انحنى برج العرب والمملكة و الفيصليه

[معلومات العضو ابن وتيد السباعي]

الوصيه
للشاعر / سعيد مبارك أبوديه

ياسلاطين العرب وش عذركم وين الحمية = واحد(ن)من خيرة عيال العروبة عيدوبه
عيدو بالقائد الحر الأبي عيد الضحية= وانتخت بغداد في عزوتك ياصقر العروبة
النصارى واليهود يحالفون الفارسية= وأمة الإسلام حتى مجدهم ما فكروبه
الشهادة زور والقاضي من أنصار القضية=استهانوا في العرب والدين والعرف اعبثوبه
كيف مدري ليه مدري والدعاوي سرمدية=والعتب مرفوع يصحاب المصالح ومحسوبة
ون رضيتو مارضينا فيه والذمة بريه= قائد(ن) في خدمة أهل الضاد تشهد له حروبه
اشهد انه فارس(ن)مقدام وعزومه قويه= وقفته في ساعة الشدة تكفر عن ذنوبه
انحنى برج العرب والمملكة والفيصليه=انحنت في حشمته والبنت عذراء ومغصوبة
والعراق أعلن حداده وارقصي يالناصريه= للهلال اللي تبين بعد ماطول غروبه
والنتيجة فتنة(ن) عظمى وحرب طايفيه= وهدموا مجد العراق وذللوه وشهرو به
الحقيقة غامضة والقصد واضح في الوصية= نفذوها يأهل التوحيد والنصر ابشروبه
ما يذل المسلم اللي يتبع سنة نبيه= والحذر لاتامنون الوقت وأمان العقوبة

سعيد بن مبارك أبو ديه

 

 

 

 

[معلومات العضو أبوفهيد الودعاني]

مراقبنا العزيز
أبن وتيد
أشكرك على حسن الإنتقاء وسلمت يمينك

تحياتي لكـ ؛؛

 

 

 

 

[معلومات العضو نايف الخييلي]

ابن العم الغالي \ ابن وتيد المســـعري


صــح لسانك ولســان الشاعر سعيد ابو وديه . وعز الله انها قصيـــده جزله ورائـــعه جداً

وتتكلم عن واقـــه مرير نعيشه جميعاً ... وبيـــض الله وجهك والله يعطيك العافيــه

وتقبل ودي وســلامــي .

 

 

 

 

[معلومات العضو ابن وتيد السباعي]

المشاركة الأصلية كتبت بواسطة أبوفهيد الودعاني

مراقبنا العزيز
أبن وتيد
أشكرك على حسن الإنتقاء وسلمت يمينك
تحياتي لكـ ؛؛

ارررررررررحب يا ابو فهيد

وشحالك عساك بخير يا ذيبان والله انك عزيز وغالي

لاهنت على المرور العطر والمشرف وهذا من ذوقك



ابن وتيد المسعري

 

 

 

 

[معلومات العضو ابن وتيد السباعي]

المشاركة الأصلية كتبت بواسطة نايف الخييلي

ابن العم الغالي \ ابن وتيد المســـعري
صــح لسانك ولســان الشاعر سعيد ابو وديه . وعز الله انها قصيـــده جزله ورائـــعه جداً
وتتكلم عن واقـــه مرير نعيشه جميعاً ... وبيـــض الله وجهك والله يعطيك العافيــه
وتقبل ودي وســلامــي .

الله يغليك عند واليك
صح بدنك يا القرم وعزالله انك صدقت بس وين الي بيتعض
ووجهك ابيض ولاهنت يالقرم على المرور العطر والمشرف

ابن وتيد المسعري

 

 

 

 

[معلومات العضو راشد المسعري]

الله الله يابو سعد

على هالوصية الجزلة

صح لسانك وسلم نقلك الجزل ياجزل

الله يجمع المسلمين على كلمة لا إله إلا الله

والله يذل الشرك وأهله ويهلك الرافضة

تسلم يابن العم ولك مني الود والتقدير ،،،

 

 

 

 

[معلومات العضو يحيى الودعاني]

تسلم يمينك

ابن وتيد

وصح السان الشاعر

 

 

 

 

[معلومات العضو فالح الشكره]

تسلم يمينيك يابن وتيد على نقل القصيدة الجزله

صح لسانك ولسان الشاعر ،،،، والله يبيض وجهك.

 

 

 

 

[معلومات العضو سعد الجارالله]

	ابن العم / ابن وتيد المسعري الله يعطيك العافيه على ايراد القصيده التي تحاكي الواقع وصح السانك ولسان شاغرها ,,,,,,,

 

 

 

 

[معلومات العضو ابن وتيد السباعي]

المشاركة الأصلية كتبت بواسطة ابو عبدالمحسن المسعري

الله الله يابو سعد
على هالوصية الجزلة
صح لسانك وسلم نقلك الجزل ياجزل
الله يجمع المسلمين على كلمة لا إله إلا الله
والله يذل الشرك وأهله ويهلك الرافضة
تسلم يابن العم ولك مني الود والتقدير ،،،

ارررررررحب يا ابو عبد المحسن

هاذي ابرك الساعات الي جابتك

صح بدنك ولاهنت على المرور الذي يعني لابن وتيد الشيء الكثير


ابن وتيد المسعري

 

 

 

 

[معلومات العضو ابومبارك الدوسري]

سلمت يمناك يابن وتيد على المنقول الطيب


وصح لسانك ولسان الشاعر

 

 

 

 

[معلومات العضو ابن وتيد السباعي]

لاهنوا جميعاً على المرور

 

 

 

 

[معلومات العضو عبدالرحمن الشرافي]

اشهد انه فارس(ن)مقدام وعزومـه قويـه=وقفته في ساعة الشدة تكفـر عـن ذنوبـه

انا اشهددددددددددددددد


رحمة الله عليك يا ابو عدي


الغالي/ ابن وتيد


لاهنت على النقل وصح الله لسان ابو دية



تحياااتي

 

 

 

 

[معلومات العضو ابن وتيد السباعي]

مشكور يا ابو سالم على المرور الرائع

 

 

 

 

[معلومات العضو الخضراني2]

أخوي ابن وتيد المسعري ..

مع احترامي لك ..

القصيده فاشله

وانت اكبر من مستوى هالقصايد

ولا تنسى ان صدام اللي عاجبك ..

قتل أبرياء ..

وسفك دماء ..

وشـرّد أمم مسلمين ..

وأستأسر المسلمين في سجونه الطاغيّه

ومنهم من قبيلتنا أيضا ً ..

والله أعلم بحالهم الآن ..

ولاتنسى انه كان في يوم من الايام يصول ويجول ..

في اراضي الكويت والخفجي بجنوده الغزاه ..

فـ كم من أم ٍ مسلمه عربيه ..

كانت تبكي وتسهر الليل ..

لأن ابنها أستأسر في سجون الطاغيّه ..

فــ بماذا أعجبك صدام ؟

اخوي ابن وتيد ..

ربما أنك كنت صغيراً آنذاك ..

ولاكن ليس الأنسان معصوم من الخطأ ..

بل يا عزيزي أعد حساباتك ..

وعند هذا الحديث لايسعني الا أن أتذكر بيت قاله

شاعر الوطن / خلف بن هذال

عندما قال ..

جعل يوم ٍ جاب صدام يومٍ مايعود // المصايب تصطلي والخطر من اصطلا



وشكرا ً