شطحة جديدة لابن ... الذيب

[معلومات العضو ابوسلطان الرجباني]

كل عام والجميع بألف خير ادارة واعضاء وزوار كرام
الجميع يعلم مدى تهور ابن ...الذيب وتطاوله على الاشخاص الكبار خصوصا وكأنه لم يسمع بالمثل القائل (احذر شر الحليم اذا غضب)فمن تطاوله على امير بلادة الى تطاوله على اهل الكويت عامه والاسر الحاكمة في الخليج واخر مظاهر هذه المهازل هي قصيدته في حفل ابو ساق بنجران والتي تحمل ايماءات كثيرة ضد احد رموز القيادة السابقة بنجران وانا اذ انقل هذه القصيدة فمقصدي هو ان يعلم الاخوة مدى تهور ذلك الشاعر والقصيدة هي


ا الله ويا تالله وحـن بـك نستعيـن@ في اي وقـت وأي شكـل وأي حـال
الى سجدنـا لـك سجدنـا مخلصيـن @ وإلا دعينـا بـك دعينـاك إبتـهـال
والثانيه خذيت لـي خمسـة سنيـن@ وانا مـع نجـران قاطـع الإتصـال
إذا حصـل منـا خطـا متأسفـيـن @ وإن ماحصل من خطـا يـا همـلال
يفك سحر أبا الحصين أبـا الحصيـن @ والثالثـه بعـد دقيـق العـود مـال
النـاس هـذا لـه يقيـن وذا يقيـن @ وأطيبهم اللـي يجـوّد إيدينـي وقـال
بزينك بزينـك علـى روحـك بزيـن ًَ@ الأرض أهلها قوم ورضاهـا محـال
صاحيهـا يـدرك وعاقلهـا ذهـيـن @ والأرض ممطوره عقب طول المحـال
لا تزعل السجـان وتصيـر السجيـن @ والمجـرم اول مـا يجيـه الأعتقـال
وكـاد وإن الله خـيـر الشاهـديـن @إني ما أعنزهـا علـى جـال هيـال
إلا على نجران وأهلـه يـا حسيـن @ شواهـق منهـا ذرى ولهـا ظـلال
وش تونس الخضرا يا زين العابديـن @ الى غفـت سحابتـه والشعـر سـال
البارح الهاجـوس للمسـرى عويـن @ ونا على المسرى سريـع الإشتعـال
إذا بغيت اكتب مـا تحفظـه السنيـن @ سفحّت بالمعنى علـى ظهـر الخيـال
ومن البيوت اخترت لي بيـت هجيـن @ ومن الجزيلات أتخيـر فـي الجـزال
وسفطت بالهاجوس بيـن السايديـن @ والليل ذيبـه يعـوي ونجمـه هـلال
وصفقـت بالطـاره وركبتـه يميـن @ ودقيتهـا عصبـه وطوحـت العقـال
يا يـام أنـا ماجيتكـم ليـل الثنيـن @ الا ونا فـي إيدينكـم بيـز و جـلال
أما إذخروني فـي وجيـه الغانميـن @ ولا إزهلوني فـي الغـواري والـدلال
عبد ولو ما نـي مـن المستعبديـن @ الى غدت في جاه عـم وجـاه خـال
الله يجملـنـي مــع المتجملـيـن@ تـراه يلحقنـي ردا بعـض اللـيـال
يا امير انا من عادنـي أبـو سنتيـن @ أسوقهـا لكـن مـا أحـب الإنفعـال
ولا أنفعلـت انـي حفيـد العزوتيـن @ اللي مراقيها علـى رووس الطـوال
والشاعر اللي ينفعل فـي كـل حيـن @ على الزمان الله يعيـن ابـن الحـلال
ياكثر مـا يجـرح شعـور الطيبيـن@ لكـن تعديهـا مقـام وطيـب فـال
والإنفـعـالات الحقيقـيـه تبـيـن@ في ليلة مـا عقبهـا الا بـري حـال
المنهزم والمنتصـر يـا حـي عيـن @ امثـال والأمثـال تضـرب وتـقـال
مشاعري من صم صخرة ماش طيـن@ لعيونـك ولعيـون اهـل الإحتـفـال
قصيـدة الـذ مـن مـا الرافـديـن @ يدوي صداها كنه بـرق فـي خيـال
الى بغيت افرق عـن المستشعريـن@ ظمنتها اللي قيـل واللـي مـا يقـال
وحكيتهـا حكيتهـا حـتـى تـزيـن @ وحبكتهـا حبكتهـا حـتـى يـخـال
انـي محشـش أو مقضـم حبتـيـن @ ونا مـن اهـل الأدعيـه والإبتهـال
شاعر الى غنيـت والمعنـى دفيـن@ لو كان به شيطان مـا عيـن مجـال
دايم من العـد الـروى آميـح ليـن@ ما عاد يبقى من جذام الحثال الا الحثال
حللـت اهـلا يالأميـر اللـي نديـن@ لـك بالمـوده والمحبـه والوصـال
يامرحبـا يـا مرحـبـا ترحيبتـيـن @ وكـل ترحيبـه لهـا وجـه ومقـال
ترحيبة تفـرح بهـا قلـب الحزيـنً@ وترحيبة فيهـا غنـج بنـت الـدلال
ولبيـك لبـايـة يتـيـم الوالـديـن@ اللي تعيضـه وقفتـك عنـد السـؤال
تصافحك كـل القلـوب إبـلا يديـنًَ@ وتحتضنك قلوب النشاما مـن خـلال
