ابيات شعري تغنت داخل فوادي=غنا وترها على الاضـلاع عازفهـا
اجيبها من خفوقي ثـم تنقـادي=واسمع صداها بجوفي في موالفها

ليت الليالي يوم غنا سعدهـا=تلاحقت مافاتني يـوم فرقـاه
لوهي عطتني ماتساوي مددها=اصفق بكفي باول اليوم واتلاه

عبـر الآثيـر وذبذباتـه ولرسـال=استقبل ارسالي ترى الشوق ناصيك
وجه مدارك للهوى عقب ما حـال=ليل امس ياليلٍ علي ويش اسميـك

مايطيب الجرح مع طول السنين=ولاتمل العين من شوف الامل
الدوا للجرح من كف اليدين=والوفا بالعــين لاجاها اكتمل

دنيا عنيده لو عطت ناعم اللمـس=يقفا نواعمها من الشـوك شوبـي
كم واحدٍ منها شكا حامي الحمـس=وكم واحدٍ منها صفت له شروبـي
ولا يتفق بكره مع اليوم عقب امس=كلٍ ظهـر ماصـار بـه للقلوبـي
دنيا كما عدٍ وليلـه دهـاً دمـس=وكلٍ على حظـه يجـر الغروبـي

هذي خوافي خاطري تحت الاقلام= تكتب معاناه الجروح القديمه
الحظ عيا بالهوى طاح ما قام= عيا يقوم الحظ رجله سقيمه

ليل الحقيقه كل ما جيـت اناديـه=عنـي يصـد ولايبيـّن لنـا شـي
واصبحت اهمش كل ماكنت اسويه=متظارب الآفكار متوحـي الكـي

كنت انصحك قبل انجرافك بياديك=ياللاسـف ماتسمـع الشـور فهمـان
سارت بك القدره وضاعت خطاويك=وزلت بك اقدامك على كل ميدان
دوس اللغم ياجاهل الدرب يرميك=من يجمع اشلائك اذا صرت غلطان

خذينـا مـن ليالينـا مواقيـف وعبـر ودروس=نطيـح ونرتكـي ونقـوم مـا ماتـت عزايمـنـا
جهلنا وافتهمنا مـن جهلنـا وش مقـام الـروس=وبنينـا واعتلينـا للمعـالـي مــن مكارمـنـا
مادام ان الزمن فنّد لنـا العالـم بـلا ملبـوس=فلاداعـي نشـك بمظـهـرٍ يـبـدي توهمـنـا
سراب القيظ وان حل الظما ما اروى وراه نفوس=سـرابٍ يطّـرد يشعـق بريقـه لجـل يعدمـنـا
سنين الوقت تقبل لك وتشرح لك بدون عسـوس=تركنـا الهافيـه والطيّـبـه منـهـا تغانمـنـا

سند على صم الجبال الشواهيق=لاصار مالك صاحبٍ تنتخي فيه
اما تذريك الرجال المطاليـق=والا تعديك الخطر من مباديه

غنابها ميحد مـن الوجـد مـوال=خمس الحواس يسائلني ونا ابيـك
ووش تنتظر يامحرق القلب والحال=غنابهـا خالـد وغنـا مهـاويـك
وغنا بعد تذكار عيشـي بالآمـال=وان كان يحصل لك تناسين مغليك

ليت الغرور اللي يجي من سوايـاك=تقتاد به بعـض الغناديـر ياهـوه
وليت الكلام اللي يجي فيه طاريـك=ماينقطع مـن فـم ناسـن تحاكـوه
وليت السحاب اللي تنشـا يراعيـك=ينصاك في دارك ومشيه على الدوه
ويسقي ديارك لين ينبت براضيـك=ورد الخزامـا والنفـل مـا تعـدوه

كم هير ماي فرند حييت حييت=يو آآر ولكم مرحبا الف ترحيب
كم هير خل الجرح تبرا خوافيه=واللي بعد في هارت من وند بيطيب

عزالله اني فالهوى اسم مجرور=مجرور بالكسره على فتحه الباب
ابغاخبير(ن) فالقواعد ودكتور=يشوف لي وش موقعي بين لعراب
اما يقدمني على الفعل مجبور=والا يدور لي دوى جرح لحباب

البطه اللي تنوش الحر في وكره=ترقا مراقيه وتحول محاويله
ماتدري انه صبر والى انتها صبره=يشكها تابعه والموت توحيله

دارت رحا الآ يام والوقت ميدان=احدٍ جفاه الوقت واحـدٍ يناديـه
صوارف الآزمان حطت بالابـدان=مياسـمٍ ماهيـب جمـرٍ نطفـيـه
في داخل الاعماق تبقا لها ازمان=ويبقا صديد الجرح لونـا نخفّيـه
نصبر على ماصار والصبر عنـوان=وباب الفرج محدِ من الخلق جافيه

اثرك مع الوقت تلعبها بمظمارك=الين بانت وبيّن كل مافيها
لاشك آبعلمك وان طال مشوارك=تراك مثل الثعل لوكنت تخفيها
حفرك ودفنك عليك يثور غبارك=واحذر يمينك توقع في مكاويها
مياسم الوقت عندي تصطلي نارك=وان قالها الله لزوم انك تلاغيها

فكس آآرانتاج وارد فخامه ذالزمان=ابيضٍ لونه كما لون نوٍ مستخيل
فُل اٌكشن بالفخامه وراهي بالبيان=حايزٍ كل الجوايز وجاب المستحيل
بالسطاوه والرهاوه وشارات الآمان=يمتلك كل الوسايل موصوفه قليل
فتحه اسبيرين لوحات وحروفه بلان=والعدد طبق وسوى مادخل فيهن دخيل
هدروليك وياي ملفوف والمكره عوان=للفزايع واللوازم تنحر للقبيل
ذبذبه وارباق وارسال شاشه للعيان=وعن محيط الوضع حوله يصوره الدليل
عاج ناعم واسطوانه وكاسيت وكيان=وعن حراره حاله الجو يعطيك الحصيل
وبصمه المفتاح ميزه بدت له بالآوان =لاتفر سويك والا تدّور له بديل
ماتشغل لين تبصم موقع بالبنان=صممه راعيه حتى توقع للآصيل

تسّر العيون بشـــــوف ملحاً لها مربوح = اليا من رعت في خايعٍ في مداوجها
سنادٍ جــليله عظم فجــــحاً كما السابوح = اليا دبـّرت كـــــــن القوايم تعارجها
عراوي قدمها لاوطت في ثراً منجـوح = يـثوّر خــفاف اقـدامها من مـدارجها
وسيعه نحــر جردا لها عا تقٍ منسوح = زما خشــــمها كنّ اللواحي تعاوجها
حلا ماحـلا في وجـهها والســبال تلوح=مع الخـد وطـــوال الآذاني تباهجها
طويله رقـاقٍ ورقبــــتها تماوح موح =اليا زرفلت صوب المنادي تماوجها
لها غاربٍ مارق كما عارضٍ له صوح=فهق نيها طوله على الورك حارجها
على الصوت قدم الطرش تتلا الفحل فالشوح= اليا طــوّل الممـشا وطالت مناهجها

الزمان اللي مع الوقت خاوته الظروف=لين خلّت داخل القلب شـيٍ يدهكـه
الفراق وكل نفسن لطرياهـا عيـوف=مثل نفسي تطلب الحلم عيّت تدركـه
ما قدرت آصل هوها وحالن الظـروف=دون وصله تشهر السيف ناسن تملكه
اتوجد والتوجد مثـل حـد السيـوف=وكل ما جر التناهيـت حـده يسلكـه

ياعين ياللي ترقبين المواليف =طال السهر ياعين والوقت ماطاب
خلك حدوه اهل العلوم الملاقيف=وعن جيتك يدرا له علوم واسباب

يهب الهوا والجوف في داخله نيران= ولاتنطفي نارن من العام مشبوبه
اداري واداري بالهوى ساحرت لعيان= واداري عذولن ينشد الناس مطلوبه

