مر الزمان

[معلومات العضو عازف شجن]

بسم الله الرحمن الرحيم


مر الزمان من قصائد الشاعر حفيظ بن عجب الدوسري
وهو شاعر مشتهر بقصائد الوعظ والحكمة
وقد اخترت لكم هذه القصيدة :

وقد رثى بها الشاعر أحد زملائه طلبة العلم الذي توفي وهو يقرأ والنجم أذا هوى ...
وكانت بينهما مودة وصحبه

مر الزمان وداعي القلب لباب ***** والعين عيّا لا يجيها سعدها

وتذكرت عيني زمان لها غاب *** من عقب ما هي تستظل بسندها

على رفيق غاب من بين الأحباب*** جاه القضا وأضحى دفين بلحدها

وقامت عيوني تذرف الدمع صباب **** عليه حتى بان فيها سهدها

وتقول وين اللي من العام ما جاب *** حلو القصيد اللي بيوته نضدها

وين الرفيق اللي لا هب هباب ****** عليك قام يذود عنك نكدها

ولا من بغيته حاجة وانت هياب ***** يعطيك لو هي زايدة في عددها

رجل عليه المخطية مالها باب ***** يجمح خطاك ولا يضره رعدها

لا قال الفصل ما هو بلعاب ********ولا يعجبه كثر الكلام بفندها

كم قال لي يا حفيظ ماني بعياب *****لكن ترا الدنيا طويل (ن) كمدها

نعيش فيها باحثين(ن) عن أسباب *** ولا خبر فيها فانيٍ(ن) قد حمدها

ما شفت كم ضاعوا بها أحباب واقراب *** وتفرقوا من عقب وافي وعدها

وصاروا بديد عقب ما كانوا أصحاب *** صحبة وفاء ما ضاع منهو رصدها

عليك بالتقوى تراها لك حجاب *******تحميك من نار تزايد صهدها

وعليك بالتوبة ترا الرب تواب *******يغفر ذنوب العبد لو هو جحدها

يالله عساه بجنة الخلد شرّاب ********يشرب من انهار تزايد مددها

ولا من شرب ما للضما عقب ما طاب***له من ثمرها سعد منهو وجدها

ويالله عسانا في حياة بها اغراب ***** والناس فيها ما تخلي حسدها

نلقى جزانا عند علام الحساب ******في جنة الفردوس زايد رغدها


شعر حفيظ بن عجب الشكرة

 

 

 

 

[معلومات العضو ناصر الخبر]

ويالله عسانا في حياة بها اغراب ***** والناس فيها ما تخلي حسدها


صح للسسسانك لاهنت ياعازف بارك الله فيك