|
رد: رحلتي الاستكشافية لمنهل (ابوجفان) الشهير
لاهنت يالعماني على الرحله والصور انت واخوياك
ابوجفان صار لي منه اكثر من 10 سنوات والله تغير من داخل رمموه وزينوه بس السوداني للحين ماتغير :) كنا مره كاشتين طلعة ضبان طبعا :) ومرينا المدي في القايله نغسل من الحر والقيض وكنا نسولف عن القصر يقولون مسكون فيه جن وماحسينا الا الزول واقف ورانا روعنا الله يروعه نحسبه جني ههههههههه لاهنت مره ثانيه وعز الله ذكرتنا بأيام حلوه مع الشكر |
رد: رحلتي الاستكشافية لمنهل (ابوجفان) الشهير
. . • رحـلهـ أكثـر من رائعهـ وتسلمـ اخوي هايف ع هذي الصور الأكثـر من رائعهـ وعلى هذا الموضوع الجميلـ جدا |
رد: رحلتي الاستكشافية لمنهل (ابوجفان) الشهير
ابو مبارك الله لايهينك انت والنشاما الي معك اتحفتنا بهالرحله الرائعه وعقباله نكون معاكم انشاءالله
تقبل تقديري واحترامي ولد ودعان |
رد: رحلتي الاستكشافية لمنهل (ابوجفان) الشهير
هايف العماني بيض الله وجهك على هذى الموضوع الذي ذكرني بمواقف حصلت لي احد هذي المواقف تقريبا قبل سنتين كانت الابل ساريه من خشم في مزموله وكنا فير رمضان لا الربع مسوين عشاء سحور توني جايهم جعل امحق من جيه وساعت سمينا لاشايب يدق يقول الابل قطعت الشبك وسرت المهم وروح فزاعه وان مانمت وليلنا وصبحنا وعصرنا المهم سقت الجيب قلت يالربع ريحو وانا مادل في الديره والله اني لالقاه لقكم المهم اي لفه تعجبني الفها معها اي مشراف اشرف عليه مالك بطول السالفه قبل ماتغيب الشمس لاالبل عند ابو جفان هناك العقلان<<<<هناك خير والله ويسوقها واحدن من العيال على رجليه ويخاف من الجن فيوم جاء حول القصر لذاك السواداني لعنبوه فيعود علينا يصيح يقول الجني المهم امسينا فابو جفان ليني ممسي في الغماره وحطين العيال سفن اب فوق الغماره في يوم استوت النومه في يوم طاح السفن فاقوم احسبنه جني هجدنا فاقوم اكلم ركبتي احسبنه الجني يويق علي من الدريشه واعدله السالفه كلها واتعوذ منه والله يعطيك العافيه |
رد: رحلتي الاستكشافية لمنهل (ابوجفان) الشهير
هايف بن مبارك العماني
الله لايهينك وقواك الله موضوع رائع ومتكامل والى الامام ولاتحرمنا من اي جديد لك سلامي واحترامي تقبل مرروري |
رد: رحلتي الاستكشافية لمنهل (ابوجفان) الشهير
مبارك الدموخ ابوزيد الغييثي تركي آل فنيس راعي البرصا محتميها فيصل الشكري عبدالكريم البليهي صاحب السمو ابوزابن المسعري ابراهيم بن محمد الخميس ماجد بن روية ريميه ابو المثنى التركي ابن وتيد السباعي ال شواي علي الجعيدي رماد ولد ودعان فارس الكلمة ثويني الخالدي بيض الله وجيهكم على ردودكم وتفاعلكم مع الموضوع واشكركم جميعاً من صميم قلبي على تشريفكم للموضوع وتفاعلكم معه اما برد جميل او شكر او ذكر معلومة او قصة تتعلق بأبوجفان . تقبلوا تحياتي،، |
الساعة الآن 10:36 AM
 |
Powered by vBulletin® Copyright ©2000 - 2025, Jelsoft Enterprises Ltd.
---