جل منهوا يعلم الغيب سبحانـه=واحدٍ فردٍ صمد عالـيٍ شانـه
يمنع ويعطي وهوا ماجد واجـد=كلنا نرجيـه عفـوه وغفرانـه
اصطفى للدين سيـد ولـد أدم=ونصره ربه على كل عدوانـه
ياسلام الله على من ملا الدنيـا=بالعدل والحق من نطقة السانه
اليتيم اللي بنوره اضـا الدنيـا=وطهره ربه من الشرك والدرانه
ماشياً بالعدل والحق من صغره=واصطفاه الرب من بدة أقرانـه
الامين اسمه وهو مابعد كلف=صادق بالقول والعهد ما خانـه
يوم كمل الاربعين اصطفـاه الله=قال بلغ جملة الانس مع جانـه
وبتدى المختار تبليغ ديـن الله=ثم بين شرع الاسلام واركانـه
ثم قال اصدع بما نزل البـاري=من براهيـنٍ توضـح بقرانـه
هدمت لاصنام والشرك قـد ولا=وابتدى الاسلام تثبيت سيسانـه
ثم هاجر وابتدى الدين يتقـوى=بعد ماعانا من اضرار جيرانـه
با المدينة سيس العدل بالدنيـا=بعد ماهي كان بالجور مليانـه
ياسلام الله على من ملا الدنيـا=بالعدل والصدق والشرع عنوانه
لو يقول اهل الكفر فيك ماقالوا=كل مسلم حبكم وسط وشريانه
تسخرون بسيد الكـون سيدنـا=امةً عن منهج الحق عميانـه
يسخرون ولايعرفون ديـن الله=الله اكبر كيف بالغـي سكرانـه
كيف يسخر كل كافـر ومتكبـر=والكفر من عدله انهار طغيانـه
ياهل التوحيد سيروا على السنة=منهجٍ منجا من الشرك واعوانه
والصلاة اختام ماقلت في قولي=شاعرٍ عبر وترجم له السانـه