التغطية المصوّرة لحفل قبيلة الخضران بمناسبة حصول الشاعر فهد بن حسن الخضراني على بيرق الدواسر للمسابقة الشعرية الرابعة للموقع الرسمي لقبيلة الدواسر

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري قام بالتقاط الصور الاستاذ مناحي المصارير و الاستاذ عامر الزمامي جمع العصاه اهل المقام الرزيني=نطاحة البارود لمن الدخن ثار خضران لا ردة علوم اليقيني=هل وقفةٍ تجلا من الكبد الامرار هم مزبن المجرم حماة الظعيني=وزحامة العايل على قبّ الامهار الشاعر فهد بن حسن الخضراني يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل والمحبة ،ومن باب الإخاء بين القبيله .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الخرج ، في جو أخوي زاد من جماله ذلك التجمع الرائع بين أبناء قبيلة الخضران وباقي قبائل الدواسر.وفي وسط حضور كثيف ومبارك من أبناء القبيلـة أقامت قبيلة الخضران الدواسر حفل بمناسبة حصول الشاعر فهد بن حسن الخضراني على (بيرق الدواسر) للمسابقة الشعرية الرابعة للموقع الرسمي لقبيلة الدواسر بمناسبة تولي خادم الحرمين الشريفين الملك سلمان بن عبدالعزيز مقاليد الحكم، حيث حضر أبناء القبيلـة في بــــ بقاعة (اليمامه للاحتفالات) بـ محافظة الخرج يوم الخميس بتاريخ 11 / 7 /1436 هـ ـ فمن بعد صلاة المغرب بدأت الجموع من أبناء و وجهاء و أعيان القبيلـة تتوافد على مقر الحفل المزمع إقامته فيه ، وذلك للإلتقاء بأبناء عمهم ، الذين حضروا لكي يجتمعوا معهم في هذا الحفل الرائع والجميل من اليمين الشيخ نايف بن منيف بن نايف الخضران وبجانبة الشيخ فيصل بن بداح آل عواد الصخابرة من اليمين الشيخ حسن بن دخيل الخضران وبجانبة محمد بن دعيرم الخضران وبجانبة مطلق بن عايض القحطاني من اليمين الشيخ الصييفي بن حمد الهواشلة وبجانبة الشيخ عبدالعزيز بن مترك العجالين الشيخ شخبوط بن سعد المقابلة من اليمين الشيخ غنام بن محمد الخضران وبجانبة الشيخ محمد شتين الخضران وبجانبة محمد بن فهد الخضران من اليمين الشيخ فيصل بن بداح ال عود الصخابرة وبجانبة الشيخ سعد الفريني الخضران وبجانبة مطلق بن قميعان الخضران من اليمين الشيخ سالم بن فهيد آل سفر الخضران وبجانبة عضو المجلس البلدي بالمنطقة الشرقية الشيخ فالح بن راجس بن نبجان الشرافي وبجانبة الشاعر تركي بن نيف الودعاني من اليمين الشيخ رسد الهواشلة وفي اقصى اليسار الشيخ حسن بن فهد بن عميق الغييثي من اليمين سالم بن نفل الهواشلة وبجانبة صامل بن فهيد آل سفر الخضران من اليمين هادي بن محمد الخضران وبجانبة مدلول بن محمد الخضران وبجانبة محمد بن حشفل الخضران من اليمين فالح بن مسلم الخضران وبجانبة الشيخ محمد بن عبدالهادي الخضران من اليمين الشاعر شافي بن وثيلان المساعرة وبجانبة الشيخ دخيل بن حقلان الخضران من اليمين ضميد بن تميم الخضران وبجانبة هادي بن محمد الخضران وبجانبة الشيخ بخيت بن محمد ال بريك من اليمين الشاعر فهد بن حسن الخضران وبجانبة عبدالله بن هادي الخضران وبجانبى الرائد بندر بن فهد الخضران وبجانبة دخيل بن حسن الخضران من اليمين الشاعر عبدالله بن رسد الهواشلة وبجانبة الشيخ محمد بن فيصل الخضران من اليمين محمد بن ناصر الخضران وافي اليسار الشاعر فهد بن قحيفان الخضران من اليمين مسعود بن سعد المقابله وبجانبة الشاعر عبدالله بن فهد الصخابرة من اليمين محمد بن محسن المخاريم وبجانبة الشاعر مندر بن حمد الشكرة وبجانبة الشاعر سالم بن ودان النتيفات من اليمين الشاعر شجاع بن علمان الدبالين وبجانبة الشاعر سلطان بن زامل المصارير وبجانبة الشاعر راشد بن سفر النتيفات من اليمين الشاعر مشبب بن عرنان المخاريم وبجانبة الشاعر محمد بن حشفل الخضراني وبجانبة محسن بن محمد الخضراني من اليمين عبدالله بن فهد آل عواد الصخابرة وبجانبة دغش بن حمد بن منصور الصخابرة وبجانبة الاعلامي راشد بن حماد الغريري وبجانبة عبدالعزيز بن دغش الصخابرة من اليمين الشاعر علي بن فاضل الحراجين من اليمين الشاعر محمد بن سالم بن فهيد الخضران وبجانبة الاعلامي فهد بن هادي الغريري من اليمين الخيال الدوسري وبجانبة سالم بن مدعث الخرفاني وبجانبة عبدالله بن مطر الغييثي من اليمين الشاعر شافي بن راشد النتيفات وبجانبة الشاعر ناصر بن ثقل الحقباني وبجانبه الشاعر مبارك بن عويد الغييثي من اليمين الاعلامي هادي بن مشبب المخاريم وبجانبة الشاعر سودان بن ذيب الكبرا من اليمين الشيخ محمد بن ناصر الخضران وافي اليسار الشاعر فهد بن قحيفان الخضران من اليمين عبدالله بن شبيب بن جمي آل بريك وبجانبه الشيخ بخيت بن محمد ال بريك في المنتصف المنشد بخيت بن ناصر الهواشلة ______________________________________ فـقـرات الحـفـل الأعلامي راشد بن حماد الغريري إنطلقت فعاليات الحفل المنبري عند وصول جميع الضيوف التي قدمها الأعلامي راشد بن حماد الغريري وقد بدأ الحفل بآي من الذكر الحكيم تلاها مبارك بن عبيد الخضران مبارك بن عبيد الخضران الرائد بندر بن فهد الخضران وبعد ذلك القاء الرائد بندر بن فهد الخضران كلمة ترحيبية بالضيوف الكرام . لأن مثل هذه المناسبات لابد لـ الشعر أن يكون له حضوراً ، كيف لا والشعراء المشاركين بــ هذا الحفل من اجزل شعراء قبيلة الدواسر ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر محمد بن محسن بن حشفل الخضران الشاعر محمد بن محسن بن حشفل الخضران مرحبا اعداد وبل ساق نوه=كل مانشا من مباكير الوسامي بالرجال اهل الوفا واهل المروه =نبتدي به عقب مانبدى السلامى بعدها طعم الفرح لاعشت جوه = شوفه اهل الطيب من غاية مرامي وان بغيت ابدي بعض علمي وانوه =الهدف سامي وسوق الطيب حامي يوم جالك مع هل الابدع خوه= يافهد بابلغك شكري واحترامي ماقدرات لمكسب الطالات سوه =كل مامثلت لك ربع حشامي فوزنا من ماضي ماهوب توه= فايزين بالفعول وبالكلامي مجدنا يعرف وشاعرنا تفوه =مثل ابن غصن الى عدت الاسامي لازما جمع الحريب وشب ضوه =جالنا علم وجا ذكر ومقامي مانراعي له ولا ندرى لسوه =فعلنا ينشاف في يوم الزحامي والرفيق نصير له عون وقوه =سعد من حنا غدينا له حزامي ننتخي من طبعنا فينا حموه= والمجنا لا زبنا مايضامي نمنه في دارنا عقب الجلوه= وعندنا يصبح رعى نخل وجهامي وطبعنا فينا علي الطاله جروه= وقسمنا بالطيب من فرع السنامي كل علم طايل ناخذ علوه =وسمعة بالعز تشهرها العلامي الشاعر محمد بن مسفر بن قحيفان الخضران ثم ألقى الشاعر محمد بن مسفر بن قحيفان الخضران قصيدةً بهذا الحفل ، حيث يقول في قصيدته : ياسلام الله سلام رفيع مستواه=ينقصه ثنتين نقص الكلام وزايده في محل اللي يسمونهم بأسمى الدهاه =لقبو باسمى على غير أهلهاكايده غيرمزبان المجنايسمون العصاه=قبل حكم العود قوم إعصاةً سايده هاذولى الخضران ربعي مطوعة الطغاه=نار عزن جمرها ماطفة وقايده وشاعر البيرق دعاناوجينامن غلاه=مانخالف صادق القول في وعايده شاقنا فعله وجيناه من كل أتجاه=والصله بين المطاليق راس الفايده مكسب الرجال شوف أبن عمه لانصاه=من لقى منا رفيقه تقول أيعايده حي من جا باول الصف والعالم وراه=ذى وراه وذى بجنبه وذاك أيصايده مابقى أحدن من هل الحفل ماقام ودعاه=يلتقط صوره ويطلب بعض قصايده الولد منا إلى قام ف اللازم قضاه=يكسب الناموس والفوز من عوايده ولاقنص يسبق على خيرة الصيدخوياه=مايجيك اللابشيً يجمل صايده يوم هج الصيد قدم التواحيف الرماه=جنب الجمله وصرم أعضود القايده ( وجه الوفاء) دغش بن حمد بن منصور الصخابرة وكان لنا موعد مع الأوبريت الانشادي مع المبدع ( وجه الوفاء) دغش بن حمد بن منصور الصخابرة الهب حماس الحضور بــ الشله الانشادية الجزله من كلمات الشاعر محمد بن سالم بن فهيد الخضران::::::.:::::: مرحبا بأهل الحمايا هل العلم الجميل =عد من زار المشاعر ومن قام الصلاه عند مزبان المجناء هل الفعل الجزيل =الدهاه اللي مع الناس يدعون العصاه يـ فهد مثلتنا وانت للجزله وكيل=تحتمي بيارق العز والمجد تحماه جيت بـ جزال المعاني وبـ النص المهيل =دره تخلف هل الذوق وكبار الدهاه والبيارق كسبنا مانبي فيها بديل =كسبنا من ماضي الوقت لين الوقت ذاه هيبة الخضران تفرق عميلا من عميل=أنشد التاريخ ينبيك عن حكي الرواه فعلنا كايد ولا له قبيل ولا مثيل=لازبنا المجرم الدرك نثني ونحماه لابة يوم الوغى ماتعرف المستحيل=يوم نجد بـ الجهل تطحن مثل الرحاه فـ المواقيف الكبيره لنا وزن ثقيل=اثقل من اطويق وثقل من جبال السراه نسهج الشرهين طنخه الى هاب الذليل=في نهار كل رجل يُبين مستواه النفوس عزاز ومن المعالي ماتميل=وعند حكام ألجزيره لنا قدر وجاه هيبة التاريخ تغني عن الشرح الطويل = كل فعل طيّب فعلنا يزمي ورآه ون تداعت بـ الحمايا وجا حط وشيل=جرت الفرجان باب من أبواب الغناه نكسب الامجاد ونجود لاشح البخيل=مدة من طيب اَهلها تشد الانتباه الزعامه والعقاده لها / قوم / وخيل=والكرم خلقه وتاريخنا كل قراه لاغزينا نكسب البل ضحى ماهوب ليل =نذبح الشيخان ونعف من ذبح الرعاه وإبلنا ترعى الطرف لا تهج ولا تعيل = دونها الروح تحذف مع كل إتجاه كم عقيد عاش عمره من الضيقه عليل=عقب تخمين الروابع قصرنا له إخطاه والدواسر هم هل المجد مزبان الدخيل=عون من لحقه من الوقت صادوف قصاه الشاعر مسعود بن سعد المقابلة ثم ألقى الشاعر مسعود بن سعد المقابلة قصيدةً بهذا الحفل حيث يقول في قصيدته : بالوقفه اللي تنحسب وتعنيني=بعد اذنكم،، بالله،، ياطوال،،الاعمار ابدا،،ونا اللي عند ربعي تجيني=مشاعرٍ ،، بالموجبه ،، دمها ،، حار مشاعر الحاظر عن الغايبيني=تحية ،، التقدير ،، باجلال،، واكبار مشاركين الحفل ومباركيني=وناموسنا واحد على كل ماصار شرفتنا ،،يابوحسن ،،مرتيني=في بيرق الشعار و بجزل الاشعار عشت وعليك البيض يانوم عيني=ياكاسب الناموس،،محمود الاذكار زحمت للبيرق،، بجنبٍ،،متيني=لين انتزعته ،،،،بين وافين،، الاشبار وانا ابن عمي مدحتي له تزيني =وافوز،،من فوزه،،على،،سر،،وجهار مانيب ادوور في لزومه عويني=يسوقني،، دم ،،الحميا ،،إلى ،، فار وقفاتنا،، ماتقبل ،،القسمتيني=ماعندنا ،،بالجزله ،،ايمين ،،ويسار اما،،ندسمها،،بصيدٍ،،سميني=ولا،،نشوم،،بشومة ،،الحر ،،لا طار وعاداتنا من ماضيات السنيني=لنا ،،على جسر الصعيبات،،معبار لاهيب ،، لا مره ،، ولا ،،مرتيني=ذا طبعنا،،كسب،،النواميس،،تكرار فرجان،،لامنا ،،حظرنا ،،نبيني=ونشبر بشبرٍ فوق عسرات الاشبار فرجان ،،من جداننا،، الاوليني=وانا هل الطوله ،،هل المجد،، والكار احفاد من روو شباة العريني=دون الوجيه ودون حسكات الاوبار وفهد نهج مع منهج الغانميني =من شبته،، ظارٍ ،،على ،،شبة،،النار متسلسلٍ طيبه من الطيبيني=والحر،، يجذب،،من مواكير الاحرار جمع العصاه اهل المقام الرزيني=نطاحة ،، البارود ،، لمن الدخن ،،ثار خضران،،لا ردة،،علوم،،اليقيني=هل وقفةٍ،، تجلا،، من الكبد ،،الامرار هم مزبن المجرم حماة الظعيني=وزحامة،،العايل ،،على قبّ،، الامهار ربوعنا،،اللي جمعهم،،مايليني=ونّا،،لهم،،سيفٍ ..على الضد ،، بتار دواسرٍ ،،على،، مدار،، السنيني=اثقل،،على العايل من،،جبال سنجار نفرق على هل نجد في حاجتيني=وسمة عصا القصير،،وندلّه ،،الجار دواسرٍ ،،نروي ،،شباة السنيني=يوم اصتفاق الجيش نساع الازوار امجادنا،، بالشلف ،، والمارتيني=تامن،، بها جيره ،،وتملك،، بها دار الشاعر عبدالله بن فهد الصخابرة ثم ألقى الشاعر عبدالله بن فهد الصخابرة قصيدةً بهذا الحفل الشيخ عبدالعزيز بن مترك العجالين بعدها القاء الشيخ عبدالعزيز بن مترك العجالين بــ هذي المناسبة الشاعر مشبب بن عرنان المخاريم ثم ألقى الشاعر مشبب بن عرنان المخاريم قصيدةً بهذا الحفل حيث يقول في قصيدته : بسم الله الواحد اللي مامعه ثاني=جل جلاله عظيم الملك والشاني سميت متوكلٍ بالله سبحانه=على طريق الجميل الله يقداني حضرت تقدير للداعين والدعوه=والحفل بالشعر والنقاد ملياني شاعر بليامشاعر يعتبر ناطم=كلام فاضي على قيفان وأوزاني وانا حضرت لحفل ربعي بني عمي=ومشاعري حاضره ويترجم لساني من هاجسٍ تعرف وسومه ليا غنا=ماياسم الارقاب جزال وسماني سلام تسليمةٍ بالعود ممزوجه=تنساق للحفل والحضار من داني مبروك يافهد الاول وانت تستاهل=مافيه شاعر مشارك يبغي الثاني يا الاول الاول طبع لجدك الاول=ماهي غريبه وساسك ساس خضراني اللابه اللي تمدحها فعايلها=قوماً لها في جبين المجد عنواني اهل الحمايا تشجعنا حماياها=لامن رقص للحرايب كل شيطاني يومٍ نجدٍ تلظى غزو وحرابه=في دقلهم كم عقيدٍ راح مجاني اهل المكارم من الماضي وفـ الحاضر=من حده الوقت ينصا طوال الايماني من الدواسر هل الجزلات من مبطي=وانا افتخر نوم عيني صلب جداني خطلان الايدي عدود الجود والجزله=مدهال للضيف والمحتاج والعاني من فوق وجه الثرا ترسخ مواقفنا=ماقوق هاماتنا إلاغُر الامزان سجل ياتاريخ واشهد يازمن أنا=حصون دون الدخيل ومزبن الجاني شاعر وربعي تنومسني وانومسها=مانيب اعقد لاجاء الماجوب حجاني احب كل القبيله وافتخر فيها=لاجاء الفخر ما اقصره فـ فلان وفلاني قلته وانا عزوتي ماهي به مجهوله=يكتبني المجد والتاريخ يقراني حوض المنايا المنيعي لاتعزوينا =نرد المنايا مثل ميراد ضمياني الشاعر منذر بن حمد بن رشود الشكرة ثم ألقى الشاعر منذر بن حمد بن رشود الشكرة قصيدةً بهذا الحفل حيث يقول في قصيدته : يافهد دام المشاعر لها سله =سلةً تثلم شباء كل شاماني قابل الضيفان بالعود والدله=وأبشر بعصماً لها الروس تنداني شاعرً مايحبك البيت لاهله=مايمثلني ولا هز وجداني لا سمر برق القصيد وضوى كله=وامطرت من صادق الهجس قيفاني في محلً فيه الاجواد منهله=وفيه من نخبة هل الشعر فرساني والقصيد الزين معناه وسجله=شوبش اهل المجد ذربين الايماني حي من روس النواميس طبعً له=يعشق الاول ولا يعشق الثاني يوم حدد بيرق الشعر في حله=واشترك ٧٥ داقاني صب فنجال التحدي وقدً له=مايقدم كود لولً ومرجاني دون قاصر فـ الشواعير لا بالله=كلهم ربع وبني عم واخواني حول بـ بيرق هل الشعر مشتله=مع بيارق لابته طير حوراني ربعنا الخضران والمجد تحتله=تكرم الضيفان وتزبن الجاني من حمول الخيل سهاجة الحله=لا اختلط فـ الجو عجً ودخاني كسبهم يوم الوغى كل منتله=يوم نجدً عادها اسنان واعناني مزبن المجرم هل الرمح والسله=لا رقص فـ المعركه كل شيطاني كل شيً له تواريخ وأدله=مانقول القول من غير برهاني قصة بخيتان وجه الفخر كله=قصةً يفخر بها كل خضراني هيبة الخضران ماهيب حي الله=هيبةً تقعد صغا كل فسقاني المنشدعبدالله بن فهد ال عواد الصخابرة وكان لنا موعد مع الأوبريت الانشادي مع المبدع عبدالله بن فهد ال عواد الصخابرة الهب حماس الحضور بــ الشله الانشادية الجزله من كلمات الشاعر مسعود بن سعد المقابلة::::::.:::::: الوقفه اللي تنحسب وتعنيني=بعد اذنكم،، بالله،، ياطوال،،الاعمار ابدا،،ونا اللي عند ربعي تجيني=مشاعرٍ ،، بالموجبه ،، دمها ،، حار شرفتنا ،،يابوحسن ،،مرتيني=في بيرق الشعار و بجزل الاشعار عشت وعليك البيض يانوم عيني=ياكاسب الناموس،،محمود الاذكار زحمت للبيرق،، بجنبٍ،،متيني=لين انتزعته ،،،،بين وافين،، الاشبار وانا ابن عمي مدحتي له تزيني= وافوز،،من فوزه،،على،،سر،،وجهار وقفاتنا،، ماتقبل ،،القسمتيني=ماعندنا ،،بالجزله ،،ايمين ،،ويسار اما،،ندسمها،،بصيدٍ،،سميني=ولا،،نشوم،،بشومة ،،الحر ،،لا طار وعاداتنا من ماضيات السنيني=لنا ،،على جسر الصعيبات،،معبار لاهيب ،، لا مره ،، ولا ،،مرتيني=ذا طبعنا،،كسب،،النواميس،،تكرار فرجان،،لامنا ،،حظرنا ،،نبيني=ونشبر بشبرٍ فوق عسرات الاشبار فرجان ،،من جداننا،، الاوليني=وانا هل الطوله ،،هل المجد،، والكار احفاد من روو شباة العريني=دون الوجيه ودون حسكات الاوبار وفهد نهج مع منهج الغانميني =من شبته،، ظارٍ ،،على ،،شبة،،النار متسلسلٍ طيبه من الطيبيني=والحر،، يجذب،،من مواكير الاحرار جمع العصاه اهل المقام الرزيني=نطاحة ،، البارود ،، لمن الدخن ،،ثار خظران،،لا ردة،،علوم،،اليقيني=هل وقفةٍ،، تجلا،، من الكبد ،،الامرار هم مزبن المجرم حماة الظعيني=وزحامة،،العايل ،،على قبّ،، الامهار دواسرٍ ،،نروي ،،شباة السنيني=يوم اصتفاق الجيش نساع الازوار امجادنا،، بالشلف ،، والمارتيني=تامن،، بها جيره ،،وتملك،، بها دار الشاعر هادي بن زابن الودعاني ثم ألقى الشاعر هادي بن زابن الودعاني قصيدةً بهذا الحفل حيث يقول في قصيدته : فرّعي يابنت الافكار وقت الشعر حان=شاعرك من اثمن الشعر يختار الثمين يسرج ظهور القوافي مثل سرج الحصان=ما تصوّب بندقه غير فالجزل السمين تعذّر ماتعذّر من طوال اليمان=وان حضر : يقرا نجاحه بعين الحاضرين في حفل فهدحسن جيت والطاروق زان=باسمي وباسم الوداعين سقم المعتدين جمّل الله حال منهو ليامن بان بان=جمّل ربوعه وهم كل حال مجمَّلين شاعر باول شبابه ضرا كسب الرهان=يدحم الشعار ويجندل المستشعرين وان خذا البيرق على اهل الشعر هذا الزمان=عادة الخضران كسب البيارق من سنين يوم دقلات السبايا ليا مسّ البطان=جمعهم ما ينّطح والروابع ما تلين سلمهم وفعولهم ماتبي شاهد عيان=مزبن للخايفين ومزبن للمجرمين والدواسر صلب جدي مخضبة السنان=عنهم التاريخ لا شك سيد العارفين ان مدحت فمجدهم معتلي راس البيان=وان سكتّ فكل الاجواد عنهم خابرين يوم نجد للحرايب مسبّلة العنان =يشترون الموت من دون جرعات الحنين لاغدا صوت العزاوي مثل صوت الاذان=تطّحن روس الاعادي مثل حب الطحين من نواهم : صاح ربعه ياوالله اقفى فلان= انا لله وانا اليه راجعين ذاك وقت فات والحين في امن وامان=نعمة والحمد لله رب العالمين قلتها وانا افتخر / والفخر باهل الثمان=لابتي وعصابتي والاولين الاولين فعلنا اللي فالثرى فالثريا له مكان=واسمنا مكانته بين الجدي والفرقدين ثم ألقى الشاعر محسن بن تركي آل بريك قصيدةً بهذا الحفل حيث يقول في قصيدته : قربا مربط المنبر وبسم الله=وانصتوا للبريكي عنده رساله القصيدة ادب لان الادب كله=الشعر واحدن من خيرة عياله يعني الشاعر اليا قاله وهله=ياجب المستمع يصغي ليا قاله ياسلامي سلامن سيق في حله=من ضميرن يحب الطيب ورجاله ومن هجوسن يعقد الحبل ويحله=وينطح القاله اليا كبرت القاله ياسلامي سلامن لو بمثله=كنه غر السحاب اليا اقبل خيال يحمل الود والتقدير ويشله=صوب حرن على الشاهوق منزاله نادرن ندر الامداح يرقن له=وينثني له قصيدي ويتعناله ينحر ابو حسن من بد خلق الله=وينقل اسمى تهاني شخصي قباله وافيً والوفا به طبع وجبله=والضفر منهجه والطيب يبراله وفالمراجل يده ماهيب منغله=اصوكن ناشدن شايبه من خاله وفالشعر شاعرن من يشبهه قله=شاعرن تطرب الذويقة امثاله سطر المجد لانه شخص قدن له=يوم رز العلم والكل يسعاله وجات قب المهار القحص منهله=في سباقن تداحم فيه خياله سبقت سابق الخضراني اي بالله=انفه ومكابريه ومختاله ويوم ثار العجاج وبانت الخله=ذيكك سابق فهد في جون لحاله والله انه زها البيرق وكفون له=ولاغرابه عليه المجد لا ناله دام خيالة الحرشا حزامن له=فالنواميس فاله والسعد فاله لابتن دايمن للطيب محتله=ندرن تعشق الامجاد والطاله والدواسر مقر العز وحلله=صرح مجدن ماكل الناس ترقاله يستظل الدخيل ويامن فظله=ويتهنا بعد ضيمه وغرباله قالها اللي لاجا الماجوب يقبل له=شاعرن بسم ربعه تارد حباله نوم عينه حزامن يبري العله=بسم لاد البريكي صاغ مواله المنشد عبدالهادي بن قنيفذ المري وكان لنا موعد مع الأوبريت الانشادي مع المبدع عبدالهادي بن قنيفذ المري الهب حماس الحضور بــ الشله الانشادية الجزله من كلمات الشاعرمحمد بن بن محسن بن حشفل الخضراني::::::.:::::: قال من يبدى بزينات المثايل= زاين مع زين معناها لحنها واثق منها ماهوب بقول قايل= كلمته لاقالها دايم وزنها كلمته لاقالها معها دلايل=شاهدين له هل العرف وظمنها ودي امدح لابتي والشك زايل= لابة بين العرب يعرف وطنها لابتي لاعدت فعول القبايل=من جهل ينشد هل الطالات عنها سمعة الخضران ذربين الفعايل=تعتلي بالمجد مع دورة زمنها في نهار الكون يروون السلايل=العدا من فعلها تشكي طعنها بالحمايا ماتسمع للعذايل=كل ماجاها الندى ساقت ظعنها للرفيق الذ من وبل المخايل=ومن تبين للعداوه ماشحنها وان غدى بين العرب قاصر وطايل=يدله الخايف اليا منه زبنها العصاة اللي توطي كل عايل=عزوة يفخر بها من كان منها وان رجعت لساسها قلت الهوايل=الدواسر فخرها ينبيك عنها من كبار امجادها اللي من الاوايل=تنعرف من شامها حتى يمنها االشاعر عقيل بن ناصر الخييلات ثم ألقى الشاعر عقيل بن ناصر الخييلات قصيدةً بهذا الحفل حيث يقول في قصيدته : من هاجس الشاعر اللي كل ما قال طال=وربعه لامن قالو الكلمه يطولونها تحزمو الاشده في ضهور الجمال=على المعادي يبين الشر فـ عيونها وقفة وقفة شرف ماهيب روح و تعال=باسم الخييلات صاحيها ومجنونها اقولها والثقيله مالها الا الثقال=والا الخفيفه عسى الله يكون في عونها غنيت في حلة الخضران والشك زال=وماجيت ادرّج قدم رجلي على هونها اشوف فعيوني الخضران مثل الجبال=كنها جبال الحجاز اللي يطرونها قبيلةً ما تغيّرها ضروف الليال=حتى لو ان البقر حجة على قرونها على الخوي نبع شهد ودرع جمب وضلال=فرضً وكنها الصلاه اللي يصلونها فرجان فرجان لاعدّو قروم العيال=عدوانها من طناختها يهابونها الله فرقها بـ سلمً بالدواسر لحال=وعاداتهم بالمراجل م يخلونها والفهد يستاهل البيرق بليّا جدال=اقولها والعرب مثلي يقولونها قال ابشرو ي حزامي من عمام وخوال=ولا تخيب الضنون اللي تضنونها وتباشرو يالرفاقه من جنوب وشمال=مانيب والله فهد لو ما احتمي دونها وتصدّر الرقم الاول بالبيوت الجزال=وصارت مثل سالفة ليلى ومجنونها ما يارد الجمه الا بالحبال الطوال=حتى قبس جمرةً في راس غليونها للمرجله والكرم والطيب مضرب مثال=والطيب مثل الامانه وهو مامونها رجالً يجمّلك بالطيب بين الرجال=له سمعةً طيّبه بالطيب يطرونها انا له الصاحب اللي خوته راس مال=له هامةً تقصر الهامات من دونها الشاعر حجاج بن تميم الخضران ثم ألقى الشاعر حجاج بن تميم الخضران قصيدةً بهذا الحفل حيث يقول في قصيدته : من هجوس وشعر شاعر ماتغير نوعه=قو عزم وطيب راي ومعرفه وإراده مرحبا ترحيبةً مثنيةً مربوعه=الفخر فيها وفيها للحضور زياده عن هل المحفل هلا يامرحبا بجموعه=المراجل نارها في دارها وقاده والبقى لاهل الثنا والرايه المرفوعه=ربعي الخضران هم ساس الفخر واسياده لازبنا مجرمً قلبه يدف ضلوعه=يتبدل في سهر جفنه بحلو رقاده الشرف دونه تروح ارواحنا مبيوعه=عقّب اللي ماتنومس في فعول اجداده امتلكنا ساس راس المرجله وفروعه=في سما العليا لنا مجد وفخر ورياده والدواسر مجدهم له سيرةً مطبوعه=مايغيرها الزمان وهرجة الحساده استهاض الفكر واللي هيضه موضوعه=في قصيده تعجز الشعار والقصاده كنها عذبً قراحً صافيً ينبوعه=للكبود الضاميات ابرد من البراده الرفيق اليا دعاني جيت له في طوعه=خاطري ينساح له واجيه في ميعاده الدروب الكايدات اللي تجيب اللوعه=لجل عينه فالعيون ابسط من السجاده بيّض الله وجه من بيّض وجيه ربوعه=يوم شال البيرق اللي واجدً روّاده جعل يكفى من عيون العالم المقلوعه=قام يقدح من زناده لين وصل مراده فكّر وخطّط ونفّذ واكتمل مشروعه=حدّد المصدار من قبل يعرف ميراده ماهتنى في ليلته ساهر وساده كوعه=لين حولها على عد الرهى ورّاده فالك الناموس يامتصدر المجموعه=ذا شداد ابوحسن لاحدن يعود شداده فيه من وصف الاسد في هيبته وطبوعه=شاقني ذيبان في مسراحه ومهجاده السباع الضاريه مع فهد مسبوعه=عادتن ياطيبها في ذمتي من عاده مايكفّي لو احط بحضرته موسوعه=ولاقدر احصي طيب فعل ابوحسن وامجاده اكتفي بالحكمه وبالكلمه المسموعه=ومن هل الذوق الرفيع اليا لقيت اشاده المنشد عبيد بن ذيب الرجباني ( شبل الدواسر) وكان لنا موعد مع الأوبريت الانشادي مع المبدع المنشد عبيد بن ذيب الرجباني ( شبل الدواسر) الهب حماس الحضور بــ الشله الانشادية الجزله من كلمات الشاعرفهد بن حسن الخضراني::::::.:::::: من منصّات الفخر والوفا واهل المقام=مرحبا ترحيبةٍ جالها صوت وصدى باسم ربعي درع جنبي صواريم الزحام=محزمٍ يقدح سطر لا بدى اللازم بدى سلمنا معروف من قبل تطبيق النظام=نحتمي دون المجنّا .. خطا والا قدا اسمنا الخضران والاسم الاخر بالتمام=( العصاة ) اللي لاجاهم دريكٍ ما غدى من سلايل روسٍ قوم ما يوفيها الكلام =مدهل كبار المدايح على طول المدى هيبة الفرجان تامن بها سود الجهام=خيلهم تارد على الموت الاصرم وتحدا للمفاخر فالدواسر مفاريع وسنام=لابةٍ يذري ذراها .. وعوقٍ للعدا معجزات سلومنا تعجز العالم إشمام=نصرة الامجاد حنّا وعدوان الردى لاتعزوينا على كل قبّاً في عسام =صيحة المفجوع لا صاح ماتذهب سدى الخصيم يضام واللي زبنّا مايضام=دون عزّ امجادنا راحت الانفس فدى هيبة جموع الدواسر تسبب الانقسام=بين شيخان الحمايا ومن بين إعقدا عزّنا مثل البيارق على روس العدام=تنعرف وقفاتنا كل ماضاع الجدا ان رضينا مثلٍ غيثٍ تنثّر من غمام =وان زعلنا مثل موجٍ تلاطم ما هدى تفاعل الحضور مع الشلات الاربع قام بعدها الشيخ حسن بن دخيل الخضران بتكريم الشعراء والمنشدين والاعلامين المشاركين بـــ الحفل وبعدها كانت هناك هدايا عينيه مقدمه لشاعر بيرق الدواسر فهد بن حسن الخضراني صــور عــــامــه من الحفل وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لـ قبيلة الخضران على الحفل بمناسبة حصول الشاعر فهد بن حسن الخضراني على بيرق الدواسر للمسابقة الشعرية الرابعة للموقع الرسمي لقبيلة الدواسر بمناسبة تولي خادم الحرمين الشريفين الملك سلمان بن عبدالعزيز مقاليد الحكم (صوت قبيلة الدواسر) موقع قبيلة الدواسر الرسمي www.alduwaser.org/vb

 

 

 

 

[معلومات العضو عبدالرحمن بن فلاح آل بريك]

حفل جماهيري مميز ويستاهل الشاعر فهد بن حسن هذا الاحتفاء
والتكريم وليس بغريب على قبيلة الخضران .

 

 

 

 

[معلومات العضو الكاتم]

بيض الله وجيههم ويستاهل شاعر البيرق