لا صار رجال و على العين و الراس=ما هو ظروري أعشقه و أبتلي فيه
مدري علام الناس يا خيبة الناس=كلن غدى عآشق !! و هاذي طواريه
واليا سألته قال لك "أزمة إحساس"=يا لعنبو إحساسك اللي تحس فيه
إرجع "لقرآنك" و "دينك" بلا يآس=تلقى العلوم الغانمه في معانيه
و تلقى السعآده في حياتك لها ساس=لان الحياه أكبر من اللي تسويه
لا حول يا وقتن به الناس أجناس=شاللي حصل شاللي جرى للبشر لييه
أخلاقنا مع غيبة الشمس تنداس =و تاريخنا مع دورة الوقت نطويه !!
أمجادنا نحو الشرف تشكي افلاس=و حاضر الأمه نسى كيف ماضيه
وشهالعلوم اللي تشيب بهالراس=وشهالطريق اللي غدى الكل يمشيه
من كثر ضيقي ما قدرت آخذ أنفاس=اضيق من طاري لهالناس تطريه
معذور لان لي يا الملا قلب حساس=يحب شرع الله بكل الذي فيه

الدمعه اللي علي خدي من اسبابك= ياويش ناوي تعوضني عن ادموعي
ياصاحب(ن)ماقويت استحمل اغياب = حتي الثواني بعدكم كنها اسبوعي

البخيل اللي نصيته ماتجمل= ليت رجلي ماحدتني صوب بابه
يوم جيته في لزومي كم تململ=كنه اللي حده الموج وغدابه

حنا هل الوادي وحنا المناعير = وحنا ودينا جارنا من جداره

أكبر مساحه ! ما للأحلام مسؤول =وَ لا للأماني فالبسيطه ! ضريبـه
فُسحة أمل ! للمنحرم حقّ معقول=لا صار . عايش واقعه بالغصيبه !

حنا العصاه مزبنت من نصانا = وحنا هل الحرشاء وحنا هل الغرس