لالف ولف شافي من الطواريـق=قاد السفينه وابحروا تحت الامواج
والبا بداية قاف وابغى المواثيـق=انكم على هداج تردونـه افـواج
التاء تجي لابيات منـا ملاحيـق=ياشاعرن صيته كما وصف الابراج
والثاء ثبتنا فوق روس الشواهيق=والكـل منـا يـارد العـد ثجـاج
و الجيم جينا للعشيقة عشاشيـق=والحفتها الالماس والبستها التاج
والحا حضرنا للنشامـا مشافيـق=ونرد المنايا لجل عينـك ياهـداج
والخاء خذينا من رجانا توافيـق=ماضاق بأمر الله لقينا له إفـراج
والدال درب الطيب بين المخاليـق=كف ٍ ندى طيبه على كف محتـاج
والــذال ذالــي عدة سنـيـن ماطـيـق= لاروح لـلـــــوادي ولاروح ا لافــلاج
كله على شان الذي ســبب الضيـق = ثوب لبسته جعل لي منه مفراج
والرا رحلنا ياعساهـا توافيـق=لدارٍ بها البارق تليعج تليعـاج
والزا زبنت اللي يفك المزانيق=ربٍ له المخلوق يطلب ومحتاج

والسا سريت وجيت للمنتدى اويق = ماشفتنا لي شاعرن في البلد داج
والشا شرعت القاف والقاف ماسيق = والظاهر ان ماله سوى بطن الادراج