يضيق الصدر ولا مايضيق=ادمح الجور والعوق
كلن مشى على مايليق=الا انا اداعب الشوق
في جوفي شب الحريق=من لايع الوقت مخنوق
سقة القدم لقمة طويق=كني فوقه اخايل بروق
واسبح بالهوجاس العميق=واهني منهو معا النوق

كفخ قلبي كفخ طيرٍ كفخ بالمنقله = من حرار الشام فرخٍ عزيزٍ ومحشوم
تل سبقه من جريره وزاع وهملّه = والعهد به يوم شافوه بسبوقه يحوم
صاحبي لو هو بعيدٍ لزومٍ أصله = والله إنّ جيّ الحبيّب عليّ أكبر لزوم
راكب اللي لاشعفه الغنا هج أقبلّه = أشقرٍ يبري من الصدر غلقات الهموم
فوقه الليّ مابعيد المثايل يجهله = إنّ بغى المنهاج ماغضّت عيونه بنوم
صوب من هو حط فالقلب نارٍ وأشعله = وأخلفه من ملّت الناس وأدعاه مغروم
كامل الشارات سبحان ربٍ فصلّه = بو نهيدٍ توّ ماشبتّه فيه الهدوم
باأشهد أنّه حظ من كان حظّه حصلّه = النصيب يصيب والناس معطى ومحروم
طال صبري وأترجّى الليال المقبله = مثل من يرجي ثواب الصيام اللي يصوم
جعل عدٍ شدّ صافي الجبين وهملّه = ياخذ سنينٍ وجاله من الغيث محروم

يالله من قلب ٍ عرفت اختياره = وده مع البل مارقات النسانيس
الى تذكرت الرخا والحضاره = طرى على شوف البكار المعابيس
لاحد يقول ان مشترى البل خساره = البل ذهب ويساق فيها قراطيس
كم شيخ قوم ٍ تجذب البدو ناره = من دونها حامت عليه القرانيس
والبل مع الناموس فيها تجاره = وزود ٍ لقوة كاسبين النواميس
الطيبين اهل الوفا والنماره = زادو لها الاثمان وارخو لها الكيس
لا باس في الراحه وزين العماره = لاشك راعيها بقلبه هواجيس
مهونة ٍ له لا شكى حيف جاره = يصبح من الضيقه بقلبه حواسيس
والبل توسع له منازل دياره = وتبعد همومه مبعدات المراويس
لاشد راعيها عليها قشاره = تقطع به الفرجه بليا منافيس
ياخذبها في كل بر ٍ سفاره = يمشي بها في قافر ٍ مابعد ديس
عقب الحيا التالي تجدد خضاره = مافيه قبله كون جرة عواسيس
والناس كل ٍ عند ربه وقاره = ناس ٍ على خير ٍ وناس ٍ مفاليس
واستغفر الله عد هاتف امطاره = واستغفر الله واستعيذه من ابليس

بريال عارضته على السوق بريال=من باعني برخيص والله لأبيعـه
من يشتري رجّال قصّر بالافعـال=باع العهود الماضيـه للخديعـه
رجّال يسوى له ثمانيـن رجّـال=كل الصفات اللي ملكها فضيعـه
له ضحكةٍ تشبه لضحكات الأطفال=ذيبٍ ونظراتـه حنونـه وديعـه
وله فزعةٍ منها المجانين عقّـال=وفجوج لا ضاقت عليّ الوسيعـه
ياما عدل عوجا ثقيلات وطـوال=وأنا معاقبتـه غيـورٌ صريعـه
والله يسوى لـه ثمانيـن رجّـال=والخبل مثلي لا زعل يب يبيعـه

نفسي تسوقني للمعالي=ياعذالي مالكم مقال

لاحت بروقن ونا للبرق سبّاري=وحثيت رجلي على البراق عساسي
وجيته ولاشفت وبلن ينعش دياري=وعودت مقفي واراجع نظره احساسي

هز الهوى غصن الغلا داخل الروح=واسترسلت كل القصايد تناديك
يافاتنه صوت الغلا منك مبحوح=لج بحنايا الروح حزه حراويك

ياسنين العشق وجروح النديـم=بلّغ المشتاق عقبـه وش جـرا
مايطيب الجرح لا صاره قديـم=ولاتتوب النفس عن طرد الكرا
السهر عشق الحزين المستهيـم=والطواري موت قلبـه لاطـرا

هلت الدمعـات عينـي يـوم ناظـرت الثريـا=ذكرتني صاحب(ن) عني رحـل ذا دور عامـه
احترك فيني غرام الشـوق قـام وعـاد حيـا=سيف(ن) ابتر قام من غمده ضرب عقب السلامه
جمرتٍ من عقب نارٍ قد طفت فـي وسـط فيـا=شبها الخافق بجوفي يـوم عـود فـي غرامـه
ان نهيت القلب عنه صـد عـن قولـي وعيـا=مايطيع القلب في من حط فـي وسطـه علامـه

المرجله لوهي ورا الجدي وسهيل=نسعى لها سعي الغريم لغريمه
فهمتني ولا تبي ندبل الكيل=نصيحتي خل العلاقه حميمه

اهديك يابستـان الآشعـار مـالاق=لانك وليف الروح واعطيك مـالاج
اشكي عليك ولك من القلب تنساق=لانك مزار الروح في كـل مـدلاج

لابـاس يابستـان الآشعـار لابـاس=لوغبت تبقا داخل الروح محفـوض
ارددك في داخلي شبه الآنفـاس=تبقا معي بستان والروح لك روض
ماتنقص ابياتك ازيدك بلا قيـاس=في كل لحضه بارق القاف له نوض
تبقى معي ظمن المشاعر والاحساس=وتبقى وليف الروح للقلب مفروض

بحر الهوى موجه تصافق مـع الـروح=تيـار مـع تيـار تبـقـا خـسـاره
طلعتنا الخسـران مـن دون مربـوح=جات الخسـاره لـو ملكـت المهـاره
ظرف الزمان ان عاندك صرت مكسوح=مـع مجمـل التيـار تـاره وتــاره

الله على الوقت والدنيا والايامي=ماللصداقه معاها حلف يربطها
تضحك لك ايام بس ايام والعامي=تاليه عكس العطايا من ظوابطها
بين اختلافاتها واوهام الاحلامي=ماننكر الوضع نبحث عن روابطها
نطرد وراها سرابٍ زايفٍ زامي=عين الحقيقه علينا جاك عابطها

القلب دله من غلا .. وظلوع صدري من جمـر=وطيفك قدوعـي والله يبـارك بهالجمـع الغفيـر
اتقول إلى كيف الشعر .. مشتاق تسمعلي شعـر=بصب إلك فنجال لين النوم مـن راسـك يطيـر
لاتقول بس : اشرب ودقق في شطر واحفظ شطر=واحد واثنين وثلاثه .. واحفـظ البيـت الاخيـر
شفت الغلا عقب البطا .. وشلـون يثـر بالبشـر=هذا غيابي عنك .. بينلي عـن اللـي بالضميـر
ماغبت عنك من زعـل ياغايتـي بالمختصـر ؟=قصدي تغلي هل انـا اعنيلـك الشـي الكثيـر ؟
ماغاب من ذكر مع العالم ( بمـا قالـو حظـر )=وانته تجيني واكثر اوقاتك مـع الثلـث الاخيـر
طلت جبينك وحدها .. غطت على ظـي القمـر=حتى جديلك غار مـن ملمسـه ديبـاج الحريـر
ابيك تبكي ليـن دمعـك مـن عيونـك ينهمـر ؟=والله ... ؟ ما امسح دموعك لو على قطع المسير
لآن دمعك من مياه النيـل ... وخـدودك مصـر=خليت نهرك لجل يغسل كـل سحـراك الهجيـر
عشان اجيلك وانتزع من غرس محصولك ثمـر=ثمره غلا واشواق تحكيلك .. عن العـذر الكبيـر
قد قالو البـدوان فـي ماضـي سنـواتً غبـر=من لايقدم عـذر عـن غيبتـه .. يذبحلـه بعيـر
صحيح غبنا عنك والخاطر ( بغيابي ) انكسـر=لاكـن وربـي ياغلايـه مالـك بقلبـي خشيـر
ابك انت حتى في صلاتي تقطـع احبـال الفكـر=وانا اتبسـم عقبـه استغفـر مـن الله واستخيـر
اتجاهلـك فـي جيتـك ثـم اتبـاهـا بالكـبـر=ماتدري اني تحت رحمه حدت الرمش الشطيـر
بالمختصر يعنـي انـا مالـي مطيـر ولا مفـر=واذا عكست الشطر يعنـي لا مفـر ولا مطيـر

طل الندى في غصن الآزهار والشمس=شعشع ضياها في زهور البساتين
ونا معا نسمات صبحي مع الهمس=ارتب اوراقي واسطر عناوين

لاعاد تقفاني ولانيب قافيك=خل الركايب يوم سارت مع الدرب
ولاعاد تقصاني ولانيب قاصيك=كنك خذيت الوضع في مسلك الحرب
حدد مسارك لجل تثبت خطاويك=ترى الدروب احيان تلقا بها كرب

عشت ولقيت بعالم الناس حاجات=متقلبه مابين دورات الآيام
ولا عاد نفهم وش وراها نهايات=بس المهم انها لها قصد واوهام
وتركتها واطلبت جو السحابات=ارقى وهوم وتركه الشي ميسام
جو الفضا يعطيك للنفس راحات=صفقه هبوبٍ كلها روح وانسام

مدري بنيت بكل حرفٍ لك اوهام= والا بنيت من المراتب مناصب
ياتابعٍ نفسه ترى الشك ميسام=تاليه لضلوع السراجيف حاصب

كنت احسب ان الجمايل لها كيف وحدود=لين شفت ان الجمايل منك فاقت حدها
ومن يمد الطيب لابد يلقى له ردود=وانت من كثرة جمايلك يصعب ردها

تحفه ودلوعه وتهوى الرومانسيه =ومن زود حبي لها ماهيب تنساني
أجي وأغني لها ابيات غراميه =وما عندها غير (كررها على شاني )
أول تجيب البيوت بدون قافيه =واليوم صارت على المعنى تحداني
أنا أشهد انها على الحب انتحاريه =وانا اشهد ان حبها المجنون عناني

لا لمحتك في خيالي ضاعت آمال الكرى =يا مجاذب موق عيني دونك انته ما تشوف
من تمشى بخاطري يلقاك وين اما سرى= وكل خاطر خاطري انته ..عليك الرفقه روف
من غرق في بحر دمي يلقى اسمك به جرى=وكل نبض القلب انته يا مليك احلى الوصوف
انت وين اما مشيت بيعشقك كل الثرى=وكل ما تترك مكان صارت ادموعه ذروف
انت كل الحس يحسك حتى نبضه بك درى= انت ابو الهول الجماد يصير بك حسه عطوف
لا انطرى طاري الفؤاد ذكرك انته ينطرى=لأن كل الفؤاد ذاتي صار ذكرك له ولوف
لا انوجدت بأي دار تنعرف بين القرى=لأن وجودك يجذب اللي ظنوا انك بس طيوف
انت بلسم بالحياة وانت قربك ينشرى= انت نور بالدروب المظلمه نور نيوف
ما انغريت بحد غيرك بس منك انغرى= المعزه والمحبه صاروا لبعدي سيوف
كل ما تحكي شويه تنثر الحكمه ترى =لك كلام دغدغ فؤاد المشاعر يا رهوف
الدلع في ذات ذاتك من امامه للورى= زارع في وسط قلبي كل حبك يالسنوف
فيك كل اللي ذكرته وفيك اكثر يحترى=وفيك ما يجذب ربوع الكون يالخل اللهوف

ماغيرتني غربتـي زود انـا اغليـك=وفيني ملامـح ضاربـه فالبـداوه
لوطالت الغيبـه فلانيـب ناسيـك=لنـك بقلبـي تستحـق العـلاوه
جيتك شعوري يسبق خطاي ناصيك=من عقب مر البعد نبغـى الحـلاوه
جيتك وقلبي صادق الود هاويـك=جيتك وكلـي عنفـوان وشقـاوه
الناس واجد لكن القلـب يبغيـك=والقلـب دقاتـه تزيـد بضـراوه
بعد البطى جيتك وكلي امل فيـك=انـك تلاقينـي بشـوق وحفـاوه
ياللاسف وش جاك بدلت ماضيـك=ماشفتنـا غيـر الجفـا والقسـاوه
وين العهد والصدق وحلوفنا ذيـك=يوم القلوب صحاح طهر ونقـاوه
وين العطا يازين واحلـى لياليـك=وكلامك المعسـول كلـه طـراوه
وشلون تنسا يوم تزعل واراضيـك=وابيع كل الناس لاجلـك رضـاوه
صار الجفا طبعك وغيـر مباديـك=وعلاقتي ويـاك صـارت عـداوه
حبك صناعي وانتهى دون تشكيك=ومحيت باقـي حبكـم والغشـاوه
معقول انا احبك وبالعفو اجازيـك=مجنون انـا والا براسـي فضـاوه
واسمع كلامي قبل ترحل بحاكيـك=ابيك تسمع كلمتـي فـي هـداوه
روح فمان الله وابعـد مساريـك=ماعاد لك بالقلب قـدر وغـلاوه

هيه .. قلبي ملك حالي ماعرضته في مزاد=حافظه عن سومة الجهـال حفظـه للوفـا
من كثر ماهو تعلم مـن زمانـه واستفـاد=كيف يجزا الطيب طيب وكيف يجفا من جفا
اكتسب منه التجارب وانتهلهـا واستـزاد=والتجارب من كسبها سـد حالـه واكتفـا
وانت ياللي في هواك تشوف حالك سندباد=فـارتحالاتك كريم وفي جحـودك مسرفـا
الهوى اللي يرتحل بك من بلاد ليـا بـلاد=ماصفالك (دوم) لوُه (يوم) في نـوُه صفـا
اعتبر من خلق ربي ثـم طالـع فـالعبـاد=انظر لـحـال المحـوُل والمعـدي للشفـا
وكان ودك بالصحيح وكـان ودك بالوكـاد=ماعليـك الـوم حالـي واتأسـف واسفـا
انت تلعب بالمشاعـر يامشاعـرك الرمـاد=جمرها دخن حشاها من سواتـك وانطفـا
تحسب انك محتميها مـن لهبهـا بالبـراد=لين ماتت في شتاهـا بـرد ماذاقـت دفـا
روح .. روح ولا تساوم في وصالك والبعاد=ولا تغيب وتحسب ان القلب لاجيت احتفـا
هيه .... قلبي ملك حالي ماعطيته سندباد=فـارتحالاته كريم وفـي جحـوده مسرفـا

الصبح ما هو صبح لا عتم الليل=لو كان تشعاه النجوم الولايع
من مفرق الحشمه لبعض الرياجيل=تصير هقوات النشاما بضايع
تنباع جنب الزيت والجبن والهيل=وتصير صنعه في يدين الربايع
اخاف ينساق الفضل والفناجيل=إلهن قبل شارب كريم الطبايع
والا الردي لاصار مايسرج الخيل=ضايع ومايقضي من العمر ضايع
لو كان ينسب للرجال المشاكيل=اهل الفعول الطيبات المنايع
الشري لو يزرع على شاطئ النيل=عده بعد مقلوع ضمن القلايع
سويت لي مدخال ضمن المداخيل=ما أطيع لو ان اكثر القوم طايع
هذا أنا خل الرخوم المهابيل=علمي وقلته واكثر القول شايع

ياصاحبي وقـف لزيـف الصحـاري=وبشر هجير الشمس عن موعد السيل
حاول تغيـر فـي ملامـح نهـاري=واعط القمـر مفتـاح بوابـة الليـل
مدري لشنهـو موعـدي وانتظـاري=مادامـت أيامـي قليلـة محاصيـل
في داخلي نزعـة خفـوق انتحـاري=حلـم تكسـر فـي ثنايـا التفاصيـل
واثر انكسار الحلم يعنـي انكسـاري=بغيت اكمـل وانكسـر فينـي الحيـل

عزالله انـي فاقـد لـي زمليـي=عسـا مقـره جنـة الخـلـد يالله
من يوم غاب وهذا قلبـي عليلـي=غاب و حضوره باقيا ما اقدر انساه
شاعر لجزلات القصايـد يميلـي=ياتـي بجـزلات الفرايـد مغنـاه
غاب وتركنـا معلنـن للرحيلـي=لاشك بكره كـل شخـص بيقفـاه

هاك ميزان الجروح وقيسها ذره بذره= ما وزنت الا غلاك ولا طعنت الا الحبايب
كل ما يطري علي ظلمك تشب الكبد حره = كن في صدري رماح القوم وسيوف وحرايب
انت شخص ما قدرت استوعبه خيره وشره= من عرفتك والدموع دموع والخفاق ذايب