ياوزير الموت

[معلومات العضو مسفر جمعان الصفا]

طالعت في لوحة مكتوب عليها عنوان وزارة النقل والمواصلات الالكتروني
www.mot.gov.ps

ياوزير النقل تكفى تلبي مطلبي = الوزاره ودنا باسمها يصبح شهير
سمّها بالانقليزي وشل اليعربي = موت دت قوف اسم على مسمى ياوزير
دائما لوحاتكم فالرصيف الجانبي = منعطف قبلك خطر منحدر قبلك خطير
حتى مع وسط الصحاري وحاله متعبي = من ملفات بليا سبب به تستدير
بعد ما هو متجه شرق صار مغرّبي = والاختصار اكيد ممنوع بتوجيه الوزير
وان عبر وسط البلد شفت شيْ يعجبي =ينتقدكم في تصاميمه الطفل الصغير
وكان به باقي معاوض ومال ينهبي = موطنه بارض الغني ما يمر ارض الفقير
ولو تغير في مساره فلا نستغربي = لانه يخدم ذوالوجاهه يصير اللي يصير
والمقاول دام يلهث ورى المال يهبي = غايته زود المسافات ما عنده ظمير
والمهندس له غبي والمنفذ له غبي = والغبي للي لهم فالمهمه يستشير
كم مواطن من سببكم حياته تذهبي =والذي وسط المصحّات وعظامه كسير
والذي صابه شلل صار بالمشي يحبي= والذي حالته حرجه وفي وضع مرير
وكم من الايتام كم من الارامل نحسبي=وكم كسرتوا قلب شايب ويتمتوا غرير
كننا في حرب عشوا وهجها يلهبي = كل مستشفى ما عاد به شاغر لو سرير
والبيوت من الحزن كل يوم تنحبي = والفجائع شاعت اخبارها عبر الاثير
يا وزير الموت هاك الخبر ما نكذبي = علم واضح في وروده كما البدر المنير
لا تسمع في كلام المهندس الاجنبي = الخبر والراي تلقاه فالرجل الخبير
ابدوي قد مشى بالقدم ومجربي = يعرف الدرب المقاصد من الدرب العسير
ما يعرف الهندسه ما قرى ما يكتبي = لكن من كثر التجارب يقود امية سفير
فلا متى والى متى وانت ما ادري وش تبي = والقضية شرها في بلدنا مستطير
الوزاره ما هي بلبس بشت ومنصبي = كانك للموقف مؤهل وبالمنصب جدير
قوم حل المعضله يا عريض المنكبي = وانقذ الامه من الموت والوضع المثير
ادرس الحاله وللي مقصّر حاسبي = وكل خاين اطو قيده ولو انه مدير
وكان عاجز فاترك الحل للرجل الابي = ابو متعب نجمنا اللي بنوره نستنير
قايد محنّك وفي كل حال مجربي = لا تبنّى حل صعب القضايا ما يحير
انت سلمه القضيه وعنها جنّبي = ما لها الا وافي الباع ذوالراي البصير
عاهل لا من حضر فالمحافل يرهبي= وده يفرش للمواطن على الصحرا حرير
وان تصدى للمعادي مقامه يرعبي = من تعدى الحد يقصمه بالسيف الشطير
عزك الله ياملكنا على نهج النبي = ما لنا بعد الله الا انت فاليوم الكبير
والله يحفظك إلبلدنا وبسمك ننتبي = عز للي يلتجي لك ومن بك يستجير

 

 

 

 

[معلومات العضو مبارك بن شافي النتيفات]

مسفر بن جمعان

صح لسانك واعتلى شانك

شاعر جزل بيض الله وجهك على هذه القصيده المعبره

تحياتي وتقديري

 

 

 

 

[معلومات العضو حسن بن بطحيه]

المشاركة الأصلية كتبت بواسطة مسفر جمعان الصفا

طالعت في لوحة مكتوب عليها عنوان وزارة النقل والمواصلات الالكتروني
www.mot.gov.ps

ياوزير النقل تكفى تلبي مطلبي = الوزاره ودنا باسمها يصبح شهير
سمّها بالانقليزي وشل اليعربي = موت دت قوف اسم على مسمى ياوزير
دائما لوحاتكم فالرصيف الجانبي = منعطف قبلك خطر منحدر قبلك خطير
حتى مع وسط الصحاري وحاله متعبي = من ملفات بليا سبب به تستدير
بعد ما هو متجه شرق صار مغرّبي = والاختصار اكيد ممنوع بتوجيه الوزير
وان عبر وسط البلد شفت شيْ يعجبي =ينتقدكم في تصاميمه الطفل الصغير
وكان به باقي معاوض ومال ينهبي = موطنه بارض الغني ما يمر ارض الفقير
ولو تغير في مساره فلا نستغربي = لانه يخدم ذوالوجاهه يصير اللي يصير
والمقاول دام يلهث ورى المال يهبي = غايته زود المسافات ما عنده ظمير
والمهندس له غبي والمنفذ له غبي = والغبي للي لهم فالمهمه يستشير
كم مواطن من سببكم حياته تذهبي =والذي وسط المصحّات وعظامه كسير
والذي صابه شلل صار بالمشي يحبي= والذي حالته حرجه وفي وضع مرير
وكم من الايتام كم من الارامل نحسبي=وكم كسرتوا قلب شايب ويتمتوا غرير
كننا في حرب عشوا وهجها يلهبي = كل مستشفى ما عاد به شاغر لو سرير
والبيوت من الحزن كل يوم تنحبي = والفجائع شاعت اخبارها عبر الاثير
يا وزير الموت هاك الخبر ما نكذبي = علم واضح في وروده كما البدر المنير
لا تسمع في كلام المهندس الاجنبي = الخبر والراي تلقاه فالرجل الخبير
ابدوي قد مشى بالقدم ومجربي = يعرف الدرب المقاصد من الدرب العسير
ما يعرف الهندسه ما قرى ما يكتبي = لكن من كثر التجارب يقود امية سفير
فلا متى والى متى وانت ما ادري وش تبي = والقضية شرها في بلدنا مستطير
الوزاره ما هي بلبس بشت ومنصبي = كانك للموقف مؤهل وبالمنصب جدير
قوم حل المعضله يا عريض المنكبي = وانقذ الامه من الموت والوضع المثير
ادرس الحاله وللي مقصّر حاسبي = وكل خاين اطو قيده ولو انه مدير
وكان عاجز فاترك الحل للرجل الابي = ابو متعب نجمنا اللي بنوره نستنير
قايد محنّك وفي كل حال مجربي = لا تبنّى حل صعب القضايا ما يحير
انت سلمه القضيه وعنها جنّبي = ما لها الا وافي الباع ذوالراي البصير
عاهل لا من حضر فالمحافل يرهبي= وده يفرش للمواطن على الصحرا حرير
وان تصدى للمعادي مقامه يرعبي = من تعدى الحد يقصمه بالسيف الشطير
عزك الله ياملكنا على نهج النبي = ما لنا بعد الله الا انت فاليوم الكبير
والله يحفظك إلبلدنا وبسمك ننتبي = عز للي يلتجي لك ومن بك يستجير

صح السانك والله يامسفر بس مدري انت الى الان
موجود ام لا الله يفكك ويستر عليك
كن حذر من الخطوط الحمرا ؟؟؟؟؟؟؟

 

 

 

 

[معلومات العضو عبدالله المصارير]

صح الله لسانك واعتلا شأنك ...................

تحاياي

 

 

 

 

[معلومات العضو محمد مطلق آل بريك]

صح لسانك يأبو جمعان
والله يبيض وجهك على الروح الوطنيه
شاعر جزل ومبدع

تحياتي وتقديري ~~

 

 

 

 

[معلومات العضو شافي بن راشد النتيفات]

صح الله لسانك على هذه الرائعة يامبدع

 

 

 

 

[معلومات العضو مسفر جمعان الصفا]

المشاركة الأصلية كتبت بواسطة ابوشافي الدوسري

مسفر بن جمعان

صح لسانك واعتلى شانك

شاعر جزل بيض الله وجهك على هذه القصيده المعبره

تحياتي وتقديري

ابو شافي الدوسري


صح بدنك يالقرم


واشكر لك مرورك الراقي

حفظك الله ورعاك