الله الله صح لسانك والله

يامسفر وش بلا بعض العرب مايترك المنقود=لياشاف الرديه جاك لافي وأسر ياساري
يجذ يمناه في يسراه والعالم عليه شهود=بدل ماهو لشق البيت رافي وأسر ياساري

على قول المثل طيب الفتى من طيبة الاجدود = عسى الله منه ومن شرواه يعافي وأسر يا ساري
يا نايف راعي المنقود فعلاته عليه تعود = اهو مثل السنين اللي عجافي وأسر يا ساري

الله الله

صدقت وصح بالك يابحر ياعدنا المارود=نجيلك لاضمينا زاف وزافي وأسر ياساري
ردودك ياطويل العمر تشفي الخافق الملهود=بدون مجامله شرفّت قافي واسر ياساري

كلامك جزل يا نايف سوات اللولو المنضود = مقابل شاعرٍ شرواك كافي وأسر يا ساري
ألا يا الله يا حنان يا منان يا معبود = تكافينا من سموم الفيافي وأسر يا ساري