الشاعر - عبد الله بن محمد بن فرج الدوسري- في مدح محمد بن رشيد .

**معلومات** **العضو** · 05-09-2009, 03:25 AM

من اذكار الوفاء والطيب ورد الثناء بين الدواسر وشــمر - هذه القصيدة

للشاعر عبدالله بن محمد بن فرج الدوسري وهو من أهل الكويت قالها

بالامير محمد بن عبدالله الرشيد ..

فأرسل هذه القصيده مع احد المراسيل من الكويت إلى حائل

فوصلت القصيده للأمير ونالت على إعجابه فأكرمه .
يقول بن فرج الدوسري :

ماحلا النظّـم المسطّـر كالعقـود
والسلام اللي كمـا الـدر النضيـد

كيـف لا ومضمّنـه مدح ٍ يكـود
مايجيبـه شاعر ٍ لـو هـو لبيـد

مدح شيخ ٍ مـودع الدنيـا سهـود
سـارت الركبـان بأذكـاره تشيـد

حيثه إنسان الدهر عيـن الوجـود
النضار الجوهر المحـض الفريـد

بدر تم شمس فضـل بحـر جـود
وافـرٍ بالفيـض طامـي بالمديـد

ماخفى من طالعـه نجـم السعـود
ولد عبـدالله محمـد ابـن رشيـد

شمّري تتـلاه قـومٍ كالأسـود
بآسهم عند اللقـاء بأس ٍ شديـد

سل بني عتبه وسل عنه آل سعود
وآل خليفة قاطبـه وآل بوسعيـد

وإنشـد العربـان قطّـان العـدود
يخبرونـك عنـه بالعلـم الأكيـد

عن ربيع الضيف عن ريف الوجود
عن ذرى الملهوف عن ملجأ الطريد

عن كريـمٍ مـودع الدنيـا مهـود
مـع سهـودٍ مايكـوده مايـريـد

في حمّلـه مثـل جنّـات الخلـود
ينعش السكـان بالعيـش الرغيـد

مودعه حيث الأمان مـن السهـود
كالحرم مـازال مفتـوح الوصيـد

مأمن الخايف الى جالـه يـذود
لايـذٍٍٍ بعزومـه الـلـي ماتبـيـد

وفيه سناعيـس ٍ يبيـدون الحشـود
حسبهـم يامـا يضـدّون الضديـد

يرهبونـك كالضـواري والفهـود
الطنايـا ماعليهـم مـن مـزيـد

قاطبينٍ حول مـن يوفـي العهـود
مـن يخافـه كـل جبـارٍ عنيـد

إحـذر العربـان هـو وادي زرود
للرها للشـام لأمصـار الصعيـد

باس مرهوب الشبا ماض الحـدود
حيثـه المقـرون بالحـظ السعيـد

كم غزى قومٍ وهم اهـل الجـرود
مايـردوّن السنـد لأهـل السنيـد

وإرتماهم في بحـورٍ مـن جنـود
حشوهـا منهـم صناديـدٍ وِصيـد

يوم قالو ماعـن لقاهـم صـدود
أودعهم عندهـا الحـب الحصيـد

يحلـف الـحـلاّف بالله الــودود
غب كونه مانجـى منهـم شريـد

وصـدّر الرايـات حمـرٍ والبنـود
من دماء ماصانهـم كثـر العبيـد

يستهّـل بعـارضٍ مالـه حـدود
ممطرٍ بالموت يـرذي مـن بعيـد

تشتعـل نيـران حربـه بالوقـود
كالحشر تاتيك فـي يـومٍ الوعيـد

مالها غير البنـادق مـن رعـود
أو بروقٍ غيـر منصـاف الحديـد

ذا فعل سم العـدا غيـظ الحسـود
يشهـد الله والإلـه اكبـر شهيـد

ماذكـر شـرواه مغـوارٍ يسـود
نافـلٍ بالصيـت والذكـر الحميـد

شـاد مجـده مايشيـده بالوجـود
من يحّلـه للعـلا قصـرٍ مشيـد

مستحيـل ان ذاك مايحظـاه كـود
واحـدٍ مثلـه ومثلـه هـو فقيـد

دون عب الشمري حـرب الرقـود
وإرتكى بالصعب مـن دهـرٍ نكيـد

والعطى بالمال مـن كنـز النقـود
والسخى بالجذ مـن حبـل الوريـد

ولو منـال العـز سهـلٍ مايكـود
شفته من الناس في سـود البليـد

وإستوى فيه الماسود هو والأسود
مير حاشا مايصيـر العبـد سيـد

حـق يامبـدي النفايـل بالشهـود
كل جـريٍ عنـد جريـك مايزيـد

ياعريـب الخـال يازاكـي الجـود
ياحليف العـز والـراي السديـد

اشتكي لك مـن تباريـح النكـود
والخطوب اللـي تشيّـب بالوليـد

هن دعنّي عنـك ثـاوي بالقعـود
وإحرمنّـي لا أوافــي بالنشـيـد

لو عزانن عوقهن وأسـر القيـود
ما نحنّي عـن نـدى عليـاك بيـد

كان قدت النفس لـك قـودٍ يعـود
واعتريك بحـال جـودك كالبريـد

من على كالنوق مبـروم العضـود
صيعـريٍ مايمّـل مـن الفـديـد

مير هذا اللي جرى لـي بالـودود
والتمـانـي لاتثـيـب ولا تفـيـد

والسلام وأخص به نفسك وأجـود
عقب هذا عـم بـه كـل آل رشيد

ثم صل الله علـى خيـر الوجـود
مالعى ورقٍ علـى روس الجريـد

/
/

مع خالص محبتي وإحترامي للجميع

**معلومات** **العضو** · 05-09-2009, 03:40 AM

ارحب يالشمري

والله يحيييك في منتدى الدواسر الرسمي واسعد اللحظات تسجيلك معنا

وصح لسان الشاعر ابن فرج الدوسري ويستاهل ابن رشيد المدح وهو كفو وشمر كفو.

لكن عندي استفسار بسيط إذا عندك معلومات عن:

من اي الدواسر هذا الشاعر !!!

وفي أي عصر قيلت هذه القصيدة !!!

**معلومات** **العضو** · 05-09-2009, 03:49 AM

الله يحييك أخي راشد المسعري

وماعليكم زود واشكرك على هذا الرد

الكريم - أما بخصوص قولك الشاعر من أي

الدواسر - الحقيقة أنا نقلت لكم هذه القصيدة

ولم يوضح في ذكرها عن الشاعر من أي لدواسر

وسوف احاول اعرف ذالك مستقبلاً إن شاء الله

أما في أي عصر - القصيدة قيلت في ابن رشيـد

ومعروف وقتها واعتقد أنك تعرف ذالك أخي الكريم

وتقبل تحياتي -

**معلومات** **العضو** · 05-09-2009, 04:18 AM

صح الله لسان الشاعر عبد الله بن فرج ويستاهل ابن رشيد

**معلومات** **العضو** · 05-09-2009, 06:13 AM

صح الله لسان الشاعر عبد الله بن فرج ويستاهل ابن رشيد

**معلومات** **العضو** · 05-09-2009, 03:43 PM

شكراً لك هذا الرد الكريم

الله يوفقكم كل خير

تقبل احترامي

**معلومات** **العضو** · 05-09-2009, 03:44 PM

اقتباس:

المشاركة الأصلية كتبت بواسطة حزم الظـآإآمـيے

صح الله لسان الشاعر عبد الله بن فرج ويستاهل ابن رشيد

شكراً لك هذا الرد الكريم

الله يوفقكم كل خير

تقبل احترامي

**معلومات** **العضو** · 05-09-2009, 04:31 PM

صح لسان أبن فراج ويستاهل المدح ابن رشيد

ولاهنت يالشمري وبيض الله وجهك

**معلومات** **العضو** · 05-09-2009, 04:46 PM

اقتباس:

المشاركة الأصلية كتبت بواسطة محمد بن سالم الخضراني

صح لسان أبن فراج ويستاهل المدح ابن رشيد

ولاهنت يالشمري وبيض الله وجهك

وجهك أبيض وما عليكم زود

أسعدنا ردكم الكريم

وفقكم الله كل خير

**معلومات** **العضو** · 05-09-2009, 05:30 PM


	صح لسان الشاعر وستاهلون اسناعيس

**معلومات** **العضو** · 05-09-2009, 05:40 PM

صح لسان أبن فراج ويستاهل المدح ابن رشيد

ولاهنت يالشمري وبيض الله وجهك

**معلومات** **العضو** · 27-09-2009, 11:17 AM

الله يجزاك خير وبيض الله وجهك
الشاعر عبدالله بن محمد بن فرج بن عبدالرحمن بن فرج بن سليمان بن طوق المسعري الدوسري
وعائلة الفرج معروفة في الكويت والخبر والدمام حيث كانت في وادي الدواسر في منطقة نزوى وهاجرت إلى الكويت وبعض منهم هاجر من الكويت إلى الخبر والدمام

**معلومات** **العضو** · 08-10-2009, 02:50 AM

لاهنت يا المسعري على المعلومه

**معلومات** **العضو** · 09-10-2009, 09:09 PM

الله يرحم عبدالله بن محمد بن فرج الدوسري

وشمر تستاهل واخص ( السناعيس ) مزحزحة الجبل

**معلومات** **العضو** · 11-10-2009, 06:00 PM

بسم الله الرحمن الرحيم

اقتباس:

المشاركة الأصلية كتبت بواسطة عبدالله المسعري

الله يجزاك خير وبيض الله وجهك
الشاعر عبدالله بن محمد بن فرج بن عبدالرحمن بن فرج بن سليمان بن طوق المسعري الدوسري
وعائلة الفرج معروفة في الكويت والخبر والدمام حيث كانت في وادي الدواسر في منطقة نزوى وهاجرت إلى الكويت وبعض منهم هاجر من الكويت إلى الخبر والدمام

انا ابن عمكم من فخذ الدموخ المساعرة

ولدت في المدينة التي اسسها ابناء عمومتكم في الخليج العربي و المهاجرين من البحرين .

انها مدينة الخبر .. احدث مدن المنطقة الشرقية واجملها

و تربطنا نحن الدواسر في الخبر والدمام بإسرة الفرج المعروفة في الكويت رابط مصاهرة .

عليه فإنني اوكد صحة ما ذكره اخي العزيز عبدالله المسعري في مشاركته اعلاه

فجزاه الله خير .

السلام عليكم ورحمة لله وبركاته

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية