنـي=وين اشتكي له وهو من يصدر احكامه
الله على الوقت دامه لـي يحاسبنـي=داين مدينه ونا اللي عشت باحلامـه

ابكيك وانته مع الآيـام تبكينـي=طريقنا فـي مسـاره ماتلاقينـا
امشي مع الخط مير الخط حاديني=عجزت احده وهو يقطع مناوينـا
لكن لو الوقت عاند لك يعدينـي=يبقا على طول زولك في هقاوينا

البيت ركن القصيده وانـت ميزانـه=لاتخلف الوزن ياللي رحت كاوينـي
آزن بيوت القصيده وانـت عنوانـه=وارسم مثل ماتبي لو هي دواوينـي
واليوم ضاع القصيد وضاعت اوزانه=وضاعت تفاكير عقلـي يامعزينـي
طعنتنـي بالقفـا والشـر بيبـانـه=تفتّحت يوم رحـت اليـوم ترمينـي
بداوي الجرح لو هو زادت الوانـه=وبكتم حقيقـه زمانـن مايداوينـي
واقفل ملفـات واجـد مالهـا خانـه=واحاول اهتمّ في وضعي مع سنيني

يامستعير الصداقه فـي دواوينـك=فتره بسيطه وراميهـا بمـا فيهـا
مدري سواتك توضح وش عناوينك=والا سواتك بوضعك وش نسميهـا
روّحت واقفيت مدري وش مظامينك=الوضع سيء وغامض في تواليهـا

أسفِي عَلى مَاقد جَنيتُ مِن الهَوى=إذ لَم أكُن أعلـم بِمَـا ينتَابَنِـي
فَلَقَد اُصِبِتُ مِن الهَوى إذ لاَ دَوى=لِمُصابِهِ لمّـا تسامَـا صَابَنِـي

من يوم راحو حبايبنـا ولا عـادو=صرت اكتب ابيات شعري واتغناها
اكتب ونادي واقول العام من سادو=راحو وخلو قصـورٍ زان مبناهـا
ياما بها قد مشو بالصوت لي نادو=واليوم محدن بها قلّـت مزاياهـا
احيان افكر واقول اليوم لو بـادو=اهون على القلب من نظره زواياها

ثمّن معاناه قلبـي وانشـد احوالـك=واحذر خوافـي الليالـي لايخوننـك
القلب طيرٍ كفـخ وان راح ماجالـك=وكل المشاعـر تراهـن مايعودنّـك
جرحن جرحته نزف مايرجي وصالك=سود الليالي تظّمد جرح مـن فنّـك
بطوي غرام المحبه واكتبـه هالـك=وادفن بقايا الغـرام وبنتهـي منّـك
دامك سرابٍ وهـذي كلهـا آآمالـك=طرد السراب المقفي خيّـب بظنـك

عزاي في ذكر السنيـن القديمـه=صدق النوايا يوم راحت على ماش
امشي مع العالم وصارت وخيمـه=خسارتي طيب النوايا على الكاش
كنت احسب ان البعض نفسه سليمه=حتى طعنّي باوسط القلب والجاش
ماكنت اظن الكف تبقـا غريمـه=الا بعـد ماسيفهـا داخلـي نـاش
ولاكنت اظن الجرح يشبه لغيمـه=الا بعد جرحٍ من الدم قـد طـاش

الحب مثل القزاز ان طاح في كسره=ما اظن يجبر ولو حاولت تجبيـره
ولو تبدي العذر قلبه ماقبل عـذره=لملم بقايـا صوابـه فـي تعابيـره
مجروح جرح الليالي لو بدا صبره=في داخل الجوف جرحه مثل تدويره

برق السحايب سرا والعين ترقب له=مدري على دارهـم والا تعداهـم
اخيل برقه ونا ساهر عسـى وبلـه=ينهل من فوق خده غيمه اسقاهـم

الغربه اللي بوسط القلب مدفونـه=اخفيتها عن جميع الخلق ياغالـي
اخفي سجلاتها بالقلـب وركونـه=وتبقا حبيسه معي في كل الاحوالي

ياصاحبي واستلم مظمون ماقلتـه=مهله لك اليوم كانك تدرك اقصاها
اجملتها في كلامي يوم انا اجملتـه=تاقف على باب بيتك وانت مغزاها
جو المشاعر علامك يومك اشعلته=في ماضي الوقت جاني منك مبداها
رحلت عنّه بنفسك عقبـه اهملتـه=وعودت تبغا تعيده فـي زواياهـا
حدد مسارك ترى من عقب ماطلته=يمكن يغير مساره قبـل ممساهـا

اسابق الوقت واثر الوقت راسمني=واعاند الوقت واثر الوقت متعالـي
مرات احسه بفعله جـاك خادمنـي=واثره يحبل الحبايل بـاول آمالـي
امسيت وامن وشفته جا يداهمنـي=وازريت به كيف وضعه اول وتالي
وشفت الحقيقه دقيقه جت تنادمنـي=تقول وضع الحقايق صابه هزالـي
وطويت نفسي بنفسي جيت عادمني=دام الليالي لها ميـلات واحوالـي

بعض المواقع تعز الشخـص وتفيـده=وبعض المواقع حسافه مالهـا داعـي
ومن لايسوق القـدم للعـز ويصيـده=يبقا طريح الرذالـه باسفـل القاعـي
ياقاري القـاف حـاول مـره تعيـده=وتفهم معانيه كانـك بالفكـر واعـي
ارفـع مقامـك وحـاول دوم تشييـده=لاتنجرف من ورى التطبيل سماعـي
راقب مسارك وخلـك ماشـيٍ سيـده=في موقع الطيب واترك شين الاطباعي
عقلك دليلـك وتفهـم ويـش تحديـده=وتقدر تميّز بعقلك كـل الآوضاعـي

ياصاحبـي توقيـت الايـام ميعـاد=لاتخلف الميعـاد والكـذب منقـود
على حراوي جيتك صـرت نشـاد=حتى القمر صرت انشده وانشد النود
مدري نويت الصد في درب الابعاد=والا بدى لك عذر فالبعـد محـدود