السلام عليكم ورحمه الله وبركاته
يسرني ان اقدم لكم هذه القصائد للشاعر الكبير محمد بن عباد السلولي
قالوا العربان صاحبك الاول وين راح ؟@ قلت صحبة ذا ومثله مهيب مشرفه
راح جعله روحة الطير خفاق الجناح@ والتقاه اللي يحبه عساه يخرفه
لايحسب انه حسرني نزوحه يوم زاح@ وان دمعي كل يوم عليه اذرفه
مافقدت الا الغثا والمشاكل والصياح@والردى اللي فوق راس اللسان مطرفه
كل يوم والخواطر يمليها جراح@ المزاج يعكره والكلام يحرفه
مثل هذا افرح لياراح وابشر بالفلاح@ كل ماقفت به ركاب الزمان مهرفه
علم اللي تو مازاف له عشب المراح@ لايغره لو يشوف الغصون مورفه
الوخام وعشبة الدار مافيها صلاح@ ان عرف ولا لابد الزمان يعرفه
من كفاه الله شر المخاليق استراح@لو مايملك غير شي بسيط يصرفه
.................................................. ....................................
مايـوسـع ضـيـقـه الـبــال لا مـنــه انـعـفـس@غير شوف الروض والبل واباكير الغروس
ولا يـقــرب سـاعــه الـهــم ويـتــك الـنـفـس@غيـر ممشـا الوقـت ومقابـل ثقـال النـفـوس
والرفيـق الـلـي لـيـا طـالـت الرفـقـه جـفـس@خيـر لـك مـن رفقتـه قلعهـا قلـع الضـروس
مـن رداتـه لـو تضـفـه عـلـى كـبـدك رفــس@مايفيـد مـزارق الطيـب فـي العيـر النكـوس
الحسـود اللـي ليـا شافـك بخـيـر(ن) طـفـس@دايم(ن) وجه من الحقـد والحسـره عبـوس
القـوي مـن الجـن لا قلـت بـسـم الله خـفـس@والردي من الانس دايم على كبـدك يحـوس
.................................................. ....................................
تبي تفهم المنطوق ياسامع المنطوق@ انا إياي واوضاعي على حالها هي هي
عليه حقوق ولي على الطيبين حقوق@ وعلى غيرهم مالي عتاب ومشاريهي
سؤالك غريب وقصتك وضعها مرفوق@ جناح وخف لانعامه ولاتيهي
تدور علوم عنك بعد السماء اللي فوق@ تمنا وغرتك المناوي لكن هي هي
بعيد تداركها على الشارب المحلوق@ تريح وتكفيك العيال المداليهي
يقولون في الامثال تبغا الحقوق حلوق@ ولايوجد الكمبود في سوق ترفيهي
.................................................. ....................................
الا يا رسولي بلغ الجاهل البري @ قبل لا تفوته فرصه العمر مادرا
حