كم خوتن منها تبريت ياحسين (.) ماأدز رجلي مع طريق العياره

[معلومات العضو انا ابو نايف]

قصيده // ..ل مصيبيح متعب بن قويد
نتمنا ان تنول علي استحسان الجميع

كم خوتن منها تبريت ياحسين
ماأدز رجلي مع طريق العياره
ابيع خوت ناقص العرف والدين
اشوف خوتهم دمار وخساره
ياما رفينا نفسنا من قريبين
مدام منهم ماش مابه غياره
احب خوت واحدن يقضي الدين
نلقاه عند المعضله والقشاره
نلقاه عونن للخوي والبعيدين
ما صك بابه دون ربعه وجاره
ما للردي عندي مكانه ولازين
مانيب من سكان بيته وداره
اشد من داره لو إنها بساتين
ماأصاحب الا واحدن في الصداره
أسج مع نفسي وأطوف البلادين
حي الخلاء والبر لوهي قفاره
أبعد عن وجيه الحسد والردين
اعف نفسي لا يجيها قذاره
لوعذابي لاغداء الليل ليلين
واليوم عداء ماعرفنا نهاره
كلها سبايب وقتنا يحمر العين
متغيرن ذالوقت ذقنا مراره
لو آتوجد وألحق الوجد وجدين
اشوف مشروع اتوجد خساره
مايرجع اللي راح لو تدمع العين
لوكان فرقاهم علينا دماره
لامن تذكرت الرجال السلاطين
اهل الوفا والطيب وأهل الصطاره
اهل المواقف حامين البساتين
اللي لهم في صفحت المجد شاره
اهل المواقف عادلين الموازين
لامالت الكفه عدلها بغاره
اهل المواقف يومها بالميادين
حمايتن عند اللقا والقشاره
ماعقبهم ياحسين ناسن شلين
اللي خلفهم ناس لا وخساره
اللي خلفهم ناس ماتقضي الدين
راحو رجال العرف وأهل الاماره
انشهد ان الوضع في شين في شين
ينعاف ماله مزتن ياخساره
دنين تقلب مالها وجه ياحسين
تلعب علي الحبلين فن وشطاره
رزت رجالن في حساب النساوين
تسمع هديره في الرخا له صطاره
وعند الشدايد مالهم حس ياحسين
ينهق مثل نهق الجحش والحماره
يعنك مال الوقت ميثاق ياحسين
ياليت يرجع للورا والقشاره
منشان نعرفهم عيال النساوين
منشان نعرفهم عيال النماره
هذا كلامي تم ينصاك ياحسين
توك بياضه فارقن عن حماره

 

 

 

 

[معلومات العضو حمد ابن فهد]

صح لسانك يابونايف على القصيدة الجزلة لاهنت

 

 

 

 

[معلومات العضو انا ابو نايف]

صح لسانك يابونايف على القصيدة الجزلة لاهنت
،،،،،،،،،،

صح بدنك يابوفهد