ياصليب الراس يارمزالقياده=خاطري وقـّادمااتهنأ رقاد
لأشولي ياذيب مقطوع إعتماده=صارت الحاله نكادٍ في نكاد

ما تخلّي يا علي عنْك القراده=ما يفيد العلم في الراس الجماد
ما نبي منّك دليل و لا شهاده=دلّتك لا بنّ فيها لا قناد

من صباح الصبح تكفى ياحماده=قل ابو صالح يرسل بالمضاد
مايفيد إعلاج دكتور العياده=والدواء عند الصليبي بس عاد

ما خبرت الورد ينتب من قتاده=و السمايم ما تقارن و البراد
إن تعقّد الأمر فلّيت إنعقاده=و الخوي نكفيه في حال الزّهاد

ياحزام الظهرلاطاحت عماده=أشهد إنك للخوي درع وعتاد
يارفيق الدرب لاطال امتداده=ترفع الرايات لك يوم الجهاد
والختام أهديك يارمز الرياده=عطرغالي خاص لك بالإنفراد
عطرباريسي مصدربانفراده=مرمضيق هرمزوطارق بن زياد
ماوردفي السوق عندابوعراده=في الجبيل يفوح عطره بازدياد
والنهايه نطلب الباري سداده= نسأله يهدي الخلايق للرشاد
والصلاه تغشاك يارمزالسياده=ياشفيع الخلق في يوم المعاد
عدماالماطر نزل واسقابلاده=تغتشي المختارمن جاء بالسداد

:17: