ماكل من يبغي السوالف يدلها (جلحان)

[معلومات العضو النايف]

جلحان الفصام قدّم مثايل=مثايل بين الرجال اتقال
ماكل من يبغي السوالف يدلها=وما كل قولٍ للرجال ايقال
فنا لا بغيتها ما تكودني=أبني وساسي من صفا واجبال
أحلها وأدلها قبل أهلّها=لا استصعبت فنا لها حلال
أرفا خملها واجتهد في عملها=من خوفتي من لومة العقّال
صبيتها في قالب الفكر واستوت=ونقدتناها مثل نقد اريال
فسوالفي بين النشاما طريّه=لا من حضرنا في المجال ارجال
حلفتنا ما جالس الاّ طيب=شروا الحضور ومثلهم عقّال
فمن جالس أهل الدين والصدق والنقاء=غشاه نور واغتشاه جلال
ومن جالس الرديان يتهم بالردا=لو هو شجاع عد من لنذال
والصدق يا نعمين باللي ينطقه=والصمت كنز مثل كنز المال
ذا قول منهو عارف ما عّرف=عرفتنا ان صنف الرجال أشكال
فيهم دال ودليل ومستدل=وفيهم عد ندل ما يطيع الدال
فالدال اللّي يدل من يستدل به=يدل السنع وان حيل ما ينحال
واما الدليل اللي يقدي روحه=لا سايل حي ولاب امسال
والمستدل يطاوع اللي يدله=مطواع لا منه نشد ما عال
ما هوب خطوى عايل مستكبر=بلاّ ينافخ زايد بأهبال
هذاك خله واتركه واهباله=ومن كان مثله ما يفيد ابحال
وان شفت رجلٍ ساعيٍ بالنميمه=لا تامنه تراه رث احبال
تراه جرف ما يعنز جاله=ما يعتنز لا من وطي له جال
من كان له مال ولا أظهر نوايبه=سوى ابماله لا إرتشاله مال
هو ما درى ان الروح تاليه الفناء=ويحط في قبر عليه ايهال
فالقرم لا منك وزيت ابجاله=يضفي على راسك ذرا وضلال
يبني لك العليا وتبني هاله=راسه شجاع والسلوك اجلال
هذا وانا فيّضت مكنون خاطري=ردوا علي يا طيبين الفال
ان كان قولي ذا دليل على القدى=فقولوا دليل ما غوى من قال
ختمانها من صلاة على النبي=اعداد ما يمطر من الهمّال

الشاعر الكبير جلحــــان الفصام رحمه الله

 

 

 

 

[معلومات العضو نايف]

لاهنت يالنايف صح لسانك .
والله يرحم الشاعر برحمته..

 

 

 

 

[معلومات العضو تركي ال فنيس]

لاهنت اخوي النايف وصح السانك والسان الشاعر

 

 

 

 

[معلومات العضو الودعاني]

تسلم يمينك يالنايف على القصيدة

 

 

 

 

[معلومات العضو العماني]

اختيار رائع اخوي النايف

صح لسانك ولسان الشاعر الكبير جلحان الفصام

ولاهنت على جهودك الواضحه بالمنتدى

تقبل تحياتي،،

 

 

 

 

[معلومات العضو النايف]

الإخوة الأعزاء
نايف
تركي
الودعاني
هايف

تشرف أخيكم بتشريفكم للمتصفح.

دمتم أعزاء

 

 

 

 

[معلومات العضو النتيفات]

اختيار موفق يالنايف تسلم وصح السان الشاعر

 

 

 

 

[معلومات العضو سعد المقابله]

السلام عليكم ورحمة الله وبركاته

الله يرحم الشاعر رحمة واسعه

ويعطيك الف عافيه

على الاختيار الطيب

 

 

 

 

[معلومات العضو ابن وتيد السباعي]

أرفـا خملهـا واجتهـد فـي عملهـا
مـن خوفتـي مـن لومـة العـقّـال
صبيتها في قالـب الفكـر واستـوت
ونقدتناهـا مـثـل نـقـد اريــال
فسوالفـي بيـن النشـامـا طـريّـه
لا من حضرنا فـي المجـال ارجـال



صح لسانك ولسان الشاعر