المشاركة الأصلية كتبت بواسطة غلا نجد (المشاركة 426731) صح اللسانك استاذي الكريم والله يرحمه ويرحم موتى المسلمين والمسلمات ويغفر لهم حضوري أليا أحترمت الناس زاد أحترامك والناس عز نفوسها من شرفها عسى الله ما يصغر قيمتي في نظرة العقال ويرحم كل شخص يعامل الناس بصفاء نيه

لولا الظروف وعازت الناس للناس=محدن عرف طيب البشر من رداها

على نهايات الدروب الطويله=وقفت محتار القدم تايه الراي
ارجع ورى خطوه ولافيه حيله=واقدم بعد خطوه ولاتقدم خطاي
ماغير اطالع والمواجع قتيله=كفي بجرحي واحتري شوفه دواي
صار الجفا والهم منه حصيله= من عقب ماهو قد جذبني على الناي
ياويش اسوي والعميل وعميله=يطعن وعود فالقسا كنه عداي

اكذب عليك ان قلتنا ماني اغليـك=لا والله الا بـس بفعـال يمـنـاك
كسرت بـرواز المحبـه بياديـك=وطاح القزاز وكل شي(ن) تعـداك
ياما نصحتـك لاتسبـب مئاسيـك=وصديت عني تابعٍ خطـوه عـداك
اروح وارجـع عـل والا الاقيـك=غيرت في وضعك وصححت مبداك
ياللاسـف مافـاد هـاذي مباديـك=ترسخت مافـاد ياهـوه رجـواك
لوشفتني يـوم انـي ابغـا اخليـك=عرفت مقدار الغلا عند من جـاك
اجمع قواي وترجع النفس تبغيـك=واقعد واقوم ولا قـدرت اتحـداك
واليوم شفني قلتهـا لجـل اوريـك=اني قدرت اضغط على قلب يهواك
وقفـت قدامـك علشـان اعزيـك=ونفسي بعد عزيتهـا قبـل فرقـاك
اقولها لـو كـان ماهيـب تعنيـك=تعنيني اكثر رح على قد مغـزاك
اطلقتها وآنـا صويبـك وراميـك=عود علي عبرودها قبـل تنصـاك
رح واترك الماضي وتابع مساعيك=ونا مع جروحـي رحلنـا بفرقـاك

كم قلت لك ياصاحبي والزمن قال=احسب على الفرقا تراها حقيقه
نبني معا حلم الليالي بالآمال=ويهدم جبين الصبح خط الوثيقه
ظرف وزمان وبعد والبعد قتّال=وعقده عقدها الوقت صارت عميقه

كـل ماجيـت آتـقـدم ترجعـنـي ورى=وش تبي مني والآيـام ضـدي والسنيـن
انت وسنيني ووقتي مع اللي قـد جـرى=كلبوكـم فـي حياتـي علـيّ متعاونيـن
فكني واترك سبيلـي تـرا العالـم درى=عن رجوعي في مكاني من اسباب اليدين

اليا طرقت الباب والباب مصكوك=حاول بكل الطرق حتى تفكه
ولا تقول الحظ عاثر و مبروك=ربك هو القادر بفكه و صكه

ارفع الراس دايم لو حصل مـا حصـل=لا تزعزع كيانـك خـل عنـدك طمـوح
اتبع اللـي يعـزك وتـرك اللـي يـذل=رافقق اللـي يـودك بالمشـورة نصـوح
من حكى لك حكى بك مثل قـول المثـل=من ضحك لك ضحك بك لو تشوفه مزوح
المكـر والخيانـة مـن صفـات الثعـل=والحـرار الأصيلـة بالثـريـا تـلـوح
لو صفالـك زمانـك مـا يـدوم العسـل=الله اللـي يـدوم وغيـر وجهـه يـروح

يلوح براق السنيـن وشقاهـا=بتلا مغيب الشمس وآخر مداها
ونخايله ونقوم له فـي نحاهـا=وعنا يغير بارق الوقت ممشاه

العب تنكس دام الآيام ماجات=صبرك عليها لين تكبر مناويك
والله ان تعيف اللعب في كل الاوقات=لا كبرت احلامك وتاهت خطاويك

المشاركة الأصلية كتبت بواسطة مطلق الحصان آل عمار (المشاركة 427047) http://up.damasgate.com/files/mqk989aowllhyiuo7seb.gif العب تنكس دام الآيام ماجات=صبرك عليها لين تكبر مناويك والله ان تعيف اللعب في كل الاوقات=لا كبرت احلامك وتاهت خطاويك

بعض العرب نشبه ولا منه فكه=ودك يموت وتفتك الناس منه
يجاكر العقال و يفخر بنكه=وان كان يبغى الحرب يبدا بشنه
انا اشهد انه جالسٍ وسط شكه=تضحك عليه الناس وايضا تحنه

الموت حق و كل حيٍ يذوقه=ولا باقي الا وجه ربٍ خلقنا

......ماله طعم ولا له بعد لون=لاصار منهو حبه القلب زعلان
من غاص في بحرالعشاشيق مجنون=مثلي وهذا ثالث اسبوع وجعان
رحت الحسا والبال ضايق ومغبون=و عودت انا كلي هواجيس واحزان
لا يا جهز يا خوك العلم وشلون=خابرك لا جات المواقف بليهان

ياصاحبي بالهون بالهون بالهون=ماتدري اني من لضا الوقت ضميان
راعي الهوا والعشق من دون في دون=حتى ولو يضحك مع الناس طربان
تكبر همومه والعرب به ما يدرون=ويذوق حر الموت لاصار ولهان
ولونك يا شافي محملتك ديون=خلصتناك اليوم من كل ديان
اما الهوا مانيب له قاضي الشون=اسمع كلامن من حقيقه وبرهان

لولا القصايد تبرد القلب والروح=يوم اكتبه نفسي يجيها ارتياحي
لصفق من العالم على مبعد الشوح=صفقه خفيف الريش زين الجناحي
يوم انصفق واقفا من الوقت مجروح=مما لجا من هاجسه يوم فاحي
تجري بنا الدنيا على كل ساموح=ونصدها وتزيد همٍ ذحاحي

حبيبي والزمان يدور والدنيـا لنـا ميـدان=علامك صرت خيال الشجون وطاعن المجـروح
حبيبي ليه حطيت الجفا فـي صفحـه الخـلان=وبديت الحرب تطعن بالخفا يومك نويت تروح

مكانك مكانك ماتغيّر مكانك دوم=اعدّي كثير الناس محدن يجي صوبه
مضى عام واشهر والجفا لي معك مقسوم=قضت وانقضت بظروف للقلب مكتوبه
مكانك وانا والنار والهاجس الملزوم=مع الهم حول النار والنار مشبوبه
لنا في سواد الليل جلسه عنا وهموم=طوانا السكوت وكل منّا بغيبوبه
واذا بان نور الشمس كلن رحل محكوم=تحت طعنتينن في خفا الروح محسوبه

الجمال اللي على القلب حبّه مستهيم=أمتلك كل الجوارح وسارت في رضاه
منه انا ياوجد حالي كما وجد السقيم=ماتشافا من مصابه ولا حصّل دواه
يمتلكني كل همن ولايرحل مقيم=واتحمّل فوق حملي على الفرقا جفاه
صرتنا فالوقت وياه طلاّب وغريم=والمقاضي مايداني على خصمه قساه
ياوجودي وجد منهو على الدنيا عقيم=انكفت سود الليالي وقرّب منتهاه
ينقهر من جور الآيام محتار وهزيم=بان ضعفه في زمانه وزوّد في عماه

العمر يفنى والحياه احلام والدنيا متاع=ياكم نفسٍ روحت ما حققت مطلوبها
يامنخدع في ضحكة الدنيا ترى الضحكه خداع=لا تأمن الدنيا ولو تضحك لك مع جنوبهـــا
ان ما تغانمت المراجل قبل ساعات الوداع=بعد وفاتك ماهي بصوبك ولاانت بصوبها
والمرجله ماهيب سلعه تنشرى ولا تباع=كم ناسٍ يقومون ويطيحون مافرحوا بها
اللي مولع بالضياع يروح لدروب الضياع=واللي مولــــع بالمراجل ما يغرّ دروبهــــــا
الطيب بين ومتعين ماعلى وجهه قنــــاع=لكن بعض الناس عميا والجهل عذروبها
والغيب ما يعُلم لكن العقل سيد الاختراع=ليا اشتغل عقلك عرفت الناس وش فـ قلوبها
وإن كان ماانته مستفيد من الدماغ الاّ الصداع=ما غير حــــــظ الصيدليه ما تبور حبوبهــــــا
لاصرت ما تتعب على والنعم قدر المستاع=صدت ولفت لك ظهرها واعطتك عرقوبها
وليا تملكت الكرم والحكمه وطول الذراع=لا تشغلك نفسك تراك اعطيتها ما جوبها
والواحد اللي لا كريم ولا حكيم ولا شجاع=مفروض يعطي ثوبه الحرمه ويلبس ثوبها

اثبت على ساحه الميدان في وجهي=ترّس تروسك وسّل السيف للثاره
ابرز ولا تتقي واظهر لنا راسك =اكشف عن قناع وجهك وانقل اضراره
بيني وبينك نهارٍ يرتكز عجّه =من صبح شمسه الين اتبيّن احراره
حتى تعرف العرب والشك مايبقا=يظهر صهيل الحصان وينهق حماره
ولو تحرق النك والا تحرق ايميلي =ماتحرق اسمٍ تعلا كنّه القاره

