ياباشة الروم لا تطلع على متني

[معلومات العضو راشد المسعري]

السلام عليكم ورحمة الله وبركاته:

أبيات للشاعر الحاضر الغائب " ضيدان بن قضعان "


يا باشة الروم لا تطلع على متني
اطلع على متون رومك وانت شرواها

انا مسيّر فقط والرجل جابتني
من دار حكام نجد اللـي انـت بحماهـا

يما اكرم الضيف باول فوح لا يثني
والا اترك الداب وشجرته ودعواهـا

لو ادرى مجلسك والبرد بيتني
ماني مـن ربعـك اللـي تفهـم لغاهـا

جعلك فدا وقفتي لو جلستي حتني
وحبة خشم وانت قاعد جعلك فداهـا

مابيع نفسي لو الايـام باعتنـي
ولا جيـت ادور الإهانـه واتمناهـا

الحاجه اللي على شرواك حدتني
والا انت مانت بقد النفـس ورضاهـا

ياللي على داره الأقدار ساقتني
ميـز هديـر الجمـال وميـز رغاهـا

بداية الدرب عن تاليه كفتني
بشعب ذلولـي عسـاه يطيـب مسراهـا

من يوم شفتك الامام وتشرب التتني
حرمت اصلي ورا اللي تجلد لحاهـا

 

 

 

 

[معلومات العضو حمد ابن فهد]

من يوم شفتك الامام وتشرب التتني
حرمت اصلي ورا اللي تجلد لحاهـا

ههههههه والله شاعر كبير ابن قضعان بيض الله وجهك للنقل الرائع يابومحسن

 

 

 

 

[معلومات العضو راشد المسعري]

أكيد ابن قضعان شاعر ، وشاعر علم بعد من اعلام الشعر
وفي الفترة الأخيرة غاب عن الساحة
أتمنى ان يكون بخير وصحة وعافية هو وجميع الشعراء
شكراً لمرورك العطر
تقبل ودي وتقديري ،،،

 

 

 

 

[معلومات العضو نجدية]

انا مسيّر فقط والرجل جابتني
من دار حكام نجد اللـي انـت بحماهـا


رائعه

 

 

 

 

[معلومات العضو راشد المسعري]

شكرا لمرورك العطر نجديه ،،،

 

 

 

 

[معلومات العضو بنت الذيب]

صح لسان شاعرها وصح اختيارك يابومحسن

شكرا لك