هذي سوات الوقت رابح وخسران=ولادامت الدنيا لحي تدينه
كم واحد من ضيم الأيام حزنان=حزن العواجي يوم راحوا بنينه

الشاعر زبن بن عمير

لي هامةٍ ماهي مثـل كـل هامـه=ولي كلمةٍ لا قلتها مـا تجـي زور
عند الثريـا لـو خذتـك اللئامـة=متوشحه ثوبٍ من العـز مستـور
الله عطانـي بالحيـاة استقـامـة=ستر وغطى عن كل فاجر ومغرور
ياللي رصيدك بالحيـاة الوسامـه=ما للمكـارم فـي تفاصيلكـم دور
كل ما انحنت في درب الايام قامه=طاحت وحطينا لها قبر وازهـور
اللي عرفنا مقصـده مـن كلامـه=واللي عرفنا مقصده قبل لايخـور
ومن زود صدقي بالمثل واهتمامـه=ما تنبني دارٍ على سـاس منخـور

مرقا العلا خطر عسير صعوده=مايطلعه من لا تجلد على الجود
والبيت مايبنى بليا عموده=والحيف يزعل من عن الحق مردود
والحر يجزع يوم توطى حدوده=وتشّرهه نفسه على الطيب والزود
والنذل حيلات الردى ماتكوده=واليا بغى الطولات مايدرك الجود

البارحه والنوايا في عيوني دهم=استغفر الله في صدري يحاك الصراع
والجهل يخفض نباء والعلم يرفع سهم=والوقت مايظلم الا كايدين الطباع
والهقوة اللي غدت عقب الحقيقه وهم=هي والله اللي لوتني مثل لوي الذراع
يا بو فهم لويضيق الحال يا بو فهم=ماردت الغانمين فجوج الارض الوساع
وتجانس الذنب للمظلوم والمتهم=في عين ... من ضيع الله ذمته يوم ضاع
الله عان الشجاع اللي يلبي الزهم=يوم ان تنكب بكتفه للثقيل استطاع
والجيد اللي إلى من جاء لرجله مهم=يسووقها في الهجوم اللي يهز الدفاع
الله مكرهني لشخص البخيل النهم=والله محببني بكف الكريم الشجاع
يا صاحبي والغلا لو ما رهم ما رهم=احلامنا الامتعه .. ودروب الارجل متاع
وافواه الايام مثل افُوه جراد التهم=حصادها الامنيات ومنتهاها الوداع
خلاص ريح ضميرك والاخوة ااهم=اهم بكثير من كثر العناء والضياع
وانا اوعدك باني ابقاء مثل خبرك شهم=وارجو العذر منك واعذرني على الانقطاع
احيان يأتي الخطأ بسباب قلة فهم=واحيان يأتي الخطأ ويموت منه الشجاع

كـــم واحــد له غاية ما هرجها=يكنها لو هو للادنـين محــتاج
يخاف من عــوجا طــوال عوجها=هــرجـة قـفا يركض بها كـل هـراج
يقضب عـليك المخطيه من حججها=حلو نباه وقلبه اسود من الصـاج

كل ما طرا لي منظر مريب وأرتاب=كان الوحيد اللي يحرك شجوني
قبلة صلاة وذكر وخشوع وكتاب = وأمي على ســجادة النور دوني
تدعي لي الله يفتح بوجهي أبواب=تتوسله بالشدة يكون عوني

للشاعر حامد زيد

عسى السحاب اللي تكاشف بروقه=لي جا على نجد الحبيبة سقاها
والى سقى نجد وطابت وقوفه=نوه حقوق وكل خيراً ملاها

الشاعر محمد السياري

والناس في ذالوقت راحو تشاعيب=احدٍ حدر واحـدٍ ظهـر للنجومـي
احدٍ على الـزلات مثـل الكلاليـب=واحدٍعن الزلـه بنفسـه يشومـي
واحـدٍ لخطـاره يفـل الحواجيـب=واحدٍ لخطاره غضيـبٍ كضومـي
قلته ونـا لـي فاليالـي تجاريـب=قسمي اعرفه بين كـل القسومـي
انشوم عن هذي ونرهي على الطيب=ونـا ادري ان العافيـه ماتدومـي
العمـر مـره والمنايـا مقاضيـب=ومن لاكسب كلمة نعم فمحرومـي
ايامنـا تبغـى ***** وساليـب=وقتٍ تخالط فيـه كـل السلومـي
وقتٍ يهضنـي لـروس المراقيـب=ويضيق صدري وتعـلا الرجومـي

ياضايق الصدر بالله وسع الخاطر = دنياك ياخوك ماتستاهل الضيقه

احد بفعل الطيب يذكر ويحشم= واحد على الطولات حاير وخاير
يابعد فرق الناس كافر ومسلم=تخيروا يامدورين الذخاير

والاصاحيب دايم رمحهـم مسمـوم=لا تـردَّوا بطيّـب وجْحَـدَوا طِيبـه
يا الـ ؟؟؟فالضميـر علـوم=ذكْرها ما يسـرّ وحَبْسهـا مْصيبـه
الصَدَر من عناها ضايـق ومزحـوم=ولوّ اسولف بها مـا تعتبـر غِيبـه
يوم تطري عَلَي ما اذوق حلْو النـوم=جرحها بي سطا مـا عنْـه تجنيبـه
وأنت اخوي النزيه وْلا يجيك اللـوم=لتمس من وفاك النور واسْرِي بـه
في زمان الظلام وقسْـوة المقسـوم=لي أمل واحد احيا به وامـاري بـه
ما عَلَـي دام فالدنيـا عيـال بْقـوم=عزْوةٍ تعطـي الصاحـب مواجيبـه

بيض الله وجه الايام والمال القليل= عرفتني صادق الناس من كذابها

ياسلامي يازبون المجنى = ياهل الطالات سقم الحرايب
صلب جدي يبعد الهم عنا= لاركبنا فوق عوص النجايب

ديرتي يابن هادي ترى خرجها = المصبب مع كل سيف صقيل
لابتي تكسب المدن بسيوفها = يوم كسب البدو حشوٍ هميل

ياحظ دجنابك على كل ديره = ولاعرفنا وين رغبتك ياحظ

مقامك في دار الهوان هبال=فقم قام ناعي من جداه نوال
بهوان فراعي الهون مانال طوله=سيور تنهات النوال اسوال
وكن لصعبات المعالي امصادم=فلا كدر الا مقتفيه زلال
وكم شدة تلفيك إلى حد راحه=وكم راحه تازي عليك وبال

الشاعر رميزان التميمي

بيض الله وجه الايام والمـال القليـل=بينّت لي صادق الناس مـن كذابهـا
بينّت لي وقفةٍ مـا يوقفهـا الذليـل=فزعة اللي خوته مـا تسـد ابوابهـا
يلتزم فالحق ويقوم بالحمـل الثقيـل=وما تروّح حاجةٍ لـه وهـو طلابهـا
لو معي من غيب الايام والدنيا دليـل=كان اجنب بعض الاشياء قبل لا ابدابها

كل(ن)على طاروق قلبه يدله=و انا على طاروق قلبي لحالي

ماكل من يضحك في وجهك يودك=ولا كل من يبكي بكى صدق و احساس

دع العذل عني يا ناصحي وخلني=فشرواك مايرضى هوان لصاحبه

اقدر وجية(ن) تقدرني واحسب لها حساب=واصد عن بعض الوجيه ولا حسبت حسابها
جات البدايه هكذا .. يا اما خطا ولا صواب=لكنها فكره عسى ربي يجملنا بها
حمستها فـ الراس حمس البن يوم الكيف طاب=من طيب نكهتها طمع في شربها صبابها
وفوحتها بين المحاني لين فيها البن ذاب=وقندتها من فكري اللي ما يطيب الا بها
يوم استوت قدمتها لوجيه سمحين الجناب=ما كنها الا دلة(ن) تبري خوى شرابها
صحيح شاب الوصف لكن من يقول القاف شاب=لا على روس الطوال النايفات ارقى بها
شاعر واحقر الهينه ويشوش راسي للصعاب=مانيب حيا الله ليا شاف الصعاب يهابها
اغرف بحر واقطف زهر وانحت على صم الهضاب=مثايل(ن) تبطي وهي عند العرب يحكى بها
السبع كانه لا عدى ماله على الشدات ناب=تعشته شهب السباع اللي تحد انيابها
واللي مايلقى من يمينه لا طعام ولا شراب=تصبر على جور الليالي لحيته واشنابها
واللي معه قلب(ن) شجاع وعزم ذيب وعين داب=وبين الجبال الموحشه دربه وبين هضابها
ومنين ما هب الهوى لقاه لخشوم الركاب=من سطوته ماهو يخليها تعوج رقابها
ولا يكل ولا يمل ولا يضيق ولا يهاب=ويعقب اللي ما يقول النار من شبابها
ان كان ما جاه السعد يسبق مراويح السحاب=قولت كفو في حق مثله ما يطول غيابها
وانا احتزمت بمحزمي واخذت سيفي والزهاب=وشقرا(ن) عليها البندق اللي بين(ن) مضرابها

يالله يامعبود يا ســـــــــا بق الفــــــــــوت = يا ســـــامع صوت المنادي بالأسحار
يا كافل للحي من رزقك القـــــــــــــــــوت= يامنجي ذا النون من هــــــول الإبحار

إن جـيـت للـعقـّــال عاقـل وصاحي =ون جيت للخبـــلان خبل بزيادة
أمزح بكـيفي لا بغـيت الـمـزاحي =واسكت إذا كان بسكـوتي مفاده
والكلمة اللي ما بها من صلاحي =أصد عـنهـا طـيب ماهي بلادة
واشرب من الماء لا وردت القراحي =واترك هماج الماء نصيب الجرادة
الـذيب ما هـمـّه صـيـاح ونـباحي =والخوف ما يدخل قلوب الجلادة
ما واجه صياح العدو بالصياحي =مــصـيـرهـا ناره تعـوّد رمـاده
سيف العقل متقلـّده لي وشاحي =واخذ حقوقي بين حلم وركاده
الصعب يسهل بالعزم والكفاحي =والسهل يصعب دون علم وعتاده
واللي يبي درب الفخر والنجاحي =يبذل لها الأسباب ويلقى مراده
وخـتـام قــولي والعلوم الصحاحي =ما حط نفسي في دروب النقادة