ياشوق لاتبطي عن العين ياشوق=وأنا على شو فك يزيد اشتياقي
لي غبت عني ساقني يمك الشوق=ليتك مثل ما نساق يمي تساقي
نهبتني ياخدر الاعيان برفوق=وحملتني حمل جزل ما يطاقي
والنوم من عيني له شهور مسروق=اثر الهوى ياشوق مر المذاقي
ومن عقب شوفك رد لي كل مفهوق=وراح السهر من عقب ذاك العناقي
يازين والله شوف عاشق لمعشوق=ويازين من عقب الفراق التلاقي
اثر اللقاء عقب البطاء يطلق العوق=يفك عوق اللي من البعد ضاقي
واثر اللقاء عقب التفاريق له ذوق=ذوق وطراة عقب طول الفراقي

لا صار رجال و على العين و الراس=ما هو ظروري أعشقه و أبتلي فيه
مدري علام الناس يا خيبة الناس=كلن غدى عآشق !! و هاذي طواريه
واليا سألته قال لك "أزمة إحساس"=يا لعنبو إحساسك اللي تحس فيه
إرجع "لقرآنك" و "دينك" بلا يآس=تلقى العلوم الغانمه في معانيه
و تلقى السعآده في حياتك لها ساس=لان الحياه أكبر من اللي تسويه
لا حول يا وقتن به الناس أجناس=شاللي حصل شاللي جرى للبشر لييه
أخلاقنا مع غيبة الشمس تنداس =و تاريخنا مع دورة الوقت نطويه !!
أمجادنا نحو الشرف تشكي افلاس=و حاضر الأمه نسى كيف ماضيه
وشهالعلوم اللي تشيب بهالراس=وشهالطريق اللي غدى الكل يمشيه
من كثر ضيقي ما قدرت آخذ أنفاس=اضيق من طاري لهالناس تطريه
معذور لان لي يا الملا قلب حساس=يحب شرع الله بكل الذي فيه

الدمعه اللي علي خدي من اسبابك= ياويش ناوي تعوضني عن ادموعي
ياصاحب(ن)ماقويت استحمل اغياب = حتي الثواني بعدكم كنها اسبوعي

البخيل اللي نصيته ماتجمل= ليت رجلي ماحدتني صوب بابه
يوم جيته في لزومي كم تململ=كنه اللي حده الموج وغدابه