نجران واللي فـي طرفهـا ساكنيـن@ اللي ولاهـا لـك ولا ترضـى بـدال
الطيب ورث ابـوك ولجـدك رهيـن@ والمدح من تقديـر ننظمـه إرتجـال
إن لم تكن لجلك ضعـون الراحليـن@ فمن لغيـرك قـد يكـون الإرتحـال
ورجال يام نصر دنيـا ونصـر ديـن@ لا تخذلـك ولا تـعـرف الإنـخـذال
هي يسـار يسـار والا اللـي يميـن@ واللي مقيمه في الجنوب وفي الشمال
واحد على طول الزمن ماهـم ثنيـن@ إن كان هم في سلـم ولا فـي قتـال
ودك بهـم محـزم لقـا ولا يمينـ @ يميـن رجـال لمـا انـه قـال طـال
من عند حد المملكـه جنـوب ليـن@ تفرق صلاف القاع من ليـن الرمـال
الى التقـت هـدارة المجلـس نبيـنَ@ يوم اليمن يشكو ظـروف الإنفصـال
الـى عفينـا نعفـو وحـن قادريـن@ وإذا بطشنـا مـا بطشنـا بطـش ذال
إن ركـدت حنـا مـن المتوكلـيـن@ وإن قنبعت ما حن من أهـل الإتكـال
الله خلقـنـا للجـويـر وللزبـيـن@ وللأرمله وللي عليـه الحـال مـال
من القطين نصدر أصحـاب القطيـن@ ومن التلال نحـول أصحـاب التـلال
الى عطينـا مـا عطينـا الا الثميـن @ وإلا خذينـا مـا خذينـا الا حــلال
لكن لا فاض الما على صاع الطحيـن@ لعيون من يقبـع عليهـا كـل شـال
نثـور البـارود و نشمـه خنـيـن @ حنا عيال الشايـب اللـي لـه عيـال
مـن دون هيبتنـا وقفنـا صامليـن @ رجال والماقف مـا يبغـى الا رجـال
واللي ما ياقـف دون حقـه باليديـن@ دون البلد ما هو موقف في اي حـال
وانا بمـدح المكرمـي جنبـي متيـن@ لازلـت اقـول انـه كفـو ولا يـزال
هو شيخنا لون نختلف في المذهبيـن@ نبيـنـا محـمـد و مـذنـا بــلال
ويعيش ابوساق وتعيـش الحاضريـن@ شيوخ يام اللـي لهـم قـدر وجـلال
اللي يبي سلمه علـى ربعـه مكيـن@ لحمولهـم يبـرك مباريـك الجمـال
وان كان منت بشيخ فعل او شيخ@ دينعيب عليك انك تسمّـى شيـخ مـال
الشيخـه شـداد الشيـوخ الأوليـن@ لاهـي بالدرهـم ولاهـي بالـريـال
وخريم شيخ وشيختـه فعـل سميـن@ ماخـوذة بالسيـف وحـداب السـلال
وريال مدريد انهـزم خمسـه ثنيـن@ وحنا سبـب خسـارة مـدرب ريـال
قعد يجـرح خاطـر الجمهـور ليـن@ ثارت عليه اعصابهـا ليـن استقـال
ياقو ذا البيتيـن عنـد اللـي فطيـن@ وياضعفها ضعفاه عند اهـل الهبـال
وفي ظـل حكـام الجزيـرة قانعيـن@ ان الحـكـم لله وحــده ثــم لآل
ال السعود اللي لهـم فـي القبلتيـن@ مواقفٍ تنحـت علـى صـم الجبـال
في ظـل عبـدالله وسلطـان الاميـن@ ونايف وسلمان وحميديـن الخصـال
ياللي قريتوا في ريـاض الصالحيـن@ نبينـا الهـادي محمـد ويـش قـال
طاعة ولي الأمـر نهـج المومنيـن @ وحنّا لجانـا الأمـر عنـد الإمتثـال
وعلى معزي رحمة الوالـي واميـن @ اللـي حكمهـا بالقنـا والإعـتـدال
والأربعيـن الاربعـيـن الأربعـيـن @ اللي مع جـدك معـزي يـوم صـال
نصيبنـا منهـم معـا جـدك اثنيـن@ وحوادث التاريـخ مـا تبغـي جـدال
وفي حب ابو متعـب ترانـا مدمنيـن@ وإدمانـا بيـن الصحـاوه والهـبـال
والحب مـا تفرقـه عـن الهيرويـن@ يلعب براعيّـه علـى سبعيـن جـال
قـدام تسـأل عـنّـه المتفقهـيـن @ الثانـي محـرم لكـن الاول حــلال
وامثالك نـدور عليهـم بـس ويـن@ ياامير عيـا الوقـت يعطينـا مجـال
في ذمتي لو حن نعرفك مـن سنيـن@ لعيونـك نسـوق الركايـب للشمـال
حتى نوقـف عنـد امـام المسلميـن@ ونصيح بااعلى الصوت يامشعل تعـال
ويامرحبا في كل قلـب وكـل عيـن@ ويامرحبا في كل وقـت وكـل حـال





ودمتم بخير
محبكم/
ابوسلطان الرجباني

 

 

 

 

[معلومات العضو ناصر الخبر]

ابو سلطان الرجباني لاهنت يالغالي ............>

 

 

 

 

[معلومات العضو ابوسلطان الرجباني]

اهلا بك اخي ناصر وكل الشكر للمرور الكريم