الرد على أباطيل قبيلة النفعة من عتيبة ( المسألة الثانية ):

[معلومات العضو ibnamer albadrani]

المسألة الثانية:
ذكروا في منتدياتهم :
(( جلس في وادي الدواسر شهر حافر له بير سماها ( البيضاء ) وقطن عليها ولم يتعرضونه الدواسر خشية" منه وخرج من الوادي لربعه بملء إرادته )) .

الرد:

يفهم من سياق هذا الكلام أن شبيب بن حجنة نزل وادي الدواسر - وهو معقل القبيلة - وحفر بئراً فيها ولم ينازعه أحد بل أن الدواسر جاءوا إليه يهدونه الهدايا ليكف شره عنهم!!!.

فأين هذه البئر ؟

لتعريف القارئ الكريم عن حزم الدواسر والمناطق التي يدعون أنهم استولوا عليها وهي البيضاء نقتبس ما يلي من كتاب سعد ابن جنيدل ( معجم عالية نجد ) وهو الجغرافي الوحيد الذي زار المنطقة ووصفها أفضل وصف.

(( البيضاء ))


قال سعد بن جنيدل :

البيضاء من البياض وهو ماء يقع في جبل رافدة وهو من مياه حزم الدواسر في بلاد بني عامر قديماً ثم ذكر أنها تابعة حالياً لإمارة وادي الدواسر . انتهى

قلت : كونها تابعة حالياً لأمارة وادي الدواسر فأنها من أملاك قبيلة الدواسر وليست لأحد غيرهم.

المصدر: معجم عالية نجد من منشورات دار اليمامة للبحث والترجمة والنشر، الصفحة رقم 240


كما أن هناك البياضا أو البييضاء وهي تصغير لكلمة البيضاء وهي قريبة من بلدة الخاصرة وتتبع قبيلة الشيابين وليس للدواسر أي علاقة بها.


(( رافدة ))

قال ابن جنيدل:

رافدة جبل أحمر في حزم الدواسر وفيه ماء لهم يدعى البيضاء. وهو تابع لأمارة وادي الدواسر.

(( حزم الدواسر )):

ذكر ابن جنيدل أنه كله لقبيلة الدواسر وهي صحراء مرتفعة ويحده شمالاً هضاب الرقاش


إذاً الصحيح أن البيضاء في حزم الدواسر في جهته الشمالية ، وتبعد عن الوادي أكثر من 200 كيلو متر شمالاً.
فكيف يكذبون ويجعلونها في الوادي والوادي يقع جنوب محافظة وادي الدواسر أما حزم الدواسر فيقع شمال المحافظة وجنوب حصاة قحطان؟

ثم كيف نزل ابن حجنة وادي الدواسر وأقرب هجرة للنفعة حالياً تبعد أكثر من 220 كيلاً وهي هجرة العبدة ؟؟؟؟؟

أفلا تعقلون يا أبناء عتيبة؟


ولكن الرغبة العارمة في تفخيم وتكبير بطولاتهم يجعلهم يؤلفون القصص التي توهم القارئ أنهم نزلوا الوادي نفسه!.

هل يصح أننا نقول بما أن عراعر وهو عد للدواسر ويبعد 170 كيلاً شرق رنية فأن الدواسر نزلوا رنية رغم أنف قبيلة سبيع ؟؟؟!!!!!

لأن المسافة 170 كم اقل من 200 كم!!!!!!

إن وادي الدواسر هو شريط من القرى ومزارع النخيل والمياه الجارية والعيون والحصون الطينية يمتد طوله أكثر من 80 كيلاً من بلدة الفرعة إلى الفايزية.
لم تطأه قدم أكبر شيخ قبيلة من القبائل المجاورة فضلاً عن أن ينزله ما يسمى بشبيب بن حجنة أمير قبيلة النفعة ، ويمكث به شهراً كاملاً دون أن يتعرض له أحد.
فكما ذكرت حبل الكذب قصير ، نسوا أن الوادي ملئ بالعيون الجارية والآبار ذات المياه الوفيرة ومزارع النخيل - التي يحلم بها قبائل الربع الخالي واليمن ذات البأس الشديد ولم يستطيعوا أن يدنسوا أرضها - وعلى هذا الأساس ما الداعي وما هو السبب الذي يجعل شبيب يحفر بئراً بالوادي؟؟؟!!!!!
والوادي غني بالآبار إلا إذا كان هدفه مثل أهداف الاستعمار البريطاني في الدول النامية من تطوير منطقة الدواسر ومساعدتهم بحفر الآبار!!!!!!!


