مشروع اكبر ملاهي بالشرق الاوسط بالرياض(الوليد بن طلال)

[معلومات العضو _العمري_]

بسم اله الرحمن الرحيم
انقل لكم هذا الخبر اخواني مدينة العاب بالرياض تضاهي مدينة الالعاب المعروفة ديزني

بداء الامير الوليد بن طلال رجل الاعمال المعروف عن طريقة شركته المملكه ببناء اضخم واكبر مشروع ملاهي بالشرق الاوسط في مدينة الرياض وموقع المشروع على طريق الدمام قرب مخرج مدينة رماح القريبه من الرياض وتقع على طريق الرياض الدمام شرق الرياض
وذكر لي احد المقربين للامير أن المدينه سوف تضاهي مدن ديزني العالميه وانه سوف يجلب الالعاب ضخمه وجديده كليآ من الخارج سوف تكون الاولى من نوعها بالمملكه والشرق الاوسط مستورده من اوروبا وامريكا خصيصآ للمشروع وسوف يقيم فيه منتجع فخم وفندق خمس نجوم على مستوى راقي جدآ
مبروك للاهل الرياض هذا المشروع العملاق والذي سيدعم السياحه في عاصمتنا الحبيبه الرياض

 

 

 

 

[معلومات العضو سالم الغريري]

مبروك للاهل الرياض هذا المشروع العملاق والذي سيدعم السياحه في عاصمتنا الحبيبه الرياض



مشكور يا العمري على هذا الخبر

و ودي اسئلك ما تدري متى بتخلص ذي الملاهي ( نبي نستانس )


وعساك على القوة

 

 

 

 

[معلومات العضو _العمري_]

مشكور على الرد
وبخصوص متى بيفتحونها؟ توهم يارجال يبدئون يعني بتطول بتاخذ سنيين لان كل شي فيها من برى(من قدكم ياهل الرياض)

 

 

 

 

[معلومات العضو رعاد]

مشكور اخوي العمري والله يعطيك العافية على هذا الخبر

 

 

 

 

[معلومات العضو _العمري_]

لاهنت يا رعاد على المرور

 

 

 

 

[معلومات العضو مـنـيـر آل راكـان]

أخوي العمري يعطيك العافيه


ولكن سمعت الكلام هذا اكثر من اربع سنوات

وحتى إني قريتها بالجريده بوقتها

ولكن إلى يومك هذا ماصار فيه شي


أول مره اسمعها على طريق الدمام

والحقيقه الخبر الي أنا قريته من فتره أنه بيكون على طريق القصيم

يعني بعد مدينة الأمير سلطان الإنسانيه

حتى ولو الخبر صحيح وبيسير يبي له كم سنه دراسه المشروع

وكم سنه تخطيط المشروع وكم سنه تنفيذ المشروع

بياكلنا الشيب مابعد خلص هالمشروووع ههههههههههه


مــنــيــر الــودعــانــي

 

 

 

 

[معلومات العضو يحيى الودعاني]

بنسبه لي أخوي العمري و لكل شخص قناعاته

ان هذاالخبر مايسر ماورا الملاهي إلا الفساد

و الشر

لك كل الود والتقدير

 

 

 

 

[معلومات العضو راشد المسعري]

بنسبه لي أخوي العمري و لكل شخص قناعاته

ان هذاالخبر مايسر ماورا الملاهي إلا الفساد

و الشر

لك كل الود والتقدير

 

 

 

 

[معلومات العضو عبدالله بن عريمة]

مبروك للاهل الرياض هذا المشروع العملاق والذي سيدعم السياحه في عاصمتنا الحبيبه الرياض

اطالب ملاهي في وادي الدواسر اطفالنا غبرت وجيههم من العروق

مشكور يالعمري على هذا الخبر السار لاهل الرياض ومن قدكم ياهل الرياض

الاخ منير تستغرب شي من الوليد بنا المملكة في فترة وجيزة

الخبر صحيح وانا استغرب استغرابك

 

 

 

 

[معلومات العضو مراسي الشوق]

فاسد ويسعى لنشر الفساد الله يكفين شر ه وكم قالو الاخوه
ان هذاالخبر مايسر ماورا الملاهي إلا الفساد

و الشر

 

 

 

 

[معلومات العضو الرجباني 2]

الله لايهينك اخوي العمري على هلخبر تقبل تحيات اخوك الرجباني 2

 

 

 

 

[معلومات العضو _العمري_]

الله لايهينكم كل واحدن بأسمه

 

 

 

 

[معلومات العضو فتىالوادي]

لاهنت ياالعمري على الخبر الطيب ...

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة يحيى الودعاني

بنسبه لي أخوي العمري و لكل شخص قناعاته
ان هذاالخبر مايسر ماورا الملاهي إلا الفساد
و الشر
لك كل الود والتقدير

صدق يحيى

والله يكتب اللي فيه الخير

ولاهنت يا العمري على موافاتنا بالاخبار

ولاترحمنا من جديد مواضيعك الجزله



تحياااااااااتي