النعـاره ورثّ جـدي والخـوال=زايديّه واللـي مثلـي يفخـرون
خصّ لا صار الحكي عن مجد آل=زايد الملطوم حاميـن الحصـون
راسيين مثل ما ترسـي الجبـال=في نهارن قّـل فيـه الصاملـون
في نهارن تحذف العذراء جـلال=وينتخي من دونها رجلن زبـون
لا تعزوا شل حملـن مـا يشـال=وارتكاله ليـن شالتـه المتـون
ما يهاب الموت لـو أنّـه مـآل=ولا حسب له مثل ناسن يحسبون
واحدن يسوى عدد حب الرمـال=من رجالن فـاللقاء ما يُقهـرون
ترخص الدنيا في عينه والعيـال=لا اعتزا به كل رجّـال امغبـون
زايدي والزايـدي مهمـا يقـال=عنه ما يوفيـه ياللـي تمدحـون
هيه يا بنـت القبايـل والحـلال=لو بغيتي الصدق واللي يصدقون
اقسـم بربـي وعليّـه بالحّـرام=ما درينا عنك ولا هـم يحزنـون
بس غاوي شعر واكتب بـأنفعال=وانطرب واخلي غيري يطربـون