الذي يبدو أن شبيب بن حجنة استطاع في زمن ما أن ينزل ما يعرف بحزم الدواسر أو الحزم ويحفر بئر هناك سماها بالبيضاء التي آلت فيما بعد إلى الدواسر حسب ما ذكر ابن جنيدل.

فمن أحق بالفخر أيها القارئ الكريم؟؟

الذي حفر البئر ثم طرد منها أم الذي استولى عليها بعد حفرها من قبل ابن حجنة؟؟؟! .

ومن أكاذيبهم أنهم يذكرون أنه خرج ملئ إرادته فهل يعقل هذا الكلام ؟

يهاجم قبيلة الدواسر وعندما يتغلب عليهم وينزل شهراً في واديهم يخرج بهذه السهولة !

ثم من يخرج بملئ ارادته ومن فعل هذا الشئ من قبل ؟

ما سمعنا بهذا من قبل الا سوار الذهب اللي حكم السودان ثم تنازل بمحض ارادته!!!!!

هذا كذب وبهتان

أما الهدايا التي يزعمون فهم جهال بتاريخ قبيلة الدواسر هذه القبيلة التي يشهد لها ابن المجاور في كتابه ( صفة بلاد اليمن ) قبل ألف سنة أنهم لا يؤدون خراجا ولا يخضعون لأي سلطة ولا زال هذا ديدنهم وسلمهم حتى دولة آل أجود والعيونيون في الإحساء ودولة الأشراف في الحجاز لا يدفعون الجزية لكائن من كان
بخلاف قبيلة عتيبة التي لم تقصر في دفع الجزية للأشراف مكة عبر مئات السنين ثم لابن رشيد أمير حايل والأتراك جماعة إبراهيم باشا والوثائق تثبت أعداد الإبل التي كان ابن ربيعان يعطيها للأتراك!.

امل ان يعلقوا أصحاب الشأن على ذلك ، وأن لا نترك من يتلاعب بتاريخنا ويزوره

أخوكم

عبد الله العامر البدراني الدوسري

 

 

 

 

[معلومات العضو خالد الحقباني]

يا سلام عليك يا ابن بدران وفيت وكفيت في الرد على "هياط" البعض هداهم الله
نعم لا للمجامله وترك الفرصة لكل من هب ودب ان يتطاول على الدواسر
وفي الحقيقة انت رديت على كذبتين وغيرها من الكذب كثير جداً..

اجل حفر بير واعطوه هدايا.. هذي نهاية الافلام الهندية


شكل السالفة صدق..
بس استبدل يا ابن بدران مفردة الهدايا بــأجرة
كم انتم عظما ايها الدواسر..حتى البير ما حفرتوه بانفسكم..

وفي الحقيقة اني زرت منتداهم في احد الايام وكنت فاضي
ولقيت تطاول على القبائل بشكل عجيب ومن بينهم الدواسر
وطبعا بدون مصادر مجرد كلام وبس..وان شدوا على "المهايط" الربع وقالوا اثبت
قال:سمعتها من جدي
وان قلت شي ولا شككت بالمصدر جاك المشرف وحذف ردك وقال يفتقد للمصادر




للاسف ان البعض فاهم منتديات القبائل بشكل خاطئ..
ويظنون انها مرتع للكذب والتدليس و"الهياط" حتى اصبحت للاسف المنتديات المختصة بالقبائل
مركز لبث العصبية القبيلة
والسبب الاكبر يعود لمشرفين بعض هذه المنتديات الذين يشدون على ايدي "المهايطين"
ويشجعونهم
وانا اطالب حكومتنا الرشيدة بمراقبة هذه المنتديات وفتح التحقيقات حول الدوافع والاهداف
فربما ان الحال يصل الى خطة مدروسة لاعادة العصبية القبلية عن طريق مواضيع لاتمت للحقيقة بصله
ومعناها عوده للخلف مئات السنين

اشكر هذا المنتدى(الدواسر) على طرحه المتزن العقلاني المتطابق مع الفطرة البشرية السليمة
الذي لا يتعارض طرحه مع الدين اولا وخدمة المجتمع ثانيا


وفي الختام وبخصوص كلامي عن بعض اعضاء منتدى عتيبة اود ان اقول ان الكلام يخص فئة قليلة اسائت استخدام معرفاتها والا فالعقلانيين والواقعيين في عتيبة كثر..
ولكن ليت للانترنت باب سحري يمنع دخول ضعفاء النفوس



اعتذر عن استخدام مفردة "الهياط" العاميه
ولكن اجدها تتوافق جدا مع مواصفات من يكتب مثل هذا الكلام

 

 

 

 

[معلومات العضو مصيول]

الشريف ما دفعنا له الجزيه يوم دفعوها له فندفعها لابن حجنه

 

 

 

 

[معلومات العضو أحمد الغاطي]

بيض الله وجهك يبن عامر البدراني من الشحمه للشحمه ..

(( أتمنى أخواني وعيال عمي المشرفين مايتعرضون لمشاركتي لأني باخذ راحتي

أسوة بالمشرفين على منتدى العتبان ألي يخلون أعضائهم يكتبون على راحتهم ))

بسم الله وعلى بركة الله ..آلم سيري آلم سيري

يقولون امنول (( مايغثك من الدبش ألا أرداها )) ولو تتمعنون بذا المثل لقيتوه ينطبق 100%

على الأعضاء والمشرفين العتبان ألي يتناولون مثل ذا المواضيع ويتعرضون للقبايل بالسب

والتجريح .. الطيب من العتبان طيب وفوق الراس ولانبخس الأجواد حقهم ألاوالله فيهم

رجال واحدهم يسوى حمايل لكن تلقاه رزين ولاهو راعي مهايط ومهابد على الناس ..

وأخص الروقه تراهم هم ألي والله لافعل ذاك الزمان ولاذا الوقت مسكّة لسان أهل هياط

وعايشين بضف البرقاويه ألي بالفعل لهم تاريخ ولاينغط .. ولاحظوا كيف يوم ثارت المشكله

بينهم قبل فتره ( بين برقا وروق ) وصار قصيد وجلس لهم بن عون الرويس البرقاوي

على ركبه بأسباب أبيات قالها روقي زعل على ربعه ..

ياموتري هج بي شرقا 000 حتى الجسد تثبت عروقه

لقيت العرب كلهم برقا 000 ياز... ياأمارة الروقه !!!

جلس لهم بن عون وطلّع فضايحهم كلها بقصايده وليتكم تسمعون قصايدهم وتعرفون فضايحهم !!

لمانقول النفعّـه .. ياربعي ياجماعتي ياعالم تدرون وش يسمونهم العتبان (( ....... عتيبه ))

بعدين هم لهم وجه يتكلمون بغيرهم عقب سوالفهم وقصيدة حنيف بن سعيدان فيهم !!!!!!

يوم مر على النفعه ولاقلطّوه ومر على جار لهم دعجاني فذبح له قال المطيري قصيده

طويله منها ذا البيت ألي عن عماير ..

(( ليت النفيعي يستّهد ادعجاني 000 حتى عياله يكرمون الخطاطير

تمعّنوا بالبيت وألي مايعرف معناه ينشد شاعر ..

ياربعي شبيب بن حجنه فارس وشيخ وله حق الثناء والذكر الطيب لكن بالله عليكم

أنشدوا عن حزام المهري الدغيلبي من شيوخ عتيبه ألي مايرفع شبيب نظره عنده

وقولوا للعتبان الأصليين ماهم اللحقه قولوا لهم حزام منهو عنده من القبايل ؟؟

بعدين وقتنا هذا لاتامنونه يجيك من الدبر مايفت النحر أجل يقيض شبيب على الوادي

ولايلقى من يرده .. هذي والله الكذبه ألي مالها مرقّع .. لعنبو حيهم أقدم قبيله حافظت

على ديرها منهي ؟ بالله عليكم وقت الجوع يوم الناس ماياجدون بلغة يومهم وين

القبايل عن الوادي والأفلاج والخرج وكلها عيون ما ونخيل وطمعه لكل الناس

ليش الناس تحاشوا هالدير ؟ رحمه بهلها أو حشمه لهلها ؟ أو ذل من أهلها ؟؟!!

يوم العتيبي ذاك الوقت يبحث المراح ويفت الدمنه ويطلع الفصمه من الدمنه وياكلها

ليش مافكّر بديار الدواسر وهي مرغده وفيها النعمه ؟؟؟؟؟

لمعلوميتكم أنشدوا عن شيوخ العتبان وأمراهم وعدولي أثنين أثبتولوا أنهم عتبان !!

الحمده شيوخ عتيبه كلها برقاها وروقيها كرزان بقوم يقول بن قرمله ..

متخالط (ن) مابين عتبان وبقوم 000 والله علم في دق سلك (ن) وجله !!

وابن محيا ( المحايا ) أمراء الطلوح كلهم .. والشغار .. والا العميرات أمراء المغايره

وألا الصقور الحفاه ربع خلف بن هذال تراهم من صقور عنزه وأنشدوا ويجيكم العلم ..

والحفاه كلهم ذوي ربعي واليبّس من الشلاوا الحرّث ..

و.. و .. و .. و .. و .. وعد لين تتعب .. خليط من قبايل شتى (( كوكتيل ))

ولهذا تلقاهم مثل الغابه فيهم الأسد وفيهم الذيب وفيهم الثعل وفيهم القطو والأرنب والفار

وألي يقولون أنهم عتبان مثل السلسه والله لاتاريخ ولاشيخ يكفهم وأهل معزا وتالي زمنهم صاروا

شيوخ وأهل أبل مثل عبدالرحمن العطاوي والمشكله أنه يتحاشا ذكر السليس وينقز للعطاوي على

طول لأنه عارف تاريخ السلسه وش يكون !!

وألا الغضابين .. أقسم بالله أنه امنول وقت الجهل والأخذ والأخيذ لامسكوا القوم غضباني وعلمّهم

أنه غضباني أنهم يفكونه تدرون ليش ؟؟ لأنهم يعدونه أمنول مثل الخلوي ويحرّمون ذبحته !!

وألا السيحاني .. بالله عليكم أسألوا أي روقي وش يعوّد السيحاني وشوفوا رده ؟؟!!

السياحين أجواد لاساس ولاراس ولاشيخه ولاشيخ يكفهّم أهل معزا من طلعوا

على الدنيا وتحدروا مع ذا القبايل ألي تحدرت من ضلعان الحجاز حادهم

الجوع وقالوا عتبان قالوا عتبان ومعهم معهم ..

وغيرهم واجد مير الوقت مايسمح .. وودي تنشدونهم عن حجرف الذويبي وسوالفه !!

يقولون أربعين مغزا على العتبان ماكسر بواحد منها !!!!!!!! والكلام مثبت بالقصيد ..

وأنشدوا عن سوالف جهز بن شرار من أمراء مطير وش سوا فيهم !!!!

وأنشدوا عن سالفة غدرهم وذبحتهم للفارس تراحيب بن شري بن بصيص المطيري

كيف غدروا فيه ورماه السّلات حدا رعيانهم وهو متقي له بصفاه وأجتمعوا عليه

وذبحه بن تنيبيك المرشدي ولامنعه رغم أن تراحيب معتقه قبل فتره لاحظوا

كيف الخيانه والذل .. وعقبها صارت للسلات اماره وشيخه وأبعد عن دربهم

لاجوك بالبشوت من المهايط ألى تقول من الأسره الحاكمه وهم امنول رعيان !!!

وقبلها كان الفارس هذال بن فهيد أمير الشيابين الله يرحمه سايق(ن) فنجال تراحيب بن بصيص

بينهم ولاأحد تجرا ياخذه قال بن فهيد كلمته المشهوره (( روّقت يالروقه )) يعني ذليتوا !!!!

أخوي البدراني لاتكلف نفسك وراهم تراهم مهايطيه على غير سنع وعلومهم عند العرب

معروفه وشف حتى من هياطهم يقولون أن حنا من بني عامر من هوازن وأن السبعان

ماهم من هوازن .. رغم أن السبعان هم أصلاً وفصلاً من هوازن والعتبان بعضهم

من قبايل كنانه وبعضهم الآخر من قبايل شتى .. فياليت قومي يعلمون !!!!!!!!!!

أن زادوا زدنا وعندي النووي للحين ماأستخدمته لأني أن شفتهم طولوّا السالفه

جبت العلوم كلها ونشرت جميع قصايد بن عون وكديميس العصيمي وباقي البرقاويه

يوم يسبون الروقه ونشرت قصايد الروقه السليس وشلته يوم يسبون فيها

البرقاويه لايحسبونا يالدواسر مثل غيرنا نرضى بالخطا ..

..الخلا يالخليطيه الخلا ..

00 اللهم بلغت اللهم فأشهد 00

 

 

 

 

[معلومات العضو ibnamer albadrani]

خالد الحقباني

أحسنت يا اخوي وبارك الله فيك

 

 

 

 

[معلومات العضو ابو زابن المسعري]

ابن حجنه لو بيقدر يسوي الكلام اللي يقولون

كان قدر يستردابله الشقح اللي خذوها القوده منه

يقول الشاعر ابو سعود ال محمد القحطاني

في مدح ال تميم القوده

تميمية عاداتها تكسب الجميل=......................وللعدا سم حنشاني
تتيه صخاف الشول لاثار عج الخيل=وتشبع طيور الجو في كل ميداني
خذو شقح ابن حجنه غصيب بلا دليل=خذاها شجاع الخيل بالسيف شاماني

اللتي سوف اذكرها في موضوع مستقل

واذكر سالفة شقح ابن حجنه يوم خذوها القوده بقيادة الامير شجاع ابن منيف

يوم يقول ابن حجنه

من عين العفراء الشقاح =اللي جرسها له دنين
ذبت طويق مشيها صـفاح =تمشي وتهجرع بالحنيـــن

 

 

 

 

[معلومات العضو ibnamer albadrani]

ابو سليط

هذا الكلام

الجزية هم اللي يدفعونها للأشراف اللي ينزلون مزارع العتبان في الطايف ووادي لية وثقيف ولا يردونهم من السواط الين تاصل الوقداني والنفيعي والثبيتي والعيسى والازوري والخديدي وفروعهم الكثيرة اللي في الطايف

حنا هل الوادي وحنا المناعير
وحنا اللي ودينا جارنا من جداره

خذ ما تراه وخل عنك الخماكير
من شق جيب الناس شقينا وزاره

 

 

 

 

[معلومات العضو عبدالرحمن بن شملان]

ابن العم / البدراني

لما تمتلكه قبيلة الدواسر من تاريخ وبطولات مشرفة واراضي شاسعة مليئة بالخيرات ومن تلاحم بين ابنائها ال زايد والتغالبة فأنها محسودة على ذالك
فيحاول بعض ضعاف النفوس التزوير في تاريخ الدواسر واصطناع امجاد له ولقبيلته على حساب قبيلة الدواسر ولقد وصل بهم الامر ان يدخلو بمعرفات دوسرية الى النت ومحاولة التشويش على العلاقة الحميمية التي تربط ال زايد وال تغلب ولكن هيهات هيهات لن يستطيعوا تنفيذ مآربهم ..

واخيرا اشكرك على هذا الطرح ويعطيك الف عافية

اخوك/ عبدالرحمن الشملان الحقباني

 

 

 

 

[معلومات العضو ابو زيد الغييثي]

شبيب جاب الحجن يبي يقاضيه=وكثرة جنايزهم على جال ببنان

 

 

 

 

[معلومات العضو ibnamer albadrani]

أحمد الغاطي

أشكرك على هالمداخلة يا ابن اخي

حنا ضد التهجم والتجريح في القبائل الأخرى

لكن هم في منتدياتهم يذمون وممن ما هو من كتابهم العاديين بل من المراقبين والمشرفين مثل المزحمي وشلته

ولا احد يردعهم!!!!

 

 

 

 

[معلومات العضو ibnamer albadrani]

اشكرك يا ابن عمي ابن شملان الحقباني

وحنا يجب نكون صف واحد

 

 

 

 

[معلومات العضو ibnamer albadrani]

أوصي نفسي واوصي كل دوسري من كل فروع الدواسر ان يخصص من وقته يجمع اخبار وتاريخ جماعته كل فرع على حده

ونخرجها في مئات الكتب

لابد ان نملا المكتبات ونوثق اخبار وتاريخ وانساب قبائلنا

لأن ما نقراه وما نسمعه Ff0000 ناتج بعض الشئ عن تقصيرنا في تاليف الكتب

لا ننتظر أحد يالف كتاب عن الدواسر او الفرع الفلاني

كل يشارك ويؤلف ويطبع كتابه افخر طباعة تليق بالقبيلة


شوفوا الكتب اللي الفت عن عتيبة وعن سبيع وعن حرب وعن القبائل الأخرى

حتى برزوا غصب وهم اقل من الدواسر هذا كتاب عن الحمولة الفلانية وهذا كتاب عن خيل القبيلة الفلانية

حتى ابل الدواسر المشهورة ما ذكر عنها شئ مؤلف احد الكتب عن الابل من اهل الطايف ما اذكر اسمه

ليش ؟؟؟

اكتبوا والفوا يا بني عمي

افزعوا وانشروا تراث اجدادكم تكفون

الغييثي :
اكتب عن الغييثات

البدراني : اكتب عن البدارين


الودعاني الحقباني المسعري الخ


اكتبوا والفوا الكتب ولا تقصرون ولا تتكاسلون

واطبعوها وين ما كان مع تحقيقها وضبطها


البدراني

 

 

 

 

[معلومات العضو ibnamer albadrani]

نعم العرب غالب ومغلوب

وهذه حال المسلمين اذا بعدوا عن الدين اللي الله عزهم به


لكن القبيلة الكريمة العزيزة هي اللي تلقى عاقلهم يردع سفيههم

وفي منتيات عتيبة ناقشناهم ووضحنا لهم وطلبنا منهم حذف الكلمات اللي ماتليق

عتيبة يكافئها مطير قحطان وحرب اما الدواسر فلا ( كذا )

ومن قايلها ؟؟؟؟؟؟

المشرفين والمراقبين على منتدياتهم مثل المزحمي والوليد الاسعدي وغيرهم ما اذكر اسمائهم

ما احد يردعهم!؟


يجب الرد على عتيبة ومخاطبتهم اذا كان احد يعرف المراقبين او تلفوناتهم بحذف هذه العبارات الغير لائقة في حق قبيلتنا

والا هذه بتلك

ولا احد يلومنا

والرسول صلى الله عليه وسلم عندما هجاه ابن عمه ابو سفيان بن الحارث ما سكت عنه وقال هذا سفيه ما نرد عليه

بل قال رد عليه يا حسان واهجه مثل ما هجاني او كما قال

واللي ما يخليك خوف ما يخليك رجا

اخوكم

البدراني

 

 

 

 

[معلومات العضو بدر بن صقر العجالين]

هههههههههههه

لاحول ولا قوة ألا بالله يا خوي ذولي جهال وكلامهم من غير دليل ولا برهان...

أجل أنت لو تجلس معهم مثلي وتسمع سوالف مجعد الدهينه و أفلامه وويش سوا فالدواسر ههههههه

كان تطق على راسك ...ما شاء الله عليهم عندهم مخرجين أفلام سينمائيه...

والحمدلله حنا عارفين فعلنا وخابرينه بس البلا من شيبان الدواسر أغلبهم مايسولفون لعيالهم عن الحروب والهيات اللي قبل لأنهم عارفين فعلهم وما يحتاج ..بس أنا احرص واشدد على الدواسر أن يعلمون عيالهم عن ذا الحروب والهيات والمناخات لكي يردون على مثل هذه الإفترائات...

والعتبان ما طلعوا وقاموا يتكلمون ويهايطون ألا يوم طلعت القلطه..

وأنا يكفيني فعل الغييثات يلبا كبودهم في خزام المهري ومجعد الدهينه...

أكرر وأقول ما على الذيب من النعجه...

وأختمها بموال سعيد ابن رحمه المري.

اقعد على الدكه ليا جينا
لأنك عتيبي ما تدانينا
مغير (سوينا وسوينا)

وتحياتي بس ركزوا على (سوينا وسوينا)

 

 

 

 

[معلومات العضو بن مشخص المسعري]

الله لا يهينيك يالبدراني

على ردك الكافي والوافي وبيض الله وجهك

من غير قصور في قبيلة عتيبه الكرام

واقصد الاجواد منهم والا الردي رديي

انا لي ربع من عتيبه مخاويهم من مده طويله وعزالله خوت رجال ولا قد جتني الزله منهم ان بغيتهم في فزعه فهم هل لها لاد القثامي لبى قلوبهم

لكن اصابعك مهيب سوا على ماقالوا

ولا تشره على السفيه

ومن يشوف الرجال جبال فهو جبل

ومن يشوف الرجال ذباب فهو ذبابه هع هع هع