مابين هز الرؤوس وبين هز الخُصور=حكاية الذل نِسجت وابتدى دورها
يا ويل قلبي على تاريخ ماضي العصور=تاريخ حطين والناصر ومنصورها
يوم الصواري تزامى في مغب البحور=وامة محمد لها الدنيا ومعمورها
واليوم واعزّتالي حلّ فينا الدّبور=اوّاه من علةٍ ما فاد دكتورها
لاجساد لا مات ساكنها سِوا والقبور=لا والله الاّ القبور يقوم مقبورها!!
بالله قل لي؟ يحق النا نعيش بسرور؟!=والقدس نسمع صدى صيحات مقهورها؟!
ماهزّنا صوت اهالينا بغزّه وصور؟!=الى متى والعزايم ما نفِخ صورها؟!!
القدس ياهل العقيدة من تحته امحفور=وامانة الهيكل المزعوم في زورها
نرقب نشوف اليهود يقدّمون النذور؟!=في ساحة القدس وانكبّر على ثورها؟!
ان ما فزَعنا فجِعنا والليالي تدور =الله يبطي بساع الشر واحضورها
نِحرت بقايا العزايم مثل نحر الجزور=ما بين هز الرؤوس وهزة اخصورها

إذا قال الروافض : ياعــــليُّ=ونادى بالضريح الشـــــــــــاذليُّ
وضجَّ الخلق يدعــون البرايا=وقالوا : يـــــاوليُّ ويـــــــــا نبيُّ
فلا أرجو سوى الرحمـن ربا=أيرجـــــو غيــــره عبـدٌ سـويُّ؟!
وهل للواحد المعبود كفـؤٌ؟!=وهل للخـــالق الباري سميُّ؟!
عظيـــمٌ قــــادرٌ بــــرٌّ رؤوفٌ=كريـــــمُ باســــطٌ صمـــدٌ قويُّ
شديدٌ قاهرٌ ملــــكٌ عزيـــزٌ=وليس يؤوده في الكـون شيُّ
نصـــيرٌغالبٌ حــــــقٌّ مذلٌّ =معــــــزٌّ غافرٌ رحمــــــنُ حـيُّ
ومن يرفع له كفَّ اضطــرارٍ=فإن اللـــه بالداعي حـــــفيُّ
دعا في البحرذو النون ابن متّى=ونادى ربَّـــــه العبـــــدُ التقي
فنجّاه السميعُ غداة نادى=وأضحـــــى وهو مستورٌ رضيُّ
وناجاه الخليلُ وقال : حسبي=إلهي أنت لي نعـــــــمَ الوليُّ
فصارتْ نارُهُ برداً سلامـــــــاً=ونمرودُ الضلالِ بها شقــــــيُّ
ومريمُ قال هزِّي الجذعَ هزَّاً=ليسقطَ حينها رطـــــبٌ جنيُّ
وموسى قال : كلا إن ربـي=معي و البحرمعتــــرضٌ عَصِيُّ
وجيش الكفر أقبلَ مستغاظا=يســدُّ الأفـــق يسبقهُ الـــدويُّ
فشقَّ الله ماء البحر شــــقّاً =ونُجِّي يومها موسى النَّجِـــــيُّ
ألا تربتْ يدٌ تدعو سوى من=بقدرتهِ انبـــــــرى الكونُ البهيُّ
وخابَ اللائذونَ بكلِّ عبــــدٍ=كماخابَ الذليــــــلُ الســــامريُّ

يا عين هاتي دموعن كان مخزونة=اليوم يوم البكا تكفين هاتيها
من شفت ابو متعبٍ والدمع بعيونه=ودموع عيني على الخدين مصخيها
ادري يابو متعب ان الروح محزونه=وادري عن الدمعه اللي باح خافيها
وادري عن الغالي اللي شدت ضعونه=وادري عن النفس لا من مات غاليها
لكن قلبي وربي فاضت شجونه=يومن دمعتْك منديلك يواريها
فزّت معاليق قلبٍ باح مكنونه=لبّى دموعك يابو متعب ولبّيها
ان كنت تبكي فكل الشعب يبكونه=ولو تفتدى الروح باذن الرب لفديها
يبكي فهد يا عضيد الفهد وامتونه=كل المخاليق قاصيها ودانيها
يبكي فهد امة الإسلام واركونه=ومآذنٍ في جميع الكون بانيها
وتوسعة بيت رب الكون مقرونه=باسمه على غُرّة التاريخ يحكيها
ومصاحفٍ في مساجد الارض مركونه=اقر اوّلتها وتلقى الفهد مهديها
العاهل اللي به العدوان مغبونه=يعزّ من قاربه ويذلّ شانيها
( مات الفهد ) كلمة بالحزن مشحونة=ضجّت لها الارض واهتزت رواسيها
حتّيش لو هامته في الارض مدفونة=قبله رسول البرايا قد دفن فيها
على محجّة محمد لفت كفونه=تدعي له الناس وتزفه بياديها
من فوق هامة هل التوحيد مصيونة=لو تنشرى رجعته بالموت تشريها
ما جصّصوا له ضريح الشرك يدعونه=على الشريعة بغى اوّلها وتاليها
عسى السحاب المنشّي تسبل مزونه=على ثرى تربةٍ بالعدل ماليها
يالله ياللي جميع الخلق في شونه=ترحم عظامه ومن نارك تنجّيها
انته رجاه ورجا قلبي ومضنونه=ترفع منازله في الجنة وتعليها
لا دام ابو متعبٍ فالدّار مامونة=نبايعه بيعةٍ نفنى ونحييها
بيعة ولاءٍ لبو متعب وعربونه=الروح والنفس والدنيا وما فيها