قبيلة النتيفات تحتفل بزفاف إبنها الشاب راشد بن محمد آل سويلم (تقرير - صور)

[معلومات العضو عبدالله الحافر الغييثي]

بسم الله الرحمن الرحيم المعرس الشاب راشد بن محمد بن وطبان آل سويلم النتيفات . في ليلة من ليالي الفرح والسرور وجمع من الأهل والأصجاب : إحتفلت قبيلة النتيفات بزفاف إبنها الشاب راشد بن محمد بن وطبان آل سويلم النتيفات وذلك يوم الخميس الموافق 26/7/1431هـ وسط حضور أبناء القبيلة وجمعٌ من الزوّار والحاضرين للإحتفاليّة من أعيان المنطقة . جديرٌ بالذكر أن الحفل إحتوى على عدد من الفعاليات ولعل من أبرزها الأمسية الشعرية . حبث أحيى الأمسية الشعريّة نخبةُ من الشعراء ، وهم : الشاعر شافي بن راشد النتيفات والشاعر محمد بن سالم الخضراني والشاعر فهيد بن محسن النتيفي (صاحب الشيلات الرائعة) والمنشد بخيت بن محمد الهواشلة . وقام بإدارة الأمسية الشعريّة الأستاذ فهد بن محمد النتيفات . بعضاً من القصائد التي ألقيت بالحفل : قصائد الشاعر محمد بن سالم الخضراني التي ألقاها بالحفل : (1) الشعر وهبـه والفريـد الهامي=يامناطح البحر الغزيـر الطامـي انـا اليـا منـي بدعـت الفكـره=يحيـر فيهـا الشاعـر النظامـي شاعر مفوه مركـزي فـي القمـه=وأنحت على صم الجبال ألهامـي فرايد يطرب لهـا اهـل المعنـى=كنهـا فرايـد بنـدر القسـامـي اصوغها مثـل الذهـب وأرعهـا=مـن السفيـه ولومـة اللـوامـي اخاف من هرجة حد ينقدها=ولا تزل عن الطريق اقدامي ادرى مناقيد العرب في قولي=وصخره في مدح كل قطامي شعر جزيل واثق انه ابيبقا=على مدى التاريخ والاعوامي والشعر ديوان العرب فالماضي =قبل الدشوش وثورة الاعلامي وانـــا قـصـيـدي فــــي مـفـاخــر ربــعــي=أكـبــر شـــرف لـــي وعـتـبـره وســامــي امــدح بـنـي عـمــي عـصـابـة راســـي=الـلـي لـهـم فــي المـجـد فـعـلا سـامــي الاد تـغــلــب ســعـــد مــــــن يـنـصــاهــم=ولاد زايـــــــــــد مــــســــنــــدي وحــــــزامــــــي دواســـــــر نـــرقــــاء الـمــعــالــي خــلـــقـــه=اشـهـر مــن النـيـران فــي الاعـلامــي يــشــهــد لـــنـــا الــتــاريــخ والله شـــاهــــد=وتـجـف مــن خــط الفـخـر الاقـلامـي وحـنــا لــنــا الـفـعــل الـشـهـيـر الــنــادر=يــــوم الـيـمـانـي خــالــف الـحـكـامــي جـنـا الشـريـف يـسـوق كـــل جـيـوشـه=والـجـمـع وقــــف فــــي نــحــاه الــرامــي الــرمـــح يــــــزرق والــســيــوف تــحــنــى=بـالــدم الاحــمــر والــركــاب احـيـامــي وحــنــا الـعـصــاه مـزبـنــة مــــن جــانـــا=ويـشـهـد لـنــا بـيـضـاء بـــدار الـيـامــي وســـم الـعـصـى فـعــل لــنــا فــزنــا بــــه=وهــــل الــجــدار مـحـطـمـة الارقــامــي وحـنــا هـــل الـبــل مـــن قـديــم وتـالــي=مــاهـــيـــب لا تــــوخــــذ ولا تــنــســامـــي هـــــــذا قــلــيـــل مــــــــن كــثـــيـــر بــــاقــــي=والـــعـــذر مـــنـــي لــلــرجــال أخــتــامـــي (2) لاصغرت الدنيا بعيني من الضيق = وتزايدة شهب السنين ابنكدها سجيت رجلي عن جميع المخاليق = وخليت عباد الوجيه ........... وخذت ساجه نفس والعمر توفيق = لو كان مدري رحلتي وش وعدها في خايع غادي لنبته زماليق = قفرآ تجاول به هجوسي وحدها اخذ معه سجات وغيب وافيق = من عالم فينا تزايد حسدها اللي على الغرات مثل المطافيق = ولا ذكرت اعلوم الجماله جحدها والكلمه اللي جرحها فالمعاليق = شهرين احللها وفكك اعقدها اغضيت منها والضماير صناديق = وصيدت منها يوم فيني قصدها ولاصارت ابانات و النير و طويق = حمل علي فالخافي امر ودها لنا مع الاخيار قدر أومواثيق = والنفس حكاي القفى ماجهدها ولقيت للوحده بوسط المعاليق = لذه لمن طعم السعاده فقدها (3) اصد من وجه الهبيل المفوه = اللي على اعراض المخاليق منقاد لاصار راسه خاليٍ مالمروه = ماني مكلف به ولانيب نشاد البعد اخير من التقرب لضوه = وما يشرح الخاطر منه كون الابعاد في خايعٍ يطرب خضاره وجوه = قفرٍ من الدايج ولا حوله ابلاد عند البكار موالفات المدوه = اللي امباراهن من أيام الاعياد يشفن كدر نفسٍ قديمٍ وتوه = لوحيت في صدري مع الضيق ميعاد وخير من خبلٍ لي يسوق سوه = خبلٍ مشك ومخلفٍ سلم الاجواد يحسب رفيقه مثل حسبة عدوه = وما حسَب لشامت ومبغض ونقاد حبيت ابين عن هجوسي ونوه = والعمر رحله بين نازل وشداد قصائد الشاعر شافي بن راشد آل سويلم النتيفات التي ألقاها بالحفل : (1) باسمي واسم راشد وكل المعازيبي =يا مرحبا اعد من كبر ومن صلا ترحيبة اللي يعرفون المواجيبي = للي بحفل النشامى لابتي حلا تم الفرح باذن رب يعلم الغيبي = ومعزب ضيوفنا للطيب ما خلا يقول رحب بدالي وانت تدريبي = على تراحيبهم ذا الليلة مغلا وذالحين يامرحبا مليون ترحيبي = وانساق شعري علي والكايد انحلا نظمت الابيات كل شي بترتيبي = والنقد باذن الله من ابياتي مجلا مهرة خيالي تسابق شمخ النيبي = في ليلة غيمها من فوقنا مطلا من خاطر منشرح ذالليل ويجيبي = من فيض شعر يشوق البال لاهلا نوادر ما وسمها غيري اديبي = يقولها شاعر لامن سرى دلا لامن بدا موقف وقفت واجيبي = والصعب منها ليامن قمتله ذلا اسري مع جوها والفكر يسريبي = عيني على الطيبة والهزله تخلا وابعدتها من دروب الشك والريبي = ثم سقتها صوب من للجود ما ملا وازفها باجمل التبريك لاصحيبي = تبريك ليلة شهر شوال لاهلا واختامها اقول عن كل المعازيبي = يامرحبا عد من كبر ومن صلا ] (3) ياهاجسي معاد لك مقعادي = حان الوعد والوضع ماهو عادي حرك مناديبك وانا استقبلها = واصوغها بابيات شعرٍ كادي القّم الطبخة ببن وهيلي = حتى تجي للشاربين قنادي واصبها واسوقها في الحالي = على الشلي وابو شنار بادي والا الردي ماله محل عندي = اللي على حبل الردى مقوادي ما اجلس بقربة لو جلست لحالي = منشار ظهر وللوجه عبّادي باجلس على نتي واتابع ربعي = في موقع فيه التلاحم سادي فيه الاخوة والفخر والعزة = على تراث ابناء القبيلة جادي المنتدى الرسمي وباسمه نسمو = بيت الدواسر بالسمو يزدادي بيت الرجال اللي لهم وقفاتي = شموخ وامجاد ونسب وشدادي مزبنة من جار وقته ضده = ناسم عصاه ويهتني برقادي عز الخوي واضرب مثل في ذلك = ياليت وقت الشمري ينعادي ونشوف وش سوى خوياه بجمسه = شالوه ماخلوه في المحيادي وجريس يوم انه لجا باحمانا = شاف الرخا من عقب ماجا حادي والا الشريف اللي هدف بجيوشه = يقول يوم شفتكم لاعادي والعامرية قصة مشهورة = مانستمع في هرجة الحسادي سقنا الدية في عيالها اللي راحو = باسبابنا حتى نست لحدادي لو جيت بذكر فعلنا بايجازي = والله ماحصي مافعل لجدادي قد قالها عبدالعزيز الفيصل = في مجلسه يوم نشده نشادي الدوسري نفسه عزيزه منهم = خذيت مجد ضيفله لامجادي بمدح بني عمي ولاني قاصر = حق القبايل مثل نور بادي اعود واسترسل على موقعنا = واذكر بعض مايحمله من زادي فيه الثقافة والولافة وايضا = شعار ورواة وبعد نقادي فيه الفوايد والعوايد تدعي = تاقف على اهل الشر في المرصادي الله يبيض وجه من يتعبله = ادارته والمشرفين سدادي والله يحيي كل عضو زاره = وضيوفه اول مافتح وجدادي حنا علينا ندعمه ونزيده = صرخة ندا في المنتدا ونفادي اموالنا واوقاتنا ماتكفي = واللي تعبله وانتسبله فادي من كان عنده فكر لايذخربه = يطرح مشاريعه على الروادي بضرب مثل برياضة اهل الكورة = اعضاء الشرف ترا عمود النادي وختامها ياهايف بن مبارك = يامشرفين المنتدا لسيادي باسمي واسم شيخ القبيلة مطرف = وكل القبيلة من جمع وافرادي شكراً لكم من شاعرٍ نتيفي = اللي على رد الثناء ينقادي هذا وقد تمّ تكريم الشعراء المشاركين بجميع فعاليات الحفل وعريف الأمسية الأستاذ فهد بن محمد النتيفات قبيل تناول طعام العشاء شكرين لهم على ما قدموا خلال الحفل من إبداعاتٍ متواصلة وجميلة جداً . جديرٌ بالذكر أن قناة المختلف الفضائيّة كانت حاضرةً الحفل . و"الموقع الرسمي لقبيلة الدواسر العريقة" ممثلاً بادارته وكافة أعضاءه يتقدمون بأجمل التهاني إلى المعرس راشد بن محمد بن وطبان آل سويلم النتيفات وتتمنى له حياة ملؤها السعادة والهناء والتوفيق وأن يرزقه اللَّه بالذرية الصالحة إن شاء اللَّه . لقطات مصوّرة للحفل : صورة لضيوف الحفل . صورة من زاويه اخرى لضيوف الحفل . صورة من جانب أخر لضيوف الحفل . اداري الموقع/نايف الخييلي ومشرف ابداعات الشعراء بالموقع/الشاعر شافي النتيفات ومراقب العام بالموقع/خميس الغييثي في صورة مع العريس . المنشد/بخيت الهواشله متفاعل مع احدى قصائد الشاعر شافي تكريم موقع الدواسر الرسمي وتسلمه اداري الموقع الاستاذ/نايف الخييلي تكريم اداري الموقع الاستاذ/فهد الغريري ومراقب المجالس العامه الاستاذ/دغش بن محمد الصخابرة يتسلمها نيابة عنهم عضو الموقع/نايف بن سعد الدجران الدوسري الشاعر /محمد بن سالم الخضراني الشاعر /شافي النتيفات الشاعر صاحب الصوت الشجي/فهيد بن محسن النتيفات المنشد/بخيت بن ناصر الهواشله عريف الامسية الاستاذ/فهد بن محمد النتيفات تكريم قناة المختلف اللتي غطت الحفل وأسأل الكريم ان يديم على ابناء قبيلة الدواسر الافراح والمسرات وتقبلوا فائق التقدير والإحترام أخوكم : خميّس بن مطر الغييثي

 

 

 

 

[معلومات العضو شافي بن راشد النتيفات]

ابارك لاخوي راشد بن محمد النتيفات على زواجة

واسأل الله ان يوفقه ويرزقه الذرية الصالحة

كما لايفوتني ان اشكر جميع القائمين على موقع

قبيلة الدواسر الرسمي على تغطيتهم للحفل

ورعاية الامسية واتقدم بالشكر للاخوة

نايف الخييلي

خميس الغييثي

على حضورهم وتغطيتهم واشكر جميع الشعراء

واشكر كل من حضر وشرفنا بحضوره

 

 

 

 

[معلومات العضو عبدالكريم العماري]

ألف مبروك للأخ/ راشد بن محمد آل سويلم والله يوفقه ويرزقه الذرية الصالحة
وبيض الله وجهك أخوي خميس على التغطية الرائعة

 

 

 

 

[معلومات العضو الحميدي الغريري]

نبارك لـ الشاب راشد بن محمد آل سويلم النتيفات بمناسبة زواجة ، سائلين المولى عزّ وجلّ أن يوفقه في حياته الدنيويّة والأخرى ونقول له : "بارك الله لهما وبارك عليهما وجمع فيما بينهم بخير" ومشكور يا أبومطر على تقديم هذا التقرير المميّز لنا عن حفل الزواج والأمسية الشعرية . وتقبل فائق التقدير والإحترام أخوك : أبومحمــد،،

 

 

 

 

[معلومات العضو عبدالرحمن بن فلاح آل بريك]

ألف مبروك للأخ/ راشد بن محمد آل سويلم والله يوفقه ويرزقه الذرية الصالحة .

كما لا يوفتني أن أشكركم إخواني الكرام على تغطيتكم لهذا الإحتفال .

وجعل الله أيامكم كلهآ أفراح .

 

 

 

 

[معلومات العضو عايض بن فهاد]

ابارك لاخوي راشد بن محمد النتيفات

على زواجة و اسأل الله ان يوفقه ويرزقه الذرية الصالحة

كما لايفوتني ان اشكر جميع القائمين

على موقع قبيلة الدواسر الرسمي على تغطيتهم

للحفل ورعاية الامسية

 

 

 

 

[معلومات العضو خالد الكبيري]

ألف مبروك للأخ/ راشد بن محمد آل سويلم والله يوفقه ويرزقه الذرية الصالحة .

كما لا يوفتني أن أشكركم إخواني الكرام على تغطيتكم لهذا الإحتفال .

وجعل الله أيامكم كلهآ أفراح .

 

 

 

 

[معلومات العضو خالد المشاويه]

ألف ألف مبرووووووووووك

لإبن العم راشد بن محمد النتيفات
والله يوفقه

والله يبيض وجيهكم على التغطية الرائعه

 

 

 

 

[معلومات العضو ابن ودان]

بارك الله لكما وبارك عليكما

وجمع بينكما في خير

كان الزواج بالفعل من أروع مايكون

وبذل الأحبة هناك جهودًا جبارة

تستحق الشكر والتقدير

وفق الله الجميع

 

 

 

 

[معلومات العضو محمد بن فهد الرجباني انتقل الى رحمة الله مساء الاحد الموافق27-11-2011رحمه الله واسكنه فسيح جناته]

الف مبروووووووووك للعريس راشدولا يفوتني الاخ ابو مطر على تغطية الحدث والادارة الكريمةتحياتي

 

 

 

 

[معلومات العضو محمد.الودعاني]

ألف مبروك للأخ/ راشد بن محمد آل سويلم والله يوفقه ويرزقه الذرية الصالحة
وبيض الله وجهك أخوي خميس على التغطية الرائعة

 

 

 

 

[معلومات العضو محمد بن حمد الشكرة]

ألف مبروك للأخ/ راشد بن محمد آل سويلم والله يوفقه ويرزقه الذرية الصالحة وبيض الله وجهك ياابو شيخة على التغطية الرائعة

 

 

 

 

[معلومات العضو أبـ ريماس ـو]

الف مبروك للعريس ولاهنتم على التغطيه



بالنسبه للمنشد فاسمه بخيت بن ناصر بن مشبب الهواشله
وليس بن محمد



تقبلوا شكري

 

 

 

 

[معلومات العضو ابونادر الدوسري]

ألف مبرووووك لخالي راشد والله يرزقه الذريه الصالحه
أهدا من رشوووووود ونادر بسم الله الرحمن الرحيم

 

 

 

 

[معلومات العضو ناصر بن فهد]

الف الف مبروك لآخوي / رآشد بن محمد ال سويلم

على زوآجه واله يوفقك ويرزقه بالذريه الصالحه ..~

ولآهنتم على التغطيه وبيض الله وجهيكم