الشاعر محسن بن فالح الشكره يمتدح الأمير عبدالعزيز بن حزام العجالين

[معلومات العضو حفيد الأمراء]

بسم الله الرحمن الرحيم

بناء على رغبة كثير من رواد المنتدى بفصل القصائد التي نشرتها جميعا

لكي يتمعن القاري روعتها وجزالتها

هذي اول القصائد للشاعر محسن بن فالح الشكره

في مدح الامير عبدالعزيز بن حزام العجالين

والمتبقي سوف ننشره لاحقا

يقول فيها

بين مسطور الورق والحبر والتسجيلا=مابعد شدت هواجيسي مثل ذا المرّه
يالله التوفيق يالمطلوب والتسهيلا=في مديح اللي تقول الناس لله درّه
الأمير الهيلعي النادر الحلحيلا=في جبين المجد والتاريخ مثل الغرّه
أنت ياعبدالعزيز اللي تعدل الميلا=وأنت حر والمراجل في يمينك حرّه
وأنت أبوك حزام يوم المعترك فاليلا=واقتحام المصمك وليلٍ عبوسٍ شرّه
أمّره يوم استوت صقر الجزيرة ليلى=لن له بين الرياض ودار جابر جرّه
وآل مره بسم أبوك حزام سمو جيلا=عد لك خمسين بسم حزام عند المرّه
والسبب في التسمية يحتاج له تفصيلا=مير أنا وشلون أعد نجومه المنثرّه
وأنت لك قدر ومقام يوجب التبجيلا=عند أمير العاصمة بحر الكمال وبرّه
يجلسك جنبه على يمناه كالتفضيلا=والأمير أبخص بمرجان المحيط وبرّه
وأنت راعي المجلس اللي فيه بن وهيلا=صف رسلانه كما الصفين فالمغترّه
صك بيبانه حرام مامعه تحليلا=والحطب في ساحته يطري عليّ الحرّه
من شيوخ اللابه اللي يتعبون الخيلا=العجالين أن تناخوا والرحا مفترّه
كفكفوا دهم الجموع اللي تبذ الحيل=لاعثوا في خصمهم جاله عطيط وصرّه
لابتن مقياظهم مابين غرس وغيلا=في براد وغيرهم بين العجاج وحرّه
وأن غدى للوسم تبكيروسال السيلا=ساقوا المظهور والمقزور كلٍ زرّه
في هوى سودٍ اليا وصفة سوات الريلا=ماتهاب الحفيف اللي يعيد الكرّه
تحت هيبة من لهم فالمعركة تهليلا=الهنادي البيض بديهم تجي محمرّه

 

 

 

 

[معلومات العضو مبارك بن شافي النتيفات]

اختيار موفق وتشكر عليه ياحفيد الامراء
صح لسان الشاعر الشاعر محسن بن فالح الشكره على هذه الرااااائعة

ويستاهل المدح الشيخ عبدالعزيز بن حزام العجالين

تحياتي وتقديري

 

 

 

 

[معلومات العضو حفيد الأمراء]

الاخ العزيز

والمشرف القدير

ابوشافي الدوسري


لك مني جزيل الشكر



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام


وماعليك زود

والسلام

 

 

 

 

[معلومات العضو خالد المشاويه]

صح لسان الشاعر / محسن بن فالح الشكره على هذه الرائعه ويستاهل الامير عبدالعزيز بن حزام العجالين ماقيل فيه

ولاهنت عالنقل اخوي حفيد الامراء

جزيل الشكر والتقدير

 

 

 

 

[معلومات العضو ابو زابن المسعري]

صح الله السان الشاعر محسن بن فالح ويستاهل الامير عبدالعزيز بن حزام
ماقيل فيه ولاهنت ياحفيد الامراء على النقل وبيض الله وجهك

 

 

 

 

[معلومات العضو دغش محمد الصخابرة]

صح لسان الشاعر / محسن بن فالح الشكره على هذه الرائعه ويستاهل الامير عبدالعزيز بن حزام العجالين ماقيل فيه

ولاهنت عالنقل اخوي حفيد الامراء


تحياتي وتقديري

 

 

 

 

[معلومات العضو فهد المقابله]

صح الله السان الشاعر محسن بن فالح ويستاهل الامير عبدالعزيز بن حزام

ماقيل فيه ولاهنت ياحفيد الامراء على النقل وبيض الله وجهك

 

 

 

 

[معلومات العضو حفيد الأمراء]

الاخوة الاعزاء

خالد المشاويه


ابوزابن المسعري


دغش بن محمد الصخابره


فهد المقابله


لكم مني جزيل الشكر



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام


وماعليكم زود

والسلام