قصيدة السبيعي في محمد بن عرفج الهواشلة

**معلومات** **العضو** · 07-10-2008, 03:15 AM

قصيدة السبيعي في الشيخ محمد بن عرفج الهواشلة رحمة الله

يـــــــــا لله يا كــــل حــــي يــسـيـله =يـا ســامع بالـحس صوت الـملبين
يــا مــسقي بــالـغــيـث دار مـحـيـلة =إنــك تـثـبـتـنا عـلى الـحق والـدين
مـن بـعـد ذا الــشاعـر تـمـثـل بـقـيله =مــثـايــل مـــازونــــة بــالـــموازيـــن
يا هـل الـركاب اللــي خطاها طويلة =بـذكـر لـكم بالـخرج شيخ الهشالين
يــومي لــهشال الــخلا فــي شــلـيلة =يـفرح إلى جوه الـخطاطير ناصــــين
مــا يــشحنه كــثر الــحلال وقــلـيله =يــحي ســلوم جــدوده اللـي قديمين
عـــوايـده ذبــح الــسمين الـجــلـيـلة =مـن غـير قول الناس شـفـناه بالعين
شـــيخ إلــى بـــار الـــعميل بـعميله =بــيته لــعكـفان الــشوارب دواوين
لــه عــادةً يعطي الــعطايا الـجزيلة =الـــشاهــد الــله والـــمخاليق دارين
أن أشـــهد إن جــنسه قــليل بــجيله =مــير أطـــمحله يـا خــيار المزايين
مــن حــدتة غــبر اللــــيالي يـــجيله =يـــفدونه اللــي يـــجمعون الـملايين
مــن عـجز عــن حمله محمد يشيله =لا حـسب الحاضر ولا حسب الدين
لا عــل ربــعه مـا تــعوض بـديـله =يــا ســامعين كــلمته قــولـوا آمــين
شــــيخ شــهر فعله بكسب النــفـيلة =مـــن لابــةً يـثـنــون عـند الــمخلين
زيــــزوم ربـعه في نهار الـدبـيــله =كم شـــيخ قــوم عرضوه الأكـــاوين
لا مــن تــعلوا كـــل قـــباً أصـــيلة =كــم فــارس عــاقوه قــدم الــمعادين
مـــركاضهم يــبري الكبود الغليلة =لاجـوا عـلى قــباً ســوات الـشياهين
الـــــكل مـــنهم مــا يـفتـش قــتـيله =لاجــا نـــهار فـــيه شــيـناً بــلا زين
جـموعـــهم مثــل النصوب المهيلة =دواســـراً بــين الـــقبايل عـــزيزين
مثـــل الــــجبال الـــنايفات الـظليلة =ذراً وظــل وفـي المحاضر سلاطين
غــير الــظفر ما يــذبحون الـهزيلة =ريف الضيوف اللي من البعد لافين
سـاس الكرم والجود وأهل الفضيلة =عــلى الــمراجل والنواميس ضارين
ســلماً لهم كــسب الــعلوم الــجميلة =عــلى الأوايـــل من قــديم وذلـــحين
وقــــصيرهم كـنه من أدنى الــقبيله =في ضــفهم كــنه من الـربع الأدنين
يـــمشي على كـــيفه ولا فــيه حيله =فــي جـــارهم ما يـــتبعون الـقوانين
يـا لله يالــــمطلوب منشي الـــمخيلة =إنـــك تــعز اللي على الطيب ماشين
هــــذا كـــلام اللي تـــهيض بـقـــيله =قــــولاً صحيح وازنــه بالـــموازين
في الـــشيخ شيال الــــحمول الثـقيلة =محمد ولد عرفج على العسر واللين
وكــــلاً عـلى فعله يحصل حــصيله =يـــستاهل الـــبيضا رجــال وفــــيين
وأرجي السموحة كان في القيل ميلة =وتـــــمت وتـــم حسابها بالــــثلاثين
وصلوا على المختار راعي الوسيلة =نـــــبينا صــــفوت جــميع الــنـبيـين

**معلومات** **العضو** · 07-10-2008, 04:11 AM

الله يعطيك العافيه اخوي فهد الدوسري على هذه القصيده
تقبل احترااااااااااااامي

**معلومات** **العضو** · 08-10-2008, 12:28 AM

رحم الله الامير محمد بن عرفج الحراكين الهواشله
و اسكنه فسيح جناته
امير مهما قيل فيه من قصائد فلن توفي في حقه
صح لسان الشاعر السبيعي
و يعطيك الف عافيه يا فهد على الطرح
تحياااااااااتي

**معلومات** **العضو** · 08-10-2008, 03:06 AM

موشكورين والله يعطيكم العافيه

**معلومات** **العضو** · 08-10-2008, 10:30 PM

لاهنت اخوي فهد الدواسر على ايراد هذه القصيدة الجزله

ولاشك أن الشيخ محمد بن عرفج الهواشله أشهر من نار علم ومن شيوخ الدواسر الذين كان يشار لهم بالبنان ، نسأل الله أن يرحمه ويسكنه فسيح جنانه.

تقبل تحياتي،،

**معلومات** **العضو** · 11-10-2008, 12:39 AM

اقتباس:

المشاركة الأصلية كتبت بواسطة هايف العماني

لاهنت اخوي فهد الدواسر على ايراد هذه القصيدة الجزله

ولاشك أن الشيخ محمد بن عرفج الهواشله أشهر من نار علم ومن شيوخ الدواسر الذين كان يشار لهم بالبنان ، نسأل الله أن يرحمه ويسكنه فسيح جنانه.

تقبل تحياتي،،

مشكوور على المروور

**معلومات** **العضو** · 11-10-2008, 09:27 AM

كفو ياصبيان الدويلة

علمكم غانم فأول وتالي

وعلمك غانم يافهد الدواسر والله أنك أسد الدواسر

تقبل تحيات أبن فرجان

**معلومات** **العضو** · 14-10-2008, 03:20 PM

صح لسان الشاعر

والممدوح يستاهل كل علمن غانم

ولا هنت يافهد على ماقدمت وبيض الله وجهك

**معلومات** **العضو** · 09-08-2009, 03:22 PM

مشكورين على المرور تقبلو تحياتي

**معلومات** **العضو** · 20-08-2009, 01:04 AM

رحم الله الشيخ محمد بن عرفج الهواشله

ويستاهل المدح

**معلومات** **العضو** · 20-08-2009, 01:26 AM

**معلومات** **العضو** · 20-08-2009, 02:21 AM

رحم الله الشيخ محمد بن عرفج الهواشله

ويستاهل المدح

**معلومات** **العضو** · 20-08-2009, 07:15 AM

مشكور على المرور تقبل تحياتي

**معلومات** **العضو** · 20-08-2009, 01:32 PM

صح لسان الشاعر

الله يغفر لمحمد بن عرفج ويرحمه

الله يعطيك العافيه أخوي

**معلومات** **العضو** · 20-08-2009, 05:46 PM

رحم الله الامير محمد بن عرفج الحراكين الهواشله
و اسكنه فسيح جناته
امير مهما قيل فيه من قصائد فلن توفي في حقه
صح لسان الشاعر السبيعي
و يعطيك الف عافيه يا فهد على الطرح
تحياااااااااتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية