::: مـنتدى قبيلـة الـدواسـر الـرسمي ::: - ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

- :: قسم الـشعر العــام :: (http://alduwaser.org/vb/forumdisplay.php?f=16)

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

الصمت يكفي ويشفي صدر راعيــه
لا صار كل الحكي ماله معانـــــــــي
والقلب ما عاد تعنيه المشا ريـــــه
و العين ماعاد تغريها الامانــــــــي
ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
مدري ذكرني زمان كنت ناسيـه
مدري ذكرت الزمان اللي نسانــي

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

ياصباح الخير يانجم الصباح = يانديم دايم مثلي صريح
يوم غيرك من سما التقدير طاح = انت وحدك ثابتن منتب تطيح

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

تنشـدني تجاهـل كنك ما تعـرفني=تنشـدني عن الـروح و اللي هي تحبه
يالعنبـو حيك انا ما اهتـنى جفـني=من سمعت حسـك وانا اسبح لي بغبه
لد النظر ياصــاحبي لد النظر شفني=حالي نحـل ياعلة القـلب العليل وطبه
لا تغلا ياصـاحبي غلاك والله جـرفني=حفّى سماري القلب وانت يالروح تلعبه
الفرقا صلف وانا بعدك ترى مصلفني=وطاري الفرقا يسحب المشهاب ويشبه
لكن تدري وش اللي فيك يشرفني ؟=قـــلبن تعــذب و انت العذاب يالــسبه

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

[(.. أبغاك تفهم الحكي لاهنت ..)]
انا [بنت ] وقت الشدايد فيني [رجـولــه]
يمكن تراخيت معاك ومنك [تعلمت]
وعساه يوصلك العلم يوم قلت [بنت] !!

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

مدري أصبحكـــم بالخيــــر & لا أمسيكــــم بس الوكـــاد بوجيهكـــم الخــيـــــــر

كلهـ..................

أمانتك قلبي تحطه بيمناك..

تكفى عطه من الغلا فوق حده..

ارخي عليه الوصل لاعدمنااك..

أبيه يشبع حاذر انك تصده..

لا لا تحاول تبتعد عنه بجفاك..

أمـــانــتــ((قـــلــبــي))ـــك

على الكل بده..

ولكــــــــم كل الود....<مهرة منتدى الدوآآآســــــــــــــر>

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

صباح الخير

أنا يعجبني الرجل الأصيل الشهم عالـي الشـان
عزيز النفس كسب الطيب عـاده مـا يخليهـا

وأحب اللي بوقت اللازمه يصهل صهيل حصـان
وتعجبنـي رجاجـيـلٍ بعـيـداتٍ هقاويـهـا

وأحب اللي ليا منه عـلا فـي جـوه الدخـان
يوردها حيـاض المـوت روحـه مـا يداريهـا

إلى منه قعد سلطان وإلى منـه ركـب شيطـان
قوي الباس عرب السـاس خيلـه مـا يعفَيهـا

وأحب اللي ستر وجهه شـراه بغالـي الأثمـان
إلى من باعو الشيمه بغالـي الـروح يشريهـا

وأحب اللي يخاف الله يجيك من العقـل رويـان
يشيـر بخيـر وأهـل الخيـر للخيـره يدليهـا

وأحب الشهم ممدوح السجايا صافـي الوجـدان
إلى من جـوه ضيفانـه علـى نفسـه يبديهـا

وأعز اللي يهلي بالضيـوف ويشعـل النيـران
وأبي قولة هلا من قلب والعشيـات مـا ابيهـا

أبي الدله وأبي الفنجال أبي الترحيب بالضيفـان
أبي جلسة نشامى راعـي المجلـس يقهويهـا

أبي لي سالفة عدله معاها مـن الشعـر قيفـان
تشدك حكمة الأجـداد يشـدك صـوت راويهـا

أبي النخوه وأبي الفزعه وأحب مجالس الشجعان
هل العادات والفزعـات نِعـم لا حـل طاريهـا

هل الشيمه هل القيمه هل المعروف والإحسـان
هل التقديـر والتأثيـر واللـي بيـض أياديهـا

وأحب اللي ليا جوه النشامـى يفتـح البيبـان
كريمٍ من قديـم الوقـت ليـا صكـت لياليهـا

أحب المرجلـه وأصحابهـا وأأأقـدر الفرسـان
بخيصٍ فـي معانيهـا قبـل لبحـث خوافيهـا

وأعرف اللي يخوض المعركه لا صار بالميـدان
يمشيهـا علـى رايـه وياخذهـا ويعطيـهـا

وأحب اللي سوالفهم ذهـب مـوزون بالميـزان
مهـو خبـلٍ يخـم السالفـة بعديـن يخطيهـا

وأحب اللي رفع نفسه وجنبه مجلـس الحقـران
حشيمٍ ما لقـى حشمـه تركهـا مـا يدانيهـا

عرف نفسه لـزم حـده ولا هايـن ولا ينهـان
إلى مـن زادت اللجـه يجنـب عـن بلاويهـا

وأحب من الرجال اللي يسمى شمعـة الديـوإن
إلا منـه تـحـدث كــل كلمـاتـه ينقيـهـا

ولا أحـب اللئيـم اللـي تصيَـد زلـةٍ بلسـان
إلـى منـه سمـع زلـة رفيقـه مـا يغطيهـا

واللي ليا سوى غلط قال العفـو غلطـان
حلاة الرجـل لا منـه جـرح روحـن يداويهآ

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

صبـــآحكـــم عـــــــــســــــــــــــــــــــــــــل.......... ........

أنا ربتني الدنيـا علـى جـزل العطـا والجـود

ونفسي للوفا والطيـب وفعـل الخيـر جزامـه

طموحي يملـي العالـم ولابـه للطمـوح قيـود

مدام إن الأمل طبعي ( عرين وصرت ضرغامه )

سلفنا ما لحقناهـم تحـت قـاع التـراب رقـود

ولا يبقي من الميـت سـوى ذكـراه وعظامـه

وتســـــــــــــــــــلم روـوســكـــــــــــــــــم يالغواليـ........................

..<مهرة منتدى الدوآآآســـــــــــــــــــــــر>

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

سجل حضوري لبعض الوقت ياغالي=لان السهر ملحقن عيني تواليها

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

تخيل من كثر ما اخاف تلقى للزعل مدخال
اخاف اخطي على طيفك وادوس برجلي اظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

البارحه صال همي واحترق دمي= بين الهواجيس والآحلام والنيه

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

.
.
•

إعلان للّي مـا بعـد جـرّب الحـب
يسلك طريق الحب ، بسّ بشجاعـه
فيه الوفا وَ الغدر وَ الصدق وَ الكذب
وَ فيه الفراق ؟ وَ فيه شوق إجتماعه

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

لاتواضع للوضيع يضيع قدركـ,,,,

منت مجبور على بعض التواضع

دمتم برعايتهـ وحفظهـ................

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

ماصرت ذيب إلا لأن اللي تحدوني ذيـاب .. مـا كنـت أغيـب إلا لأن العفـو عنـد المقـدره

رد: ..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

أنا لامن طلبت الله يجيبكـ زدتني ببعاد
رح الله لايردكـ يمكن الدعوات مقلوبه

رد: ..::.. سجــل دخـولـك ببيــت مـن الشــعــر

ياحزني ياللي شفت بعينك السم=فرحي ليه بحزنن شقيت ثوبه
ابسألك بالله يا هالحزن كم=اوعتني لكن وعودك كذوبه
المشكله هرج يبي يعبر الفم=تاه بوسط صدري وتهت بدروبه
تبعت موكبها ودربي مية يم=مشيت دربن ما انتبهت لعيوبه
فقط ابسألها عن وعود من كم=وانا انتظر وابني على الطوب طوبه
وصلت لين الباب ويزمني زم=قهري ولكن العيوب مهيوبه
وجتني بسكوت وجيتها كني اصم=وعشنا ثواني صمت خيّم غروبه

الشاعر : مجهووووووووووووووووول