من بطولات وسوالف الوداعين الجديده

[معلومات العضو مجري الهياب]

كلنا يذكر حادثة غرق السفينة المصرية السلام 98 قبل ثلاث سنوات تقريبا وبعض قصص الغارقين والناجين منها ولكن للاسف هناك قصة بطولية لم تاخذ حقها من الاعلام وهي قصة البطل/ سعد بن حباب بن فياض ال ضويان الوداعين الدوسري أهل السليل الذي كان على متن تلك السفينة وعندما غرقت بمن فيها قام بانقاذ فتاة كانت ستغرق لولا حميته وشهامته يوم سمع استغاثتها فقام بنجدتها حيث طلب منها التشبث به حتى قام بإنقاذها وأنجاهم الله جميعا من الغرق ,وبهذه المناسبة قال الشاعر/ ابراهيم بن ذيب آل عريمة الوداعين الدوسري بمناسبة حفل الدواسر الذي اقيم في منطقة النعيرية ويمتدح فيها قبيلته ويرحب بهم ويذكر بعضاً من سوالفهم ويذكر فيها قصة الأخ /سعد بن حباب آل ضويان الودعاني صاحب الموقف البطولي والذي يعد مكملا لسوالف الوداعين التاريخية الخالدة , وللشاعرابن عريمه بيض الله وجهه الاسبقية في ايراد هذه القصة واليكم القصيدة:

اخير مابـدي بـه علـى كـل مقصـود=ذكر الإلـه اللـي خلـق سبـع الاكـوان
ثـم الصـلاة عـداد مـا هبـت النـود=علـى النبـي الهاشمـي نسـل عدنـان
وخـلاف ذا بابـدي وبابـيـح ســدود=بيـوت شعـر(ن) مالهـا اليـوم كتمـان
برحّـب بربعـي هـل الطيـب والجـود=ترحيب صافي قلب مـن صـادق لسـان
فيا مرحبا مـا مـرت البيـض والسـود=بمن سطروا في صفحـة المجـد عنـوان
يـا مرحبـا مليـون بالـعـد وتــزود=باللآبة اللي فـي العـرب شانهـم شـان
دواسر(ن) كنيـو علـى دوسـر العـود=اهـل الفعـول مطوعـة كـل فسـقـان
حنـا الدواسـر طيبنـا ترثـة جــدود=متوارثينـه مــن مناعـيـر جــدان
من جود ربـي نكـرم الضيـف ونجـود=في حاضر الطفرة وفـي غبـر الازمـان
وبالسيف نحمـي طـارف الحـد ونـذود=وصيّـة الجـدّان فـي رسـوم الاوطـان
يشهـد لنـا التاريـخ والعالـم شـهـود=بفعايل(ن) معهـا علـى الحـق برهـان
لو قلت ما تحصى فـلا جيـت فـي زود=ولا نيـب لا مخطـي ولا نيـب غلطـان
فعايـل(ن) مـن روضهـا بقطـف ورود=ورده على مـا قيـل مـن كـل بستـان
الأوّلــه حـنـا ذرى كــل مـطـرود=لـو كـان طلابـه زعيـم(ن) وسلطـان
و حنا ودينـا الجـار مـن جـدر مهـدود=من غيرنا يادى مـن اسبـاب جـدران؟
وحنا شهاب الحرب والثار مردود=ضاقت في (وادي برك) خيل بن بدران
وحنا ملكنا الهضب وحنا له حدود=حده مخاريم الطنخ نار الاكوان
وحنا الخوي لاخـان بـه خايـن عهـود=ياخـذ بثـاره دانـي النـاس واخــوان
والريشة اللـي جـا لهـا يـوم مشهـود=وخذت مـن الشيخـان بفعـول شيخـان
وجمالنـا بالحـرب ترثـع بهـا قـيـود=يشهد بهـا الفرسـان فـي كـل ميـدان
وبـدّ القبايـل حـن لنـا سبعـة فهـود=من اربعين(ن) داهمـوا قصـر عجـلان
واخـر مواقفنـا فعـل كاسـب الـفـود=ابن حبـاب اللـي رقـى راس مـا بـان
يـوم انتخـت مـا بيـن فاقـد ومفقـود=بنت(ن) تشوف الموت شوف(ن) بالاعيان
في موقف(ن) يبغـى شجاعـه ومجهـود=وعزم وصلابة راس واحسـان وايمـان
قال ابشري بالعـز وعضـودي عضـود=نعيـش ولا نـمـوت سـيّـان سـيّـان
ولو كـان خلاهـا فـلا هـوب منشـود=مـيـر الحمـيّـة ماتخـلـي كحـيـلان
ثم شالها والمـوج يزمـي كمـا الطـود=والنـاس حولـه بيـن هالـك وغرقـان
والطيب عند النـاس ديـن(ن) ومـردود=والاحسان عنـد الله يجـازى بالاحسـان
والله عطانـا حـب الاســلام ونــذود=عن حوزته بالسيـف الاملـح وبالـزان
وان كان به من يحسـن الظـن بحيـود=فحنّا على التوحيـد شيـب(ن) وشبـان
من فضل ربـي ركـع(ن) دوم وسجـود=يوم ان بعض النـاس يجهـل بالاركـان
يشهد بهـا فلبـي قبـل سبعـة عقـود=ينطـق بهـا دفتـر وصفحـه وديـوان
وحنا لنـا عـادات نرقـى بهـا سنـود=نسبق على العليـا شبـاب(ن) وشيبـان
مجالـس(ن) مـا البـاب فيهـا بمـردود=لا كنّـهـا مبنـيّـة(ن) دون بـيـبـان
لعـب الـورق فيهـا رزيّـه ومنـقـود=وما تعرف الشيشـة ولا شـرب دخـان
دخانهـا عـرن الحطـب وازرق العـود=وبرية(ن) تجلـى عمـس كـل عمسـان
وحيل(ن) الى من علّقـت تكسـر العـود=ولا على كبش(ن) سمين(ن) من الضـان
هذا مضـى والقـاف حاضـر وموجـود=خلونـي ابـرد حـر كبـدي بالالـحـان
ما كل يـوم(ن) عيـد ياخـوك ياحمـود=ميـر اتركـونـي والقـوافـي والاوزان
ابـرد بهـن كبـود واحــرق كـبـود=وارضي بهن اصحاب واغيـض عـدوان
واذكر بعض ما دار فـي البـال واعـود=للآبة اللـي شانهـم فـي العـرب شـان
واذكر بعض ما جـاد بـه خيـر معبـود=علـى هـل العـادات ذربيـن الايـمـان
الله عطانـا المـاء مشاريـع وعــدود=حلو(ن) قراح(ن) مثـل هتـان الامـزان
والله عطانـا اللـي تهـزع مـن النـود=هدب الجريـد اللـي ثمرهـا لـه الـوان
والدوسـري ذوده يجـي خيـرة الـذود=عنـد القبايـل مـا تـقـدر بالاثـمـان
ومضامي(ن) بيد(ن) الى مـا لـه حـدود=شرق وشمال وغـرب وحـدود نجـران
ومادامهـا مـيـراث والــد لمـولـود=فانا العريمـي صلـب ناصـر وودعـان
اهل الحميّة سعـد مـن كـان مضهـود=ولا خير في قول(ن) غلى غيـر برهـان
يشهد بهـا راعـي المعـم ابـن عبـود=يومـه يهـوز الـدار بثيـاب الاخـوان
هدّف على الفرعـة رجـال آل مسعـود=لعلّهـا تصـبـح مـقـر(ن) لقحـطـان
مير اعتـرض دربـه صناديـد ويسـود=واجلوه والراضـي مـن القـوم زعـلان
هـذا وصلـوا عــد وارد ومــورود =علـى النبـي وزبـدة الهـرج نيشـان

 

 

 

 

[معلومات العضو الدوسري هديان]

بيض الله وجهك وصح السان الشاعر
وعلوم الوداعين غانمه اول والحين

 

 

 

 

[معلومات العضو الجراح]

الأخ محمد اليهاب بيض

 

 

 

 

[معلومات العضو الجراح]

الأخ محمد الهياب بيض الله وجهك على السالفه اللي يفخر بها كل دوسري وصح لسان الشاعر ابراهيم بن ذيب آل عريمة على القصيدة الطيبه الجزله وهذا علم الوادعين غانم من اول وتالي وتقبل مروري كل الشكر والتقدير

 

 

 

 

[معلومات العضو ضامي]

والله والنعم في الوداعين

احرار من نسل احرار

 

 

 

 

[معلومات العضو العماني]

بيض الله وجهك اخوي مجري الهياب على ايراد السالفة والقصيدة

وصح الله لسان الشاعر الكبير ابراهيم بن ذيب آل عريمة

وعلوم الدواسر ولله الحمد طيبه أول وتالي

تقبل تحياتي،،

 

 

 

 

[معلومات العضو ضامي]

تكفون يالاد زايد عطونا من هالسوالف الجديدة اللي تنومس


ركزنا على السوالف القديمة ونسينا التالية ومعذورين وش نعد وش نخلي

الدواسر اول وتالي علومهم وافية

 

 

 

 

[معلومات العضو يحيى الودعاني]

كفو و الله بالرجال

بيض الله وجهك على النقل الطيب


لاهنت

 

 

 

 

[معلومات العضو راشد المسعري]

لاهنت يامجري الهياب وبيض الله وجهك على الموضوع الطيب ويستاهلون آلاد بو ودعان مرخصة العمار ، علومهم طيبة أول وتالي وهم أهل السلوم الطيبة ويفخر بها كل دوسري ، يستاهل ابن حباب أن يذكره الشاعر بهذا الموقف لاحرمه الله أجره.
تقبل ودي وتقديري ،،،

 

 

 

 

[معلومات العضو مجري الهياب]

الدوسري هديان شكرا لك على المرور ووجهك أبيض الله يبارك فيك وماعليك زود تحياتي وتقديري لك

 

 

 

 

[معلومات العضو فرحان فهد ال فرحان]

لاهنت على هالقصيده التي توثق فعل سعد بن حباب ال ضويان الودعاني
والقصه تنومس كل محب للقبيله ولفعل الخير
وقد سمعتها منه شخصيا
وهو رجل ذو خلق وشجاعه
وصح لسان الشاعر بن عريمه على هالقصيده

 

 

 

 

[معلومات العضو حازب الووودعاني]

صح الله لساااااااان الشااااعر

وبيض الله وجيه ررربعي

فعلهم ينووومس الاول والتااالي

تتحياتتي

 

 

 

 

[معلومات العضو مجري الهياب]

الاخ الجراح مشكور على المرور و يستاهلون الوداعين وماعليك زود تحياتي وتقديري

 

 

 

 

[معلومات العضو مجري الهياب]

الاخ ضامي الله يبيض وجهك على مشاركاتك الثنتين وابشر باللي يسرك ويروي ضماك يالغالي وماعليك زود تحياتي وتقديري

 

 

 

 

[معلومات العضو مجري الهياب]

الاخ ريس مجلس الادارة هايف العماني بيض الله وجهك وشكرا على المرور وماعليك زود ويستاهلون الوداعين علومهم طيبة اول وتالي تحياتي وتقديري لك