::: مـنتدى قبيلـة الـدواسـر الـرسمي ::: - السنافي المصارير والسديري

اقتباس:

المشاركة الأصلية كتبت بواسطة راشد المسعري (المشاركة 550562)

جيشنا دايم على العـدوان رايـع
يشهد إللي عندهم يشبـح بعينـه
مثل عيد السنافي سوا الفنايـع .
جابها وإللـي عليهـا واسرينـه
جاب من جبهة عدن ناس قلايع .
يوم ولد الـلاش مادمـت يمينـه
طب وسط المعركه للروح بايـع
في الوديعه والرصاص مشاهدينه
شغل الرشاش وأشبع كل جايع .
مع مداغيـش عيـال مساعدينـه
ماتغير يوم شـاف الـدم مايـع .
قام عيد الدوسـري والله ضمينـه
كن بعض الناس من حوله ودايع
محتميهم بالرصاص وضربة يمينه
هيه يا لطف الحشا زين الطبايـع
اطمحي له يابعد من كـل زينـه

الغالي ابو مطر
اولا: بيض الله وجهك على ايراد هذه الموضوع الطيب عن هذا البطل (عيد السنافي المصارير ) .
ثانياً:يحز في خاطر اي دوسري أن تكون مثل هذه القصة ومثل هذا الرجل الشجاع موجوده ومحفوظه ولكن في صدر أقربائه فقط !! أو صدور القلة من أبناء القبيلة .
أليس لنا جميعاً الحق في أن نفخر بمثل هذا البطل
أليس ما ذكر أعلاه من شجاعة وبطولة لهذا الرجل كفيل بأن يحفظها الجميع !!!
دائماً نتهم قبيلتنا بأنها بعيدة عن الإعلام في بعض النواحي فما هو السبب!!!!
تاريخ القبيلة يزخر بالرجال الأبطال امثل عيد السنافي وكذلك الكرماء والشجعان وأهل الجيرة الطيبة والسوالف اللي تبيض الوجه والمواقف مع ولاة الأمر ونحن اليوم في عصر الإعلام وقبل الإعلام أبناء القبيلة أحق في أن يطلعوا ويحفظوا مثل هذه القصة الطيبة بقصيدتها الجزلة .
هذا دور شباب القبيلة ليسجلوا مثل هذه القصة الطيبة ويزودون بها منتدانا وجميع منتديات القبيلة المهتمة بحفظ تاريخ وتراث القبيلة.
آسف على الإطالة يابو مطر ورحم الله السنافي وتقبل ودي وتقديري ،،،،

الاخ راشد المسعري كلامك صحيح ويدل على راسك الطيب وغيرتك على قبيلتنا الكريمه
واوعدك انشاالله بكل شي عن والدي عيد السنافي رحمة الله عليه