هبت هبوب النود من دار الاحباب=وهبت جروح القلب تطلب دواها
وقعدت اون ولجلها رحت منصاب= واستلحقت كل الجروح بعناها

الشمس غابت والليالـي درايـك=يقفا بها الساري ويبقا دريكـي
ومن يحمل الهرجه بروح الشكايك=ميزان فكره في حياته ركيكـي
ياللي بنيت من الظماير حوايك=منته رفيقٍ لي ولنته شريكي
اجملت لك من دون شك ولكايك=قافٍ يخلي كل عزمـك دكيكـي

الموج يصفق مـن محيطـه لتاليـه=ياللي نطحت الموج مانيب اوصيك
امـا تنـح وخـل موجـه يصالـيـه=والا فـلا ترمـي بحرنـا بياديـك
هذى بحر مايحسب احساب وش فيه=ثلثيـن الارض وتاليتهـا يغطيـك

نعيش فالدنيا بحشمه وقيمه=لوصار دور الوقت مثل المخيله
لابوك يانفسٍ بليـا عزيمـه=لاهب لاهوب الهوا تنحنيلـه

سـلام يابستـان الاشعـار والـروح=من بوح فوح الروح نكتب قصايـد
نكتب عن الخافي على مدرج البوح=ونطلع عن سهوم السنين الشدايـد

ياصاحبي والسالفـه مالهـا راس=شي(ن) حصل واقفل سجل القضيّه
كلمه عبور وعرضّت مالها ساس=صارت وجا لبليـس فيهـا نحيّـه

لاتحسبنـي همنـي كـل هـراج=من ماكتبت من القصايد وثايق
اكتب ولا للخلق مدخل ومخـراج=وما جال في داخل خفوقي يوايق

ياونة بيـن الضلـوع المحاديـب=لجت ورجت تصفق الجال بالجـال
منها ضلوع الجوف مثل المشاهيب=حنت ودنت فاحت بزين الآمثـال

قالت على ذكرى السنين القديمه =آسف بعد ماشفت منك الحقيقه
ماتدري ان الجرح يبكي نديمه=وماتدري سيوفه بجوفي عميقه

بنت الرجال اللي تربت على الطيب=دره ذهب بيـن الجواهـر جميلـه
دور لها ياللـي تحـب المكاسيـب=شيهانـةٍ ترقـا بـراس الطويـلـه
من بيت عـزن ناقلـن للمواجيـب=ربت على الناموس بنـت الكحيلـه
تركظ مراكيظ امهـا فالمطاليـب=وتنهض على الفزعات ماهي هزيله
في مطلبك ماهيب تبغـا تجاريـب=في بيت ابوهـا جربوهـا الآصيلـه

الهاجس اللي يراقب غيب الآشفاقي=حتى يّروح بفكـرن فيـه ولوالـه
يزورني مع مغيب الشمس توّاقـي=واقوم له واشرح علومي ونا ابراله

الفكر مركز تعامل ظبط توجيهي= واليا احترق لخبط الانسان بفعاله
يعطيك رهن الاشاره شي تنبيهي= تاخذ وتعطي مع العالم بمنواله

العين تحكي بعض لحيان مافيها=تبدي خوافي خفايا في دواخلها
ترسم بنظره لغتها لجل غاليها=وتصدر اشارات تكفي عن تعاملها

الحلم غفوه يعيش الشخص مافيها=يبني من الحلم مالا يقدر يجيبه
يطلع من اجواء وضعه لجل يرميها=ويفرمت النفس لحظه من تصاويبه

العمر نقطه تمركز انت واصلها=في كل يومٍ تقّرب من تواليها
يعني عليك العمل بالخير كملها=وارفع رصيدك لجنّه تهتني فيها

لو ناشنا من جور الايام ماناش=اصبر وغير الله ترى ما رجيناه
ما انصى الذي لا شفنا صد وانحاش=من صك بابه دوننا ما طرقناه
لو حاجتي عن الردي بارد الجاش=اموت انا افضل ماترجيت حسناه