ابـــن الـــذيـــــب

**معلومات** **العضو** · 28-02-2011, 12:56 AM

انا مانيب ماجـد ولكنـي زميلـه=وخويه الغالي وشاعر ومـن يـام
قل للعرب انتـوا عليكـم فشيلـه=ملحمه في جبهـة الوقـت لحـام
جيوشكم اطلـق شنـب ياحليلـه=مايمسح الدمعه من خدود الايتـام
وانا مانيب آدم ولانيـب وكيلـه=لكن حنا شعب مـن دون حكـام
اذا بغينـا حاجـتـن مستحيـلـه=في الليل صوام وفي الصبح صوام
نطاوع امريكا علـى كـل ميلـه=ولانعارضهـا ولـو بالتـكـلام
تخفس سعر بترولنـا ثـم تشيلـه=تبـا تحكـم فـي بلدنـا تحكـام
وايلا هرجنا قلتوا انهـا عميلـه=تشدي بها حتى قنـوات الاعـلام
لاحدن يقول ان الخليـل لخليلـه=الزير لجل كليب ضحـى بهمـام
ومن حط بيته في دروب المسيلـه=هبيل لـو تمنـه دورات الايـام
لو انه مضحي بفرد من كل عيله=التضحيـه بـاب الامـل للتقـدام
احداث سبتمبـر خذوهـا وسيلـه=فعاله لتمرير تخطيـط الاجـرام
وفي البوسنه والهرسك امه قتيلـه=والقدس والشيشان وافغان الاسلام
قالـوا اسامـه لازم انـا نزيلـه=يموت موته قاسيـه مثـل عـزام
وصدام يا اما يستقيل والا نحيلـه=والاتقوم الحـرب والوعـد قـدام
وننصب في بغداد حاكـم بديلـه=وتمشي مصالحنا بلا قيد واحكـام
حاكم هبيـل ومعطياتـه هبيلـه=نقوله روح نام ويروح.. وينـام
يا ام القرى يامنبع اهل الفضيلـه=الصمت في بعض المواضيع هدام
ياقبلة الاسـلام دمعـي حصيلـه=اما تهان في كل يومن وتنضـام
رؤوسنا تخفض والانفـس ذليلـه=راحت حضارتنا خرافات واوهام
جنودهـم نـارن تشـب الفتيلـه=وجنودنا حبر وقراطيس واقـلام
لكـن ماتـدري دعـاة الرذيلـه=عبادة الدولار وارباب الاصنـام
ان الشعـوب تحقـق المستحيلـه=وان بيننا مليون اسامـه وصـدام

الشاعر :محمد بن الذيب