مساجله شعريه خياليه بين ابن حمير (والذيب .)

[معلومات العضو أ.فهد آل بريك]

مساجله شعريه بين الشاعر مبارك ابن حمير آل بريك والذيب .

(قال الشاعر


كلا لي السرحان فرق(ن) ومفرود=ولولا حماة الصيد ماكنت اخليه
مقدرك ياذيب من هيبة سعود=ولا الحلال معادل(ن) روح راعيه
يوم السلاح رماح وعصي وحيود=وحلالنا ياذيب محد(ن) طمع فيه
واليوم جينا بين حاسد ومحسود=من قل دينه منه قلت حسانية

(قال الذيب


انا بلاي الجوع ماجيت من زود=ولا انت تجمع لك حلال(ن) تربيه


قال الشاعر:


ابوي خلف لي غناةٍ مع ذود=وابوك ماخلف هريد(ن) يعشيه


(قال الذيب


ابوي عند ابوك بثبوت وشهود=والحق ماله طالب(ن) كود راعيه


قال الشاعر:


حطيتلك غرس(ن) سواقيه قرهود=فاسفل شعيب(ن) ثابت(ن) ملكنا فيه
مابيك تطرد بين رامي ومقرود =ومن كثر العثرات يبطل تحديه
خلك ورى التجار لاصرت بتعود=اللي كثير اموالها ماتزكيه


(قال الذيب


اموالهم في البنك والشيك مرصود=واللي قريب الجد مهيب تعطيه


قال الشاعر:


حول على الرمله على قوم صاهود=قوم(ن) على راع الخطى ماتصافيه
هوامله شجعان ذيدانها سود=بين آل راشد والكرب مرتعه فيه
ربع الحديبي قالو العود مفقود= وغريمهم في خب كثرت نعاويه


وسلامتكم .

 

 

 

 

[معلومات العضو عبدالرحمن بن فلاح آل بريك]

أبو طلال/

صح الله لسان الوالد .
على هذه المساجله الجميله .

والله يحفظه ويطول بعمره .

 

 

 

 

[معلومات العضو غـــادهـ بنت ناصر]

صراحه نقلك رائع وتشكر عليه

يعطيك العااافيه

 

 

 

 

[معلومات العضو عقاب بن هذال ال بريك]

ارررررحب يأبو مبارك

صح لسان والدك . . .

مساجله رائعه يعجز عنها الوصف و التعبير . . .

تحاياي . . .

 

 

 

 

[معلومات العضو أ.فهد آل بريك]

مشكور يابو فلاح على المرور ويعطيك الف عافية

شكراً الاخت غادة وهذا من جمال ذوقك واشكرك على المرور

تسلم يابو هذال ولاهنت يالغالي واشكر لك المرور الاجمل من رائع


وصح ابدان الجميع

اخوكم فهد آل بريك

 

 

 

 

[معلومات العضو خالد المشاويه]

بيض الله وجهك ولاهنت

مساجلة جميله

والله يطول في عمر الوالد على الطاعه ومن يقرا

 

 

 

 

[معلومات العضو مبارك بن شافي النتيفات]

فهد ال بريك

صح لسان الشاعر وسلمت يمناك على النقل

مساجله رااائعه

الله يعطيك العافيه

تحياتي وتقديري

 

 

 

 

[معلومات العضو أ.فهد آل بريك]

الف شكر ياخالد ع المرور وكذلك الاخ ابو شافي

الله لايهينكم