بالقاف أسلي خاطـري كـل ماظـاق=خواطر(ن) تنبع من اهجـوس ضيقـه
مثايل(ن) مع داجـي الليـل تنسـاق=أولـه لهـا ولـه القلـوب العشيقـه
أسس قواعدها علـى بيـض الأوراق=وابني عليها مـن البيـوت الغميقـه
من شأن من يطرح لها السمع يشتاق=ونقادهـا مـا أبغـا يجيلـه طريقـه
ماكل من ينطـق يقـال إنـه نطـاق=يحكـم عليـه إيـلا تكلـم نطيـقـه
ولاكل رمـاي(ن) يقـال انـه تفـاق=ولاكل صيد(ن) من قنص لـه يعيقـه
وإن جيت بوصف من التواصيف مالاق=بحث(ن) عن إعجاب الوجيه الطليقـه
أختـرت مايطـرب رفيعيـن الاذواق=ومـن الزلـل حصنتهـا بالحقيـقـه
حقايـق(ن) ماهيـب تحتـاج ميثـاق=تشهـد لصحتهـا العقـول الوثيقـه
عن ما تشوف أعيوني مـن التفـراق=فـي سيـرة الدنيـا وطبـع الخليقـه
وأبدى وأقول الطيب من فضل خـلاق=ومـن لاوهبـه الله يظيـع طريـقـه
والناس ترفعها المراجـل والاخـلاق=يوم الـردي كسبـه عـداوة رفيقـه
رجل(ن) يجي لقرابـه اظـلال ورواق=تجذبـه للطيـب الاصـول العريقـه
ورجل(ن) يلامن طاب طيبه تلصمـاق=مثل السـراب يـزول عجـل بريقـه
ورجل(ن) مجاله بالثنا يشرق إشـراق=ورجل (ن)كما جمة قليب(ن) عميقـه
ورجل(ن) نظر عينـه رفيـع للآفـاق=ورجل(ن) عيونه في الأمـور الدقيقـه
ورجل(ن) براسه من الصواديف دناق=يروغ منها لـو تجـي فـي شقيقـه
ورجل(ن) يلا نشفت من الحمل الارياق=يشيل حمـل اللـي عجـز لا يطيقـه
والبلشـة اللـي مـا تلهمـد بلـزاق=اللـي لخـو مـره رحـول ووسيقـه
اللي لربعـه حرقـة اكبـود وإرهـاق=خلقـة وبـا ماينعـرف لـه طريقـه
اللـي علـى طـرد المقفيـن شفـاق=ومن كثر هرجه بالقفا نشـف ريقـه
وإذا درى ان الوضع قـرب التوهـاق=جوده ومجهوده يجـي فـي طقيقـه
مايدري إن له في المطاليـق معـلاق=يحشم جنابـه لجـل حشمـة فريقـه
حلو اللسان اللي مـع الوقـت بـواق=مـا أشبهـه كـون العبـاة الرقيقـه
هذا لك أفضـل بيـع جمعـاه بفـراق=من قبل تصبح منـه كبـدك حريقـه

حييت ياصالح رفيع المقامي=تحية ماترخص إلا لشرواك
واهديك يالقرم الجعيدي سلامي=واقول ياوافي النسب لاعدمناك
حيث انك في الهقوات عالي وسامي=ولاتنقصر من عروة الطيب يمناك
عساه يفداك الضعيف الخمامي=اللي حياته ذم هذا وهاذاك

مرحباً بك يالغريري عدد وبل الخيال= يامحمد كاسب الطيبه رمز الوقار
وأشكرك على مرورك بكلمات الجزال= واخذ مني ردها يابن عمي بإختصار
إنبساطك هو هدفنا ويحسب راس مال=ويكسي ابيوت القصيده جمال وافتخار
أمدحك من شوف عيني ومن قول الرجال=ويكفي أمن المدح وضعك كتاب الله شعار
جعل فال العز لك ياطليق الوجه فال=ومثلك وشرواك جعله من اطوال العمار

بالقاف أسلي خاطري كل ماظاق= خواطر(ن) تنبع من اهجوس ضيقه
مثايل(ن) مع داجي الليل تنساق=أوله لها وله القلوب العشيقه
أسس قواعدها على بيض الأوراق= وابني عليها من البيوت الغميقه
من شأن من يطرح لها السمع يشتاق= ونقادها ما أبغا يجيله طريقه
ماكل من ينطق يقال إنه نطاق = يحكم عليه إيلا تكلم نطيقه
ولاكل رماي(ن) يقال انه تفاق=ولاكل صيد(ن) من قنص له يعيقه
وإن جيت بوصف من التواصيف مالاق= بحث(ن) عن إعجاب الوجيه الطليقه
أخترت مايطرب رفيعين الاذواق=ومن الزلل حصنتها بالحقيقه
حقايق(ن) ماهيب تحتاج ميثاق= تشهد لصحتها العقول الوثيقه
عن ما تشوف أعيوني من التفراق= في سيرة الدنيا وطبع الخليقه
وأبدى وأقول الطيب من فضل خلاق = ومن لاوهبه الله يظيع طريقه
والناس ترفعها المراجل والاخلاق= يوم الردي كسبه عداوة رفيقه
رجل(ن) يجي لقرابه اظلال ورواق=تجذبه للطيب الاصول العريقه
ورجل(ن) يلامن طاب طيبه تلصماق=مثل السراب يزول عجل بريقه
ورجل(ن) مجاله بالثنا يشرق إشراق=ورجل (ن)كما جمة قليب(ن) عميقه
ورجل(ن) نظر عينه رفيع للآفاق= ورجل(ن) عيونه في الأمور الدقيقه
ورجل(ن) براسه من الصواديف دناق= يروغ منها لو تجي في شقيقه
ورجل(ن) يلا نشفت من الحمل الارياق=يشيل حمل اللي عجز لا يطيقه
والبلشة اللي ما تلهمد بلزاق= اللي لخو مره رحول ووسيقه
اللي لربعه حرقة اكبود وإرهاق=خلقة وبا ماينعرف له طريقه
اللي على طرد المقفين شفاق=ومن كثر هرجه بالقفا نشف ريقه
وإذا درى ان الوضع قرب التوهاق=جوده ومجهوده يجي في طقيقه
مايدري إن له في المطاليق معلاق= يحشم جنابه لجل حشمة فريقه
حلو اللسان اللي مع الوقت بواق= ما أشبهه كون العباة الرقيقه
هذا لك أفضل بيع جمعاه بفراق=من قبل تصبح منه كبدك حريقه

والناس ترفعها المراجـل والاخـلاق=يوم الـردي كسبـه عـداوة رفيقـه

هلا ياأختنا بنت الرجال النشاما شوق= أحب اشكرك في طيب هرجك ومنطوقك
وإذا كان شفتي في القصيده جمال وذوق= ترى الفن يابنت المناعير في ذوقك
يلو ماب بيتك بيت عز مكانه فوق= ما كان الكلام الجزل يعنيك ويشوقك

هلاً بك عدد ماذعذع النود يابن وتيد= ومشكور في تشريف مجهود طلابك
وذاليل عندي من الطرب مثل ليل العيد=بعد ما دريت اني توفقت لعجابك
يعيش الرفيق اللي سواتك نظره ابعيد=وصيت الفخرمن طيب مجناك وانسابك
ومثلك وجوده في صفوف الرجال يفيد= عسى جنة الفردوس ملفا لمن جابك
وجودك يكفي عن وجود اربعه ويزيد= ونفقدك وإنعاني من الشوق بغيابك

يامرحبا بالرفيـق اللـي يشجعني=ونجاحي اكبر مكاسيبه ومصلوحـه
يابوفهيد افتخر بإنك متابعني=بردودك اللي بلون العـز مملوحـه
ابي امدحك وانت تدري ويش يمنعني=شهادتي فيك يابن العـم مجروحـه
وعيا ضميري على رايي يطاوعني=يقول لابـد يـدرج بـأول اللوحـه
لوحة رجال لها صيت الفخر مثني=اللي بنو معلم الناموس واصروحـه

مرحبا يابومحمد تراحيب المطر=وأشكرك على مرورك وزودك في الثنا
تستحق اشكرك وأنا يحق ألي الفخر= وامدحك لونك عن زود مدحي في غنا
أسم جدك بالثنا الذرب والطيب اشتهر=من عصور الجهل والسيف لملح والقنا
بالفخر والمجد يوضي مثل نور القمر=شجرة(ن) يقطف من اثمارها حلو الجنا
معلم ماتختلف فيه وجهات النظر= شامخ راسه ولا قد خبرناه أنحنا

والناس ترفعها المراجـل والاخـلاق=يوم الـردي كسبـه عـداوة رفيقـه
رجل(ن) يجي لقرابـه اظـلال ورواق=تجذبـه للطيـب الاصـول العريقـه
ورجل(ن) يلامن طاب طيبه تلصمـاق=مثل السـراب يـزول عجـل بريقـه
ورجل(ن) مجاله بالثنا يشرق إشـراق=ورجل (ن)كما جمة قليب(ن) عميقـه
ورجل(ن) نظر عينـه رفيـع للآفـاق=ورجل(ن) عيونه في الأمـور الدقيقـه
ورجل(ن) براسه من الصواديف دناق=يروغ منها لـو تجـي فـي شقيقـه
ورجل(ن) يلا نشفت من الحمل الارياق=يشيل حمـل اللـي عجـز لا يطيقـه