آثرك مع الوقت تلعبها بمظمارك=الين بانت وبيّن كل مافيها
لكنّ آبعلمك وان طال مشوارك=تراك مثل الثعل تتبع مواطيها
حفرك ودفنك عليك يثّور غبارك=واحذر يمينك توقع في مكاويها
مياسم الوقت عندي شاعمٍ نارك=وان قالها الله لزوم انك تصاليها
دلوك تقطّع وسدك بيّح اسرارك=ودارت عليك الليالي في نواحيها
حفرت حفرك وبيّن كل معيارك=وعريّت نفسك على العالم توريّها
عزمك تبيّن وعزمك عند مقدارك=بين القدم والمواطي في دوانيها
رح لم سالم معاها واعزف اوتارك=والحن لها كان تفهم في غوانيها

من مشى درب الرذيله راح فيها=راح فيها والندامه ما تفيده

يابوحمد وضـع الليالـي يعافـي=من يوم لحقت شجرت الخبث بالزاد
تناقلوهـا وارديــن الضعـافـي=اللي مواردهم من الخبـث تـزداد
قـومٍ لهـا درب هزيـلٍ منافـي=درب المراجل ماوفت به لها كـاد
اهفو منازلهـم معـا كـل هافـي=لو كان مجد ابوانهم شامـخٍ سـاد

سبحان منهو يستر العبد والحال=والعبد يكشف ستر نفسه بحالـه
ربي ستر وانته على الفعل تختال=خسران ياللي ماوعا في مقالـه
هذي فعولك لك مع الناس تندال=من فعل كفّك في دروب الجهاله
بغيتها واخطيتها عكس الآمـال=لفت يمينك وارثت لـك سفالـه
كفك ثنيته مـن يمينـي ولازال=وضعك مقيد تحت كفـي منالـه

جابتك الآقدار والدنيا وميعادك=واصبحت حلمك بليلك اول وتالي
اناشبح صار زوله يرعب رقادك=عزي لحالك وطيت النار متعالي
وطيت ماسميت يوم الفكر ماقادك=ليلتك ليله وحظك جابك قبالي
ياسارق الشعر جبتك يوم ميلادك=بفتح سجلات وضعك واكشف الحالي
خل الخلايق تعرفك يوم مافادك=سرقك بيوت القصايد وانت دجالي

ياللي مع الوقت جت به كل غاياته=وحده زمانه وحول صوب غاياتي
ارحب هلابك يردد لـك تحياتـه=بيت القصيده يرحب لك والآوقاتي
بيت القصيده نخانا يطلب اثباتـه=يقول دق الحرامـي بالكلبشاتـي
حطه بسجنه ومنهو يفعل سواتـه=ينقاد للمشنقه والوضع له عاتـي
حرامي الشعر جابه شيـن نياتـه=في مذبحه ساحه الشعار بالذاتـي

لو يجف الملح فجأة .. من شرايين البحر =وترجع اسراب الحمام اللي بعيد مهاجره
لو تعاف النار ترقص فوق عيدان الشجر =ويدمح المغدور غدر الغادر اللي غادره
لو سبع المعجزات اللي عرفناها عشر =وشفتهن قدام عينك شوف عين باصره
مانسيتك لو آموت من الغبينه والقهر =ولا سليتك والعيون بطيب خاطر ساهره
لا تقول انسى وانا مالي على بعدك صبر =خلني بس احتريك .. وخل قلبي خابره
يحتري وان غبت عني من دقيقه لا لشهر =يحتري واللي تحرى في سواتي عاذره
لا تروح وتبتر الوصل وعناوينه ...بتر =ثم يحاصرني خيالك فالمساء .... واحاصره
يا بعد من طاف قلبي واعتكف به واعتمر =يا بعد حب كتمته ... والعيون اتجاهره
يا غرام شق صدري من ضلوعي للنحر = ولا قدرت افتك عمري من يده وأناحره
تلني لاهيب تله لا صديق ولا غدر = غصب عني كني المسحور واللي ساحره
ما نفعني باس قلبي والشكاله والظفر =التفت ولا لقيت عزوم قلبي حاظره
اكتشفت انك حظرت وغاب محظور البشر= واكتشفت ان الطبيعه لو تباها سافره
يا كتاب فيه سر الحسن كله مختصر = ما يجيبك حسن غيرك لو يجيب محاظره
لا تقول انسى ...ولا تهتم في وتنتظر = ثم تغيب وتلحق اسراب بعيد مهاجره
وان عزمت تغيب تكفى اجل شوي السفر =لين ينشف في عروقي ملح بحر(ن) خابره