قصيده تليق .. بفهد بن هادي !

**معلومات** **العضو** · 30-08-2009, 09:26 PM

السلام عليكم

والشهر مبااارك وصوم مقبوول ان شاء الله

رااائعه من رواائع الشاااعر/ حسن بن محمد الودعاني ( الوحيد)
بشخص يستحق وماللنااس الا السمعه الطيبه والذكر الحسن
وتجسد ذلك بقصيدة ابن بطحيه بالاستااذ/ فهد بن هادي الغريري

ويستااهل

توااضع وحسن خلق وصفاات طيبه افتقدها الكثيرين مع زحمة الدنيااا
اعجبتني وحبيت نقلها لكم..

يامبهرالكيف بالله زود اقناده =من غالي الهيل تكفا ظبط اقنادي
مادام عذب القصيد يحن رعاده = يهزني لادوى للشعر رعادي
اغلا القصايد قصيد حان ميعاده =ذا اليل ليله ولي ياه ميعادي
من حول تقريب خمس اسنين وزياده =ابغي قصيده تليق بفهد ابن هادي
ويردني هاجس خافي ونقاده =ياكثرتأويلهم لو رايهم غادي
واليوم ياساس بيت العز وعماده =ماهمني لامدحتك هرج حسادي
الشاهدالله ويشهد خيرة اعباده =في الله احبك ولالي قصد ومرادي
وان كان للجود قمة مجد وسياده =فالجود ورثك ولاله غيرك اسيادي
في ذمتي يابوراشد طيب العاده =من طيب راسك لك الامداح تنقادي
ياسيف ربع على الامجاد معتاده =لاد الغريري لهم صولات وامجادي
ايه اغرره لاعقد بالحبل عقاده =تحل صعب العقد والوضع معتادي
العزوه الي نهار الحرب وراده =تجيك بحشودها للموت ورادي
حكيم راي وساس الطيب فاجداده =لاعدو اهل السوالف طيب الاجدادي
شيخ من الراس رايه يقدح زناده =عون ابن عمه وذخر وستر وسنادي
نار المراجل بيمنا القرم وقاده=في كل ظلع طويل لظيفه اتنادي
نبل المكارم عليها ثبت اشداده=بيض المفاخر رقت به قمة الوادي
والدين ذروة سنام فاز مرتاده=نوره تجلا بوجهك يافهد بادي
اقولها وانت ماتحتاج لااشاده=اسمك وفعلك ينومس كل قصادي
وختام هرجي يابوراشد ومسناده=حضرة جنابك بريح المسك والكادي

**معلومات** **العضو** · 30-08-2009, 09:52 PM

صـــــــــــــح لساانك ولسان شاعرهــــــا ,,,,,,,,

**معلومات** **العضو** · 30-08-2009, 09:53 PM

يعطيك العاااافيه على النقل ...

**معلومات** **العضو** · 30-08-2009, 09:56 PM

صح الله لسان الشاعر حسن بن بطحية ويستاهل ابو هادي وهو كفوووووو للمراجل والعلوم الغانمة

**معلومات** **العضو** · 30-08-2009, 10:30 PM

اقتباس:

المشاركة الأصلية كتبت بواسطة برنسيسه الريــــاض

صـــــــــــــح لساانك ولسان شاعرهــــــا ,,,,,,,,

ولسااانك يااميره الرياض بكبره
منوووره

**معلومات** **العضو** · 30-08-2009, 10:42 PM

لاهنت يالكنج وبيض الله وجهك

وصح لسان بن بطحيه ويستاهل ابو راشد

**معلومات** **العضو** · 30-08-2009, 10:46 PM

محجوز

**معلومات** **العضو** · 31-08-2009, 10:12 AM

لاهنت يالكنق وصح لسان الشاعر حسن ويستاهل

ابوراشد وحمولته.ولك غيبه يالكنق معاد شفتك

واناوالله حبيتك من اسلوبك الراقي اللي له نصيب من اسمك

والله يوفقك اينما كنت ويديم عليك الصحة والسعادةآآآآآمين

**معلومات** **العضو** · 31-08-2009, 09:56 PM

اقتباس:

المشاركة الأصلية كتبت بواسطة خيالية

يعطيك العاااافيه على النقل ...

يامرحبا ومسهلا بالخياليه
الله يعافيك والشهر مبارك
ومنووووره

**معلومات** **العضو** · 31-08-2009, 09:58 PM

اقتباس:

المشاركة الأصلية كتبت بواسطة محمد بن حمد الشكرة

صح الله لسان الشاعر حسن بن بطحية ويستاهل ابو هادي وهو كفوووووو للمراجل والعلوم الغانمة

هلاوغلا بمحمد
ولاهنت على الشعور الطيب
ومنوووور يامحمد

**معلومات** **العضو** · 31-08-2009, 10:00 PM

اقتباس:

المشاركة الأصلية كتبت بواسطة الزين

لاهنت يالكنج وبيض الله وجهك

وصح لسان بن بطحيه ويستاهل ابو راشد

مرحبا الف بالزين
ومن يقووول
منوره بتواصلك وياهلا

**معلومات** **العضو** · 31-08-2009, 10:02 PM

اقتباس:

المشاركة الأصلية كتبت بواسطة نايف الخييلي

محجوز

الصفحه وراعيها وكل مافيها لعيوونك نايف

اهم شي طخمتك هونيييا

**معلومات** **العضو** · 31-08-2009, 10:47 PM

صح لسان ابن بطحية

ويستاهل ابو راشد الطيب

ولا هنت يالكنق على النقل وعسى عمرك طويل

تحيااااااااااتي لك

نايف ابن شميعان

**معلومات** **العضو** · 01-09-2009, 01:21 AM

صح الله لسان الشاعر حسن بن بطحية ويستاهل ابو هادي وهو كفوووووو للمراجل والعلوم الغانمة

**معلومات** **العضو** · 01-09-2009, 02:19 AM

اقتباس:

المشاركة الأصلية كتبت بواسطة نادر الناهشي

لاهنت يالكنق وصح لسان الشاعر حسن ويستاهل

ابوراشد وحمولته.ولك غيبه يالكنق معاد شفتك

واناوالله حبيتك من اسلوبك الراقي اللي له نصيب من اسمك

والله يوفقك اينما كنت ويديم عليك الصحة والسعادةآآآآآمين

ناااادر تراي اتشقق لسمعت المدح من قل ماامدح من احد

وشكلي بقوم اهايط لك

هههههههههههه
اخوي ناادر اول شي مشكور وهذا من حسن خلقك وذووقك
واذا اسلوبي اعجبك فوالله انه تلقائي ومن جوشني اللي بالجوشن اطلعه

وماعليك زود والله يرحم والديك على الدعوه الحلوه برمضاان
وممنوون لك اخوي ونورتني ونورت الصفحه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية