|
|||||||
03-06-2007, 07:37 PM
|
#1 | ||||
|
" الوثيقة الدوسرية " لـ الشيخ عبدالعزيز بن محمد آل غزي
السلام عليكم ورحمة الله بركاته
بدينا باسمك الأعظم بدينا=عظيم الشان رب العالمينا تفرد في جلال الكون كله=أحد فردٍ صمد له خاضعينا أنبنا له وعذنا في جلاله=وقمنا له ركوع ساجدينا له التقديس سبحانه تعالى=تعالى واعتلى ماله عوينا معاذ المستعيذ وخير منجا=ولا في غير عونه نستعينا نساله يهدي الضلال منا=ويجعلنا هداة مهتدينا يثبتنا على منهج نبيه=وخير الهدي هدي المصطفينا الا يا الله ما غيرك قصدنا=توفقنا على ما به مشينا بنورك يا إله الكون نور=بصايرنا بنور المبصرينا نسالك فوزنا يوم القيامه=وتكفير الذنوب اللي جنينا حياة وصفها كالطيف عابر=وها الدنيا طريق العابرينا ولو طالت بها الآمال تقصر=إلى صار ان اجلها مقتفينا عذولي فكر وعاين وتلقى=صريح اللي من الدنيا لقينا سراب لامع في دو صحصح=يخادعنا وحنا هايمينا على التسويف ممشانا وننسى=نهاية ما خلقنا له وجينا وتنسى وين أبوك ووين جدك=وحنا حيث صاروا صايرينا غفلنا عن نهايتنا وعشنا=على الامال نبقى سايحينا ولو فكر بها العاقل حقيقه=وجدنا بالمهامه تايهينا ألا يالله ترحمنا عبيدك=وفي حسناك ترحم والدينا بعد هذا هبوب النود هبي=هبايب نجد ريح الياسمينا ومري باقحوانه والخزامى=وعرف الشيح وريح الكر كدينا على روض النفل مري وذبي=فيافيها لعلك تسعفينا ونوفي في روابيها ولبي=وقولي ما نقوله يا ضعينا وثني في مقال الصدق عنا=وقولي ما بدالك وانشدينا وردي وانقلي عنا الرسايل=بحمض العلم قولي واصدقينا وقولي عن محبك ما يقوله=والى متنا مع الحي اذكرينا وخصي لي بنجد المجد ماجد=نجود النفس نجد المنجدينا الا يا نجد يا نجد الفضايل=فلا والله عن حبك سلينا ولا عز بغير الله باقي=ولو قالوا وقلنا مكثرينا وما قد قيل من قول مقيد=على راعيه من نقد ودينا فلا نبغى صددت الكاس منا=ولا نبغى يخالطها سخينا بخولانية المنشا شربنا=مقندها كعام العايلينا حكمها من حكمها كيف كيفه=على ما يشتهيه الكايفينا مقندها أبو غزي محمد=وأبو نايف منيف النايفينا الى مني نشيته وانتشيته=بمشروبه وهو فنجال صينا احس اني على الدنيا مخلد=بتخليد الرجال الخالدينا
بكاس المجد مشروب النشامى=شرابي لا خمور الأندرينا شربنا به شراب الهيم حتى=بقينا كل ما نشرب صحينا شربنا الكاس من نبع الكرامة=كما شربه كرام شاربينا شربنا الكاس من هدي النبوه=ألذ من الحياة اللي حيينا ومن هذا وفي هذا أنادي=بسمع الكون وين العارفينا أخصص بالندا سادات ساده=سلام ما نقده الناقدينا وابادلي مع دلي القوم دلوي=واشارك بالجديد الفارسينا إلى من الدلي قامت تزاحم=عسى دلوي يجي في الفايزينا فذا دلو يجي به ماه صافي=وذا دلو يجي في ماه طينا وذا دلو خلا من ذا ومن ذا=ولو طعنا الروابع ما اهتنينا اطعنا النفس ما طاعت هوانا=وإلى استعصت تطاوعنا عصينا حكمناها بحكم العقل حتى=غلبناها وصرنا الغالبينا ومن تقواه نفسه تستذله=ويبقى بالمذله مستهينا ولا يعلا الرجل إلا بدينه=وبالتقوى عسانا متقينا وفعل الطيب وكسبه للمروه=ينل به خير في دنيا ودينا وعونه للضعيف إلى التجابه=بوقفات تسر المرتجينا وكبح الشر واهل الشر دونه=تسود به الرجال السايدينا وفعل الشخص كانه قام حظه=يحطه في مقام النابهينا وشر الحال لشفت القبيله=تقاطع عقب ما هم واصلينا وجمع الشمل خير من التفرق=لقام البعض ينقض بالعنينا وصدك عن وجيه الناس راحه=إلى ما صرت بالواجب تعينا ولكن كيف والماجوب واجب=وحب الطيب للطيب يحدينا ولا شخص على الماجوب يعذر=لصار اهله عليه مدربينا وطيب الجد يورثك المتاعب=وتسهر له وغيرك نايمينا الا يا قوم كفوا عن ملامي=علام ربوعنا لي لا يمينا يقولون انت ملزوم تشارك=واقول ان العرب له قايفينا جديد القول يرجع في قديمه=وناتي بالقديم مكررينا ولا فيها سوى قالوا وقلنا=مشوا فيها وحنا سايرينا روينا عن سوابقنا ويُروى=بها عنا من اللي لاحقينا ومن عاش الحياة أول وتالي=يشوف الفرق بين الحالتينا تعايشنا مع الماضي وعشنا=بحاضرنا وحنا كاظمينا ولا ننهج طريق فيه لنّه=ولا قلنا بقول مهربدينا وقول الشخص من بعده رسوله=إلى ما صار في قبره رهينا وانا عديت بالماضي قصيده=وبالحاضر لقوم قادمينا ابا اوضح مع رسول الشعر قصدي=وما كنا بهذا قاصدينا ندبت الشعر واسلم لي عنانه=وساعف لي مقاده وانتقينا
نديبي ما ندبت إلا القوافي=وياما في ملاويها التوينا كلام ما يجي به قول لولا=ولا، لا لا، ولا مابين بينا كلام مثل وجه الشمس نوره=إلى اشرق من محياها الجبينا على جنح الصبا والقول واضح=وإلى قلنا فحنا واضحينا ولولا لوم من لومه مقدر=لك الله كان فيها ما اعتنينا تباريح أبرد من وهجها=وراع العقل بالدنيا سجينا الا سيري بنات القاف سيري=تجيبين الخبر أو تنشرينا وعنا بلغي اصدق رساله=نشت منشى مراويح الغشينا رعدها الخير والبراق كاشف=تحت قول على المعنى رصينا بدت من مرقب الغزي وسارت=جنوب لين صنعا مجنبينا وعادت غرب إلى صوب المدينة=ومنها يمة الشرق انتوينا يعم بها الخليج ومن سكن به=جنوبه لين وادي الرافدينا وعممها على أطراف الجزيره=جنوب وشرق ، غرب ومشملينا وقف في كل دار دوسريه=وردد بالندا صوت حزينا وقل يالاد من تروي قناها=وتروي حدبها لا من ظمينا وثن القول ثنه هم جره=من السرجوف وازعجها انينا قنيب الذيب شارف بالطويله=حدته السحم عن قطعان ضينا وناد اللي وقف ميقاف جده=ولا تنشد عن اللي معرضينا ولا يشفي لك العلة مداوي=لصار انه ضعيف الساعدينا إلى سمعك مناجاها تنهض=كما سبع تنهض من عرينا وجالك كل شغموم مشبب=نشد ويش الخبر يازاهمينا وقالوا وش جرى صرح وبين=فقل بلاّ من الفتنه خشينا هني اللي تخم النوم عينه=ولو خمة عيون الخايفينا ارى دخان فتنتها تنفس=والى ثار الدخن فينا عمينا ولا حل التنازع بين معشر=لك الله غير عادوا خاسرينا زمان راح تجمعنا القبيله=ومن عقبه غدوا متفرقينا ولاهو حق نسيان الاخوه=ولا نبقى لها مستنكرينا فسدوا باب فتنتها وقولوا=بما قال الكرام الناصحينا عوارفنا تبين ما جهلنا=ومن يجهل يسال الفاهمينا ارى قوم تفرق مجتمعنا=تحقق قول قوم مفسدينا وحنا مالنا في قول قايل=سعى في مقصد ابليس اللعينا كلام لا نظرته وامتحنته=ينقرس به هبوج ملبدينا عرفنا انه يبا قلب الحقيقة=وحنا في مقادمنا اهتدينا وكل عن جدوده قام عده=وباللي قيل في برك كفينا بها يشهد جميع الجن وانسه=الى انكرها علينا الجاحدينا فلا ناتي بقول غير ثابت=والى قلنا نقوله مثبتينا ومن يلجا بنا يلقى حماية=إلى عدوا حماة الملتجينا وقول جا على التلفيق باطل=إلى جا بالكلام محققينا
تصنمها ابن بدران عامر=وكل قروم قومه ماثلينا ولا طير يطير بلا جناحه=وكف دون اصابعها تشينا ورجل دون قومه لو تميز=فلا بده يرى اليوم الغبينا ومن يسعى إلى تفريق قومه=يشوف الضيم بين الجالسينا تغنا به من الاجناب صفوه=شهود الحق قاموا مجمعينا علمنا ما علمنا واحتفظنا=حفاظ من شمات المغرضينا ولو في كل ما نعلم نشرنا=لك الله كان لمنا الساكتينا ولو في كل ما يهرج عذلنا=لك الله كان في الهنه هبينا ولكنا تصاممنا وقلنا=لعل القوم تدرك ما عنينا فلا نرخص كرام القوم منا=ولو قالوا بنابت ما يبينا وجمع الشمل عز للجماعه=على ما به تراهم قايمينا وسعنا ما وسع قوم تقافوا=وحنا من بعدهم راحلينا مضوا وافعالهم تبقى دلايل=وما ياسع بنا ياسع بنينا والى اختصت مجالسها فخصص=دواسرها كعام المعتدينا وقل يا تغلب الغلبا كفايه=سواعدنا بلاشك ومينا فهم منا وحنا بعد منهم=ويجمعنا عليها لا نتخينا بني عم على عسر الليالي=بني عم وفي دوسر عزينا وقدم باحتجاجك ثم صرح=وقل حنا بما يخشى دهينا ولا هو تونا نبدا علاقه=علاقتنا عقدها العاقدينا توثقها عوارفنا وناتي=على نقض الموثق مجترينا حقوق للقبيله في القبيله=عسانا في مواجبها وفينا سلايلنا وعزوتنا قديمه=إلى منا وقفنا معتزينا إلى جت بالتعازي والتعزوي=وقام الحلف ينخى بالمعينا وكل في بني عمه تعزوى=توحدنا عليها والتقينا لها حق علينا ما تضيّع=وحنا في كرامتها بقينا فلو تاقف على موج تلاطم=ولو تاقف بديّان خلينا وترفع نادبٍ يالاد زايد=يجيك الجن قبل الساكنينا وهي عزوة مضيّرة الشدايد=الى استعصت تطيع أو تستلينا ومن هذا رفعت الصوت واعلن=الا يا قوم قد باح الكنينا الا حي الرجال اهل المواقف=الا حي الرجال المنعمينا أنادي كل فخذ وافتخر به=واذكر في مهجرعة الحنينا أنادي يال تغلب يا رفاقه=وأنادي يال زايد معلنينا أنادي بالغييثي والنتيفي=وأنادي وين وقفات مضينا أنادي في رجب هو والجعيدي=وأنادي بالرجال المانعينا أنادي في مخاريم الخرايم=وأنادي بالخييلي والقطينا أنادي بالشرافي والبريكي=وأنادي بالرجال الصامدينا أنادي يال حقبان امنعوها=من اللي قال في قول هجينا
أنادي وين فرجان الدواسر=وأنادي بالصخابر وين وينا أنادي يال شكر هم أنادي=وأنادي بالرجال الذاكرينا أنادي في حراجين وهو امل=مجادعة الرجال إلى حدينا أنادي يال عمارٍ واسمي=الى قلوا حضور الغايبينا وأنادي في حسن وابن الزمامي=وبالخضران وين الطايلينا أنادي بالدموخ وبالهواشل=الى نادوا عليها موجفينا أنادي باكبرا قوم اكابر=وانادي بالغرير المفلحينا وقل يا لاد مسعر والحبيبي=وقل يالاد مروية السنينا وقل يالاد أبو سباع هيا=ويالاد العمور العامرينا ويالاد المصارير استهمنا=ويالاد المشاوية اشتوينا وأنادي يال ودعان الودايع=وانادي يال بدران التضينا وأنادي هم أنادي هم أنادي=بلا تفصيل والساعي حدينا وأنادي يال دوسرهم أنادي=الا وين الرجال الزايدينا أنادي عزوتي في كل لهجه=الا ياوين ذباح السمينا أنادي بين حاضرها وبادي=ولا والله بالواجب ونينا فعزوتنا قديم الزايديه=علام القوم عنها حايدينا الا لا رحم ابو من صد عنها=إلى بعنا بسوقه واشترينا ترى هذا بهذا دون هذا=ابن عمٍ وخالٍ وابن أبينا وكل بالمواجب له حقوقه=الى عدت حقوق الغانمينا أنادي من ذكرت ومن نسيته=فعذري منه ريف المردفينا ولا قصدي تركته عن تعمد=نسي آدم وحنا قد نسينا مقام واحد بالدوسريه=الى ما صاح صايحها انتشينا إلى مالت بنا نصبر عليها=والى مالت بمن ينخى رفينا والى عض الزمن واشتد عضه=على مقدار لزمتها ارتكينا مجاورنا أمن منا وفينا=ولا يوم على جار شنينا وجارات الا كارم في المحارم=على هذا لك الله قد غذينا ولا نمشي بهنات النمايم=ولا يوم بمخلوق وشينا ولا نرضى بغيبه أو نداهن=ونأبى دون خير المنزلينا والى جانا من الاصحاب سايه=تجاهلنا وكنا مادرينا ونصفح غير ميقاف المعزه=فلا نصفح ولا دونه لهينا ولا ترفا الفتوق اللي فتقنا=وموقعها يجي في المفصلينا ولا نقبل مقال الذم لو هو=قليل عن قليله عازفينا قليل الذم عند أهل المروه=كثير يا وساع الراحتينا صراحتنا ولول قالوا فضيله=وكفتنا خيار الكفتينا على هذا تواصينا وعشنا=ومن دونه نموت معززينا نبيع الذم باغلا ما ملكنا=ونشري به مديح المادحينا بروز الرجل بافعاله ، وموته=لصار العقب عقبه خايبينا
على قول لجدي يوم قاله=يوصينا وحنا مقتدينا الا يا ليت عقب الموت من هو=يشوف اللي بنوا عما بنينا ممات الرجل موت العقب عقبه=إلى خلوا طريقه مفلسينا وحنا بعدهم نمشي ونوصي=بما يوصي عليه المشفقينا خيار من خيار من خياره=الى عد الرجال الخيرينا وكل في مقامه دون حقه=ولا نقبل كلام منظّرينا شواهدنا منازلنا ونبقى=عليها لو يزول الكوكبينا ومن يندب يجدنا ساع يندب=سراع ساع يندب جاهزينا نكافي راعي الحسنى بحسنى=وراع السو من جنسه كفينا ونرخص مالنا عند المواجب=وحتى الروح فيها مرخصينا ولا ناقف مواقفنا بريبه=وعما شان سمعتنا سمينا لنا الموقف إلى جت بالمواقف=ولا يحسب علينا موقفينا ونازنها قبل نرسل سهمها=على مرمى هدفها هادفينا ولا نذكر جميل صار منا=ولا باللي علينا كافرينا والى جاموجب للذكر قلنا=الى منه جحدها المنكرينا ونحمل ثقلها عند الملازم=ولو عضت ظلافه مارغينا ونصبر لو وصل للعظم حزه=وناصل ما قطعها القاطعينا ونطفي فتنة الجهال منا=إلى كثروا عليها الموقدينا عجال من على العليا ولا انا=نجي في غيرها مستعجلينا أقوله عن رضى والقول ظاهر=ولا قمنا بهذا حاردينا جماعتنا جماعتنا وأهلنا=ولو رحنا بعيد وانتحينا بني عم على الكايد صبرنا=كما انا اليوم في نعمه ولينا وانا مالي بذم فلان حاجه=ولا قولة فلان له غزينا ولا جينا نبي تمييز هذا=على هذا وهم كف وعينا ولكني ابين في الدلايل=فعول للجدود الاولينا ولا قلنا افتخار يوم قلنا=ولكنا بهذا مخبرينا فوادينا قبل هذا يسمى=باسم جرم وهم به نازلينا وبعده في عقيل العامريه=ومنها صار ملك المالكينا باسم قومي مواريث الدواسر=عرين الدوسري نعم العرينا الا يادار والسايل معنى=بسر من على سره طوينا الا يادار يادار الشهامه=بما يطرب كرامه اطربينا نبا منك الخبر عما تغير=على ما نفهمه والا رطينا وقفنا في مرابعها وقلنا=ولاردت سوال السايلينا وقوفك بالمرابع والمراتع=يجدد ضغط نفسك يا رزينا أشوف سلومنا يا دار جدي=غدت مثل السلع للبايعينا يموت اللي حفظها ثم ياتي=لك الله بعض ناس ضايعينا تواريخ على التهويش تبنى=مبانيها هدمها الهادمينا
ومن هو يغتني عنا فحنا=على ما قيل عن قربه غنينا حرام الكذب وزور القول ياقع=بما نروي وما ينسب إلينا وما يفعل يقال وقيل قبلي=ولا يحجب ضيا الشمس الرعينا ولا جرح مثل ضيم القرابه=ولا غير الاقارب موجعينا الى منك سكت اسقوك علقم=وتكشيفك خفاياها مشينا علوم لا بحثناها وجدنا=حكايا بين كان وبين كينا الا يا صاحب العرعير هود=عن اللي قيل من شين وزينا نباها مثل ما جدي وجدك=ولا نبغى هروج الحاقدينا فلا يرضى كريم بالمهونه=ولا يوم على السقطه جذينا علوم جات باخبار تردد=ولا حنا ولا أنتم قابلينا ولو هي من بعيد القوم جتنا=ولكن كيف والقايل اخينا فخلونا على ما كان يعرف=على عهد الجدود السالفينا وخلوا كل وادي مع مسيله=ولا نرضي عفون الساقطينا جمعنا ما جمعنا في ثلاثه=ورحلتنا جميع بالسفينا فلا داعي الى قول يكدر=مشاربنا وحنا سالمينا كما انا عصبةٍ عزوه ونخوه=والى ثقلت محاملها رسينا ولا قلنا مقال دون حله=ولا يوم على شخص افترينا خذيناها مواريث توارث=عقب فعل يشيب به الجنينا بني سوره وحده من رجاله=كلوا منا كما انا آكلينا شغاميم غدوا منا ومنهم=جميع من على الموت احتدينا تبادلنا كؤس الموت حتى=شفوا منا وحنا مشتفينا كؤس ما بها (هبي) ولكن=بها خذها كما انا آخذينا كؤس ما بها (هبي) ولكن=بها ذقها كما انا ذا يقينا على طعن كوسم النار حره=وِسِمنا به كما انا واسمينا كؤس ما بها إلا المنايا=تشوف القوم منها ناهلينا سقونا من زعاف الموت كاسه=وحنا ساع ما نشرب سقينا غدت من بيننا عكف الشوارب=طعام للسباع الجايعينا تجالدنا كما موج تلاطم=لنا يومٍ والاخر به كوينا صبرنا هم صبرناهم صبرنا=على وقع القنا ياناشدينا وطالت واستحر القتل منا=ورغم الموت للموت انكفينا ولا خلوا منازلهم سماحه=ولكن عقب فعل الفاعلينا عقب شافوا فعايلنا وذاقوا=مضاربنا تنحوا مبعدينا وقالوا عقب شوف العين عفنا=فلا حي يقابل ميتينا نزلناها وهم عنها تنحوا=وشدوا من حماها عايفينا خذيناها على هذا . وهذا=لك الله ما يعادل بالثمينا ولو هي بالمطامع كان راحت=همايا في يدين الطامعينا غروس يا نعات في ثمرها=وذيدان حموها الدارعينا
رعت سوح الخطر من كل ديره=على ايات النواحي سارحينا مراعينا الى حلنا بعيده=ولا يرعى حمانا اللي حمينا نحينا دونها من جايبيها=وحنا عن جنابه ما نحينا الى جا الضد غازينا بقوه=وقفنا له بدربه جازمينا وهدينا صطاره لين يذعن=وقومه عن حمانا منكفينا الى منه نوانا الخصم رده=على انفه في مشاهدها وطينا الى صاح المصيح وابتدرنا=برزنا للمصيح مصلتينا شياطين على قب ضوامر=تناحط بالفورس معلمينا مراجيم الكواكب والصواعق=براكين تثور وتستكينا ولا نجضر إلى صارت كباير=ولا نيأس مع اللي يائسينا والى جت من بعيد الدارليه=على ما كان يلوي به لوينا والى جت في سبيل الخير دعوه=ترانا بالتجاوب جاهزينا سبقنا من ينافسنا ولكن=لك الله ما نقول الكاملينا والى منا برزنا بالمشاهد=ثبتنا بالمشاهد ما انثنينا وحنا السالكين مخيف فجه=الى خيفت فجوج السالكينا وحنا الناهجين بخير منهج=الى عدوا كرام الناهجينا وحنا المطعمين بيوم شده=الى ما قيل وين المطعمينا وحنا الضاربين الكبش معلم=الى ما قيل وين الضاربينا وحنا المحتمين الدار هيبه=الى ما قيل وين المحتمينا وحنا الناطقين بيوم مشهد=الى ما قيل وين الناطقينا وحنا الواقفين بكل ثغره=الى ما قيل وين الواقفينا وحنا الزاحفين بيوم زحفه=الى ما قيل وين الزاحفينا وحنا الكاشفين الكرب حنا=الى ما قيل وين الكاشفينا وحنا المشعلين النار جذوه=الى ما قيل وين المشعلينا وحنا المصطلين النار حنا=الى ما قيل وين المصطلينا وحنا الجابرين الجار كسره=الى ما قيل وين الجابرينا وحنا من عصر آدم وحنا=مناتبنا خيار الناتبينا وحنا للنبي اكرم شعاره=الى قالوا شعار المرسلينا وحنا وان بدا خصم يلاحي=لحينا فوق ما يلحى لحينا والى منا قدرنا واقتدرنا=عن اللي نطلبه حق عفينا ولا تذكر عطايانا بزربه=الى ذكرت عطايا الزاربينا وكثرتنا تجي عند المخاوف=وعند المال حنا الموثرينا تعف انفوسنا عند المطامع=كما قاله محمدنا الامينا ولا نبغى حياة دون عزه=وحنا دون عزتها أبينا والى منا التقينا والمعادي=قَتلنا أو قِتلنا صابرينا اسود الازد في نص موكد=كما جافي الحديث اللي قرينا فلا نجزع الى صارت عظايم=ولا نطغى إلى منا ولينا
ولا نسكن على جار بجيره=والى جينا بقينا المقدمينا وكم دار خذيناها بعنوه=نزلناها وحنا الغاصبينا ولا نسكن زمان الخوف سوره=ولكنا على الصحرا ندينا بيان ظاهر ما نتقي به=الى ما خيف ضبضابه بدينا لنا باكثر قبايلها نوادر=الى عدت فروع الناجعينا فمنا بن محيا والسبيعي=فوارسها لجوك معممينا ومنا بن قعيط القرَم هايس=وبن راجح معاذ العايذينا ومنا الشيخ بن منديل راجس=خوي الذيب ريف الممحلينا ومنا في قروم القوم نقوه=عددهم في القبايل كاثرينا بدوا بين القبايل في الصداره=مقاديم الرجال الراجحينا قروم ذكرهم باق ويبقى=الى جوا بالسلاح مدججينا لنا شيخ البوادي والنوادي=والى قلنا عن المصدر عزينا فسل عنا الخلاوي يوم غنى=بنجد كيف كنا النادرينا وسل عنا وسيما العامريه=نهار يرجي الوالد ضنينا وسل عنا البرازيه مويضي=الى خيف الطلب والطالبينا وسل عنا اهل عوص النجايب=الى جوا باللطم متلثمينا حداهم بارح الجوزا بحره=كرام من سفرهم متعبينا وسلهم يوم انا خوها قوايا=حدتهم شبطها والعقربينا وسل عنا بصوكات القبايل=إلى جو ورد والا صادرينا وسل عنا ابن رابح ورافد=وسل مطلق وسل عنا البدينا وسل عنا بعد عايض وناصر=وابن مصلح وسال ابن جفينا وسل عنا ابن بهلال واسأل=ابن سلوم واللي نابغينا وسل عنا ابن مهدي وساكر=وسل عنا سند وابن الردينا وسل عنا رضى والشيخ هابس=وابن كروز والخافي يبينا وسل برك وسل واره وراوه=وخب الريم وسل دوسر وتينا وسل قوز الشريف العلم عنده=وسل سوق الحسا يوم دعينا وسل عنا طويق في شموخه=وسل عنا كرام قاطنينا وسل عنا بعد سوق المنامه=وسل عنا جريس يوم دِينا وسل عنا وابن شهوان شاهد=كلام الضيغمي يا سامعينا وسل عنا رميزان التميمي=وسل راكان زبن الخايفينا بدارين اللوى وش قيل عنهم=ولا يصدقك غير الواثقينا وسل عنا المطرف وابن ماجد=فعول وكدوها القايلينا وسل عنا كرام القوم واسمع=ولا عنا تسال الاسفلينا وسل عنا اليمن تلقى خبرنا=وسل عنا الريادي لاسرينا وسل جازان والافعال تنبي=وسل عنا الجوازي لاجزينا وسل عنا (بلي) فيما كتب به=تجد صدق الخبر في الغابرينا وسل عنا مناعير النشامى=وسل عنا الملوك الطاهرينا
وسل عنا سلاطين الكنانه=تجدنا للامانه كافلينا وسل عنا وبالهدار وقعه=ومن يحمي فلول الزابنينا وسل عنا جبل شيبان وانشد=فيافيها وديانٍ دوينا وسل عنا وفي نجران هيعه=وكم للضبعة العرجا رمينا وسل عنا السليل بالسلايل=وبالافلاج حنا الفالجينا وسل بالخرج واندب بالقبيله=يجيك اللي بقاعه راقدينا وسل عنا شروره والمهامه=الى نزوى عمان صاعدينا وسل عنا وبالاجمال تلقى=مواقفنا بوجه الغاشمينا وسل شهران شهران العريضه=تجيك اخبار قوم شاهرينا وسل عنا بيوم البير واسأل=نهار يوم ثادق غايرينا وسل عنا بوادي الفقي سربه=وسل عنا جلاجل محرمينا وسل روضة سدير يوم تنخى=وجينا يوم تنخى صايلينا وسل عنا بواد سدير كله=وبالمحمل لقيل الحاملينا وسل بالغاط وخشوم العراني=زمان راح يوم اللازمينا وسل عنا وبالزلفي تجدنا=الى عدوا رجاله ظاهرينا وسل عنا الدبادب يوم غاروا=علينا كيف كنا ظافرينا وسل عنا قصيمه والقرايا=وسل عنا المداين والمدينا وسل عنا الشماس ومن حلل به=وسل وادي الفرع عمالقينا بدارين المكارم خير لابه=تواتر بالعدول الشاهدينا وسل عنا وبالمطلاع تخبر=عن البصره يسار الرايحينا وسل اهل الحظوظ بما ذكرته=الى ما قيل ياهل الواديينا وسل بين القبايل والحواضر=تخبّرك الرجال الحافظينا وسل عنا ولا تسأل وجرب=تجدنا ساع تزهم والمينا نجي كالنار في حال اشتعاله=وفي حالٍ ترانا وادعينا والى منا غضبنا شر غضبه=ترى البركان منها يحتذينا والى منا رضينا الخير كله=نكون المطعمين الواهبينا لنا حالين واهل العرف تدري=جنانا من جناه الجنتينا نكيل الصاع كيل فيه نوفي=والى منا عطينا مارجينا والى ما احتاج زود فيه نرهي=ونضفي له على هذا اثنتينا ونوفي بالحقوق وبالحقايق=ونعطيها كما انا طالبينا ولا يوم بخسنا الكيل مره=الى منه بخسها الكايلينا وحنا حرز ذيدان رواتع=الى جوا بالحديد مقنعينا بنا تامن مراعيها وتبقى=رواعيها عليها آمنينا وحنا حرز غرس يوم يغرس=ولولانا جفوه الغارسينا الا يا خوي يانا بت توقع=بقول الحق لا تزهف علينا ترفق في مقالك يا موفق=ترى ان الله حب الرافقينا فعايلكم فعايلنا وحنا=فعايلنا فعايلكم يقينا
ونفخر في كريم الفعل منكم=كما هو في ولد عم خدينا وحكم الشرع في هذاك يوصي=وما يثبت من السنه لدينا وطيب الفرع من مجذب اصوله=والى حدنا عن اولنا غدينا وابن كلثوم خله في محله=ولا زكاه كود الكاذبينا وسعك اللي وسع جدك وجدي=وما يرضى به الجد ارتضينا مضى جدي وجدك بالموده=وعاشوا بالاخوه قانعينا وتاتي تنكره من غير حقه=ولا حنا لحقك منكرينا وش اللي جاك به، وحيٍ منزل؟=اوانه في رياض الصالحينا الا هيهات يا قول تقوله=ولا مثلك يقوله يا ذهينا ولو تذكر زمان راح واقفى=الى جوا فوق قب مسرجينا الى منه ندبهم من ندبهم=زموا مثل الزوامي لازمينا ولا قالوا من الفخذ الفلاني=ولا قالوا حليف محالفينا تناخوا كل شخص قال زامي=وقاموا للطلب متواثبينا على ايات النواحي لا ندبهم=منادي قيل وين النادبينا غياث المستغيث إلى تغوَث=شفى صدي القلوب الى صدينا يقوله زايدي بال دوسر=بني بدران ريف المهزلينا حفيد القرم ابو خميس عامر=ضمنها يوم هي بالضامنينا ولا قلته مجارى أو مفاخر=ولكنا على القصيا قصينا وانا ما أقول ما يجرح شعوره=ولكنا عن الفتنه نهينا الى جت بيننا صارت مصيبه=والى جت من سوانا مادرينا وهدم البيت معروف بساسه=ويبقى ما بقي ساسه متينا الى جت من سفيه قيل زله=والى جا عاقل فيها ابتلينا ولا والله يكسب من وراها=سوى تحقيق قول الشامتينا الى ثارت عجاجتها وقامت=تطير بها عقول العاقلينا الايا نابت اسمع ما نقوله=وبحث العلم ياتي مقتفينا وش اللي جاك من قومك تنكر=وتاقف بالتعزوي تشتكينا بني عمك لمسهم منك حسه=ولا نخفيك قومك عاتبينا ومن قال المقال بلا دليله=بتقييمه يجي في العابثينا لك الله ما نقول القول شهره=ولا شهوه ولكنا بلينا سكوت من على الباطل سماجه=وتدري ما بقومك ساكتينا قبل هذا سمعنا ثم قلنا=لعل القوم فيها واهمينا وبعد اليوم ما والله نجامل=ولا ممن تعمدنا استحينا تقول انك سليل الدوسريه=وتجفانا وحنا ما جفينا وهي في الازد من جد تسلسل=بها وانشد عليها ذا رعينا وفيما قلت جدك اخو جدي=وثدي المكرمة به راضعينا والى صرت ابن دوسر يابن دوسر=فحنا وانت في دوسر نمينا ودوسر جد زايد بالوكايد=كما جافي صحاح المخبرينا
فكيف انك تخصصها لنفسك=وتنقلها واهلها رافضينا لك الله ما نطيعك في مقالك=ولا جينا لجدك وافدينا على هونك على هونك تمهل=وزن قولك بقول الوازنينا اشوفك ترمي بقولك وتلحن=ونعرف ويش لحن اللاحنينا كلامك ذا خلاف اللي تعارف=عليه القوم يابن الطيبينا ولو تنشد وحاف القهر عنا=عطتك العلم عنوانه مبينا ثوابتها كما ذيك الرواسي=الى جا بالكلام ملفقينا فعول في صريح القول تنطق=الى اخفاها الشهود الصامتينا خذيناها من اللي قد ملكها=وقدناها وحنا القايدينا دواسرها عيال العود نقوه=الى عدوا عيال الشايبينا مجر الكبش واحد رغم عده=وحذرا تجعلوها فرقتينا ولا نبغى حديث فيه يفرح=عدوٍ نايدٍ والا بطينا ولا نبغى كثير القول منكم=ولا منا ولا جيم وسينا بديتوها ومن يبدا تحمل=عواقبها فقولوا آسفينا ولا نرضى يجي فيها طلابه=ولو نسكت عليها آثمينا والى شفتوا علينا من خطيه=فقولوها لنا يا واعظينا نصايح ما نبي فيها فضايح=وقومك في طلبها منصتينا الى ما قيل مجد للدواسر=نزيده ما نجي له ناقصينا والى منك بليت بيوم كربه=وضاقت بك وشفت الموت حينا فصح واندب بزايد ثم عاين=تفرج لك كربها الفازعينا حمول الخيل الى ما قيل زايد=ودوسر جامع القوم اجمعينا زمول تخوتها وان قلت قومي=إلى جوا فوق قب طايرينا زمول تخوتها وان ثقل شيله=والى شحت مواردها ارتوينا زمانٍ وان دعوا بالزايديه=يجون اهل النخاوي هايجينا ولا عنا حمى دوٍ تعذر=فعايلنا عليها مدللينا لنا بالشام ميقاف وعزوه=كما باعراقها بالراوتينا لنا بافريقيا يالقرم عصبه=على خط الخطر متواجدينا لنا بالشرق قوم يم فارس=على ما ننتوي له واصلينا رواس في الرواسي مستقله=نجوم في السما للراجمينا نقول الحق ما نخشى ملامه=ولا يوم على الغايب قفينا فكم شيخ بنينا سور عزه=الى منه زبنا ما اتقينا وكم شيخ هدمنا سور عزه=وعود بالترجي يرتجينا مقال للشريف بما مضى له=بقى يروى على مر السنينا وهذا بعض ما قمنا بفعله=وكل في فعوله يستبينا ولا جينا نعدد وش فعلنا=ولكنا ننبه غافلينا ولو نحصي فعايلنا تجدها=لكثرتها تبذ الكاتبينا ملاحم قومنا في كل صفحه=من التاريخ رغم المرجفينا
مواقفنا على الدنيا بواقي=كما اجبال السراة اللي رقينا بنينا مجدنا فوق العوالي=على سطح القمر حتى استوينا ولا قلنا جميع الطيب منا=ولا عنا ولكنا روينا نزلنا قمة العليا نزلنا=على صهوة جواده معتلينا منافسنا على العليا ولكن=سواها ما ترانا منافسينا وهي لو قلت تاسع من طلبها=صعوبتها تجي للعاجزينا رقيناها سوى حتى وصلنا=الى القمه ولا منها اكتفينا عسانا نمضي الدنيا بستره=وندرك من جنانه ما نوينا ومن يسعى لها يرخص ثمنها=الى كثروا عليها الراغبينا ولا نقبل عن العليا عشاقه=ولا غير المعالي عاشقينا ولا والله ساواها مساوي=ولا منها الى قلنا وزينا وهي يا قوم غاية ما نريده=على الدنيا وحنا رايحينا ومن لا يعشق العليا ويوصي=عليها ابنه فهو في البايرينا ولا نبخس كريم القوم حقه=ويا كثر الرجال الفاضلينا كثيرين الاماجد مارحنا=بما نختص عنه محدثينا إلى ما حان من نفس اجلها=وجضت وين وين المعتقينا تسابقنا على ما نستطعيه=الى شحت يدين الباذلينا ودينا من جدار البيت ميت=صدم به غصب ثمٍ له ودينا ولا هي لزمة لكن قومي=على سلم الجدود ملازمينا ولا والله دفعنا الشاة رفده=ولكنا بذوده رافدينا وعند الضيف حدث يا محدث=ومن يكذب كفوه اللاعنينا نحرناها زمان الريف كوما=وننحرها زمان الجدب غينا حقايق لو نعدد ما فعلنا=يضيق بها وسيع الخافقينا والى عاضب بها حظ ومالت=بحكم الله وما يقضي رضينا شهادتنا من الله جل شانه=شهد انا الأوايل مومنينا وزكى من اوايلنا رسوله=وحنا للاوايل مقتفينا مفاخر من يفاخرنا غرايب=على ويش الفخر يا فاخرينا وحنا ما وقفنا بالمفاخر=عسى الطيب بنا واللي يلينا الى طاب ابن عمي طبت مثله=اعده لي من الكنز الثمينا واذب الذم عن قومي وانافح=ولا ابخس من حقوق الاخرينا اقوله ما مدحت احد بعينه=ولا انا بالمذمه مولعينا فلا تمدح ولا تذكر بضده=سوى عقب التجارب مرتينا ولا تاصل بني عم مذمه=ولو هم بالثنادي طاعنينا وخير القوم عن قومه مذبه=على حق ويهبا مزدرينا لنا الميراث بالعزوه تجدد=توارثها خيار الوارثينا فلا ياتي بناخينا مهبا=يجي صمصام سيف الذايدينا ولولا طيبنا ما كان نابه=ومن يجهل يسال العالمينا
فحنا اخوال ابو تركي وبعده=خوال للملوك الماجدينا وحنا اخوال سادات الجزيره=لنا بامجادها مرقى مكينا ومن يذكر من المخلوق طيب=نحبه حب حب الصادقينا جبلتنا ولا نحسد ونبخل=الى قالوا بطيب الا بعدينا والى شفنا من المخلوق مبلي=دعينا له وحنا راحمينا ولا نرجم من المخلوق غايب=الى كثروا عليه الراجمينا ولا نخطي ولا نقبل خطيه=ومن يخطي نرده قادرينا والى اخطينا اعترفنا واعتذرنا=وخير القوم قوم صافحينا ومن دور على بعد لقانا=يجدنا لو بعدنا حاضرينا ولا نفخر ولكنا نوكد=فعول خلفوها الظافرينا ولا قلنا ملكنا الطيب كله=لنا وقف مخصص وادعينا ولكنا نقول بقول منصف=وخير القول قول المنصفينا ولا يوم وقفنا بالمذله=نعيش العز أو دونه فنينا ولا نظلم ولا نرضى المظالم=ولا نذعن لقوم ظالمينا الى جا عايل واخطى مسيره=نرده يم دربه راشدينا ونحمي كل من يزبن حمانا=الى من صاح جينا واردينا لون ان الموت ينازلنا مجاهر=لك الله كان قمنا عامدينا نبيع الروح في كسب الجمايل=ونرخص بالحلال اللي حوينا والى جا سوق كساب النفيله=كسبنا سبق خطلان اليدينا مواجبنا حفظناها وصينت=ولو نذبح عليها الاقربينا قصير البيت جاري وابن عمي=ولا باعراض غراته فرينا ولا يوم شكا من ضيق حاله=لك الله غير قمنا منجدينا ولا يوم بديرتنا تعطل=مسافرها وحنا واجدينا ونخدم ضيفنا لو كان هين=وغيره ما ترانا خادمينا ونمنح من عطايانا الجزايل=ولا يوم رجينا المانحينا رسمنا من فعايلنا شواهد=توكد سبقنا فيما ابتدينا لنا الميزات تعرف بالقبايل=شهد فيها كرام بارزينا صحايفنا على التاريخ بيضا=الى جا بالكلام مرهمسينا شواهدنا قديمات جدايد=كما شمس الضحى للناظرينا والى جا من ينبش في قبوره=نصده صد موثقة الوضينا والى جا من عجول القوم هنه=ترفعنا ولا ضده حكينا والى قالوا بنا رديان قلنا=لك الله مثلما في القوم فينا نعد الحق، نشهد في صحيحه=ولا يوم وقفنا مخلفينا بموقفنا وعزوتنا واهلنا=ولا نسمح ولا انا عاذرينا ويقوظ نفس حي النفس منا=مقال شاهده فعل اليمينا بغى عتاب يفخر بالمهلب=وهيهات الفخر بالسابقينا وقع هذا وتحديده مورخ=قبل ألف وثلاثماية سنينا
دعا في عزوة للدوسريه=ونادوا في جوابه مسرعينا الشاعر/الشيخ :عبدالعزيز بن محمد آل غزي
وساروا له ومن دونه تحاموا=نهارٍ به يشيب المرضعينا احاطت به خصومه ثم شافت=سيوف الازد سو الغاضبينا وردوا عنه بالزرق العوالي=وقوم في الطراد مجربينا ولا ذلوا ولكن نهنهتهم=رماح الازد والعز المبينا شنوئتها وعمران بن عمرٍ=الى منه دعا الداعي أتينا على خيل كما وصف السعالى=فوارسها عليها محتمينا عليها كل قرم دوسري=على صكات بقعا ثابتينا بهم تصحي عقول ما تفكر=وتاعي ساع ما حل اليقينا اقوله والتفكر خير موقظ=ولا نقبل بغير الشاكرينا تذكرنا تواريخ قدايم=وقلنا والعرب به خابرينا على تدليل ما قلنا بدوسر=شواهدنا توكد ما بغينا زمان راح لا عود زمانه=شربنا من همومه واحتسينا وحنا اليوم في خير ونعمه=بقينا في جنانه مرغدينا تحت حكم بشرع الله قايم=امنا واهتنينا واغتنينا نعيش بظل شرعه والعداله=وفي ظل لابو متعب لجينا سليل المجد وجه الخير وجهه=سياج الشرع حصن المسلمينا جمع شمل العروبه تحت ظله=بقى حيٍ ومات الخاينينا
|
||||
|
|
|
|
03-06-2007, 07:44 PM
|
#2 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
كما اتمنى من ادارة المنتدى الموقره ومشرفيها الكرام نقل هذه القصيده (الدوسريه) الى المنتدى
|
||||
|
|
|
|
03-06-2007, 08:42 PM
|
#3 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
بسم الله الرحمن الرحيم
الأخ وابن العم د. سبهان الغزي صح لسانك وبيّض الله وجهك على نقل ( معلّقة ) والدكم الشيخ/ عبدالعزيز بن محمد بن حمد الغزي البدراني ونقول له:- صح لسانك وسلم فكرك يالغزي وهذا ليس بغريب على عائلة الغزي الكرام - منبع الأصالة والكرم والشهامة وأيضا الأدب والشعر - وأشهد بالله إنها قصيدة جزلة ومهما قلنا من الردود والتعليق فلن نوفيها حقها وتقديرها. بصراحة إنها لا تستحق لقب قصيدة لأن اللقب أصغر منها وإنما تستحق لقب معلّقة وليس أي معلّقة ففيها كلام العاقل وحكمة السنين والتسوية بين جميع فرعي قبيلة الدواسر وفيها نبذ للعنصرية والتفرقة بين قبيلتنا العزيزة وفيها شحن الهمم لعدم التفرقة بين الدواسر مهما حاول ( العابثون ) ذلك. وأقول أخوي سبهان باختصار:- سلملي على الشيخ عبدالعزيز الغزي وحبة خشم على راسه تقديراً له على هذه المشاعر تجاه ابناء عمومته من أبناء قبيلة الدواسر كااااااااافة وما أملاه عليه ضميره. وبيّض الله وجهه فليس غريباً على أحد أبناء قبيلة البدارين الكرام هذا الكلام ، فأنتم سابقون للعلم الغانم بقصيدة " صرخة ندا " الموجههة لجميع قبائل الدواسر قبل سنواتٍ عدة وفيها الحث على التعاون والتكاتف وعدم إذكاء نار التفرقة التي يسببها بعض الجهال من أبناء القبيلة. وغيرها العديد من القصائد والمواقف التي يذكرها التاريخ عن قبيلة البدارين الكرام. الكلام يطول ويعجز عن وصف هذه المعلقة يالغزي شاكراً لك وللشيخ عبدالعزيز بن محمد حفظه الله وأطال في عمره - على طاعة - وأسأل الله أن يوفقنا لما يحبه ويرضاه ويجمعنا جميعا على قلب رجل واحد ونكون يداً واحدة. وأسال الله أن يهدي ويصلح من أراد نشر التفرقة التي لم نكن نعرفها ولا نسمعها في وقت أبائنا وأجدانا إلا في هذا الوقت الغابر( وقت التقنية والجولات والنت ). دمت ودامت العزوة الدوسرية بعز وقوة وترابط بفرعيها الكبيرين والله يحفظك ويحفظ الجميع. هذا وتقبل مني الود والتقدير ،،،،
|
||||
|
|
|
|
03-06-2007, 08:59 PM
|
#4 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
(( الوثيقة )) (( الله يعز العزوة الدوسرية )) تعجز الحروف والكلمات عن التعبير والوصف في مثل هذه القصائد والمعلقات .. في البداية أحب ان اشيد بهذه القصيدة الرائعة وأشيد أيضاً بموقف الشيخ عبدالعزيز بن محمد آل غزي والذي ينبذ العنصرية بين ابناء القبيلة ويحث على لم الشمل والتآلف وأننا كما كان آباءنا واجدادنا سابقاً .. والقصائد التي تثير فتنة بين أبناء القبيلة مرفوضة ولا مكان لها بيننا .. فمهما كانت الظروف واستعصت الامور فالدواسر قبيلة واحدة وآل زايد وتغلب عينان في راس وأتمنى من جميع أبناء القبيلة عدم التفرقة بين الدواسر و بالأخص الشعراء والحرص كل الحرص على ان يكون الذكر والمدح والاطراء والتفاخر بالدوسرية على وجه العموم .. فلنكن يداً واحدة ضد من تسول له نفسه من ضعاف الأنفس والذين يسعون للتفرقة وأرى أن نسمي القصيدة بـ " الوثيقة " بعد أذن الشيخ شاعر القصيدة تقبلوا خالص الود والتقدير .. اخوكم في الله محمد الغريري
|
||||
|
|
|
|
03-06-2007, 09:06 PM
|
#5 | |||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
اقتباس:
ابن العم الغالي سبهان الغزي بيض الله وجهك على ايراد قصيدة والدكم حفظه الله وما اقول الا مثل ما قال اخوي بومحسن وازيد صح الله لسانه ملايين والله يحفظه ذخر للدواسر جميع ويكثر من امثاله والله يبيض وجهه وترفع له البيضا الى يوم الدين . تقبل تحياتي،،
|
|||||
|
|
|
|
03-06-2007, 09:11 PM
|
#6 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
للتوضيح
|
||||
|
|
|
|
03-06-2007, 09:26 PM
|
#7 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
ارجو من ادارة ومراقبي ومشرفي المنتدى تغيير عنوان مشاركتي من
|
||||
|
|
|
|
03-06-2007, 09:29 PM
|
#8 | ||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
اتمنى ان تثبت هذه الوثيق التي تطرقت لجميع امجاد ادواسر من بادء امرها الى السنين الغابره فهي بحق "وثيقه " ولم يقلها الا عالم بهذه الامور فقد وجد فيها تاريخ الازد " الم ترا دوسرا " ووجد فيها جبر الخاطر من قول السفهاء والاصلاح والحق وذكر المفاخر التي لا يغلبها المبالغه بل المفاخر المعقوله فالله دره من شاعر عالم .
محبك ومغليك ابو زيد
|
||||
|
|
|
|
03-06-2007, 11:16 PM
|
#9 | ||||
|
رد: " الدوسريه قصيدة لكافة الدواسر" لـ الشيخ عبدالعزيز بن محمد آل غزي
اتمنى ان تثبت هذه الوثيق التي تطرقت لجميع امجاد ادواسر من بادء امرها الى السنين الغابره فهي بحق "وثيقه " ولم يقلها الا عالم بهذه الامور فقد وجد فيها تاريخ الازد " الم ترا دوسرا " ووجد فيها جبر الخاطر من قول السفهاء والاصلاح والحق وذكر المفاخر التي لا يغلبها المبالغه بل المفاخر المعقوله فالله دره من شاعر عالم .
|
||||
|
|
|
|
04-06-2007, 12:10 AM
|
#10 | |||||||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
اقتباس:
|
|||||||||
|
|
|
|
04-06-2007, 12:10 AM
|
#11 | ||||||
|
رد: " الدوسريه قصيدة لكافة الدواسر" لـ الشيخ عبدالعزيز بن محمد آل غزي
|
||||||
|
|
|
|
04-06-2007, 12:37 AM
|
#12 | ||||
|
رد: " الدوسريه قصيدة لكافة الدواسر" لـ الشيخ عبدالعزيز بن محمد آل غزي
الحقيقة انها شاملة كاملة شافية للنفس وعز الله انها من رجل كفوا ولاهيب غريبة على الشيخ الي يعرف حميته وافتخاره في بني عمه, وحق الشيخ علينا انها تثبت في المنتدى مادام انه خصنا فيها الدكتور في هذا المنتدى واتمنى انها تصير في اعلى المنتدى مثل قصيدة ابن العم ناصر بن دهيم
|
||||
|
|
|
|
04-06-2007, 01:19 AM
|
#13 | ||||||
|
رد: " الدوسريه قصيدة لكافة الدواسر" لـ الشيخ عبدالعزيز بن محمد آل غزي
الأخ وابن العم د. سبهان الغزي صح لسانك وبيّض الله وجهك على نقل ( معلّقة ) والدكم الشيخ/ عبدالعزيز
|
||||||
|
|
|
|
04-06-2007, 01:34 AM
|
#14 | ||||||
|
رد: " الدوسريه قصيدة لكافة الدواسر" لـ الشيخ عبدالعزيز بن محمد آل غزي
صح لسانك ولسان الشاعر عز الله انه كفى ووفى بيض الله وجهه قصيدة طيبه ويستاهلون أكثر خطلان الايدي ...
|
||||||
|
|
|
|
04-06-2007, 04:28 AM
|
#15 | |||||
|
رد: الدوسريه ( قصيدة بكم يال زايد) لـ الشيخ عبدالعزيز بن محمد آل غزي
اقتباس:
اخي الكريم وابن العم الفاضل: راشد المسعري اشكر لك كريم تجاوبك وعظيم تفاعلك وصدق مشاعرك وقبيلتنا بخير اذ بها الاحرار امثالك
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 4 ( الأعضاء 0 والزوار 4) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| زوجـات الملك عبدالعزيز رحمه الله وابنائه | خيالية | :: القسم الـتاريخــي الــعام :: | 16 | 18-05-2011 10:58 PM |
| التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة | الإداره | :: قسم اللقــاءات والفعاليات والتغطيات الخاصة:: | 24 | 10-02-2011 05:10 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . | الإداره | :: قسم اللقــاءات والفعاليات والتغطيات الخاصة:: | 18 | 19-07-2010 12:45 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:43 AM
