قصيدة للشاعر محمد بن عبدالوهاب الفيحاني

[معلومات العضو مبارك الدموخ]

ولما أحس بالوفاه رحمه الله

قال هذه الأبيات التي تفيض شجناً وحزناً.....

ماسمح قلبي يروح ولا يرى"=" زول محبوبه ولو هو من بعيد
آه واويلاه ياليته درى"=" كيف حبه في حشا روحي يزيد
أو درى إني منه قد حالي برى "=" ذايب بالي عقب ماهو حديد
وإن من الأبعاد موحي المقبرا "=" يحفرونه لي وموقن بالوعيد
ياليزيمي قول للي يحفرا "=" يوسع الملحد على شان اللحيد
ويحجز بيني وما بين الثرى "=" عن عظام ناحلات كالجريد
وانت يا دفان ياللي تقبرا"=" يامهيل الترب بالسرعة مجيد
حط من فوق القبر حتى يرا"=" بنيتين كالنصايب له شهيد
يعرفون القبر من جا ينظرا"=" يعرفونه قبر مذبوح الوديد
قبر من صان المودة واسترا "=" قبر من لاخان عهد للعهيد
كود لا من جاه علمي يذكرا "=" وانعتوا قبري لمعلوقي وكيد
ياتي لقبري ويذكر ما جرى "=" يوم انا وياه في الدنيا عضيد
ويترحم بالدعاء لي من قرا"=" يوم خلاني وسط قبري وحيد

 

 

 

 

[معلومات العضو منقع الطيب]

أخي قرناس تسلم يمناك ولا عدمناك

زدنا زدنا من روائع الشاعر رحمه الله

أخوك
محمد المسعري

 

 

 

 

[معلومات العضو مبارك الدموخ]

ابشر بالخير يامحمد المسعري وانا من اشد المعجبين بهذا الشاعر رحمة الله ورحم اموات المسلمين وشكرا على المرور والتعليق الطيب

 

 

 

 

[معلومات العضو مبارك الدموخ]

للرفع

 

 

 

 

[معلومات العضو عبدالرحمن الشرافي]

اخوي قرناس



لاهنت على النقل الجزل


وصح الله لسانك ولسان الفيحاني


واسمحلي يالسنافي بتنيسق القصيدة



تحياتي

 

 

 

 

[معلومات العضو مبارك الدموخ]

عبدالرحمن الشرافي بيض الله وجهك على التنسيق والمرور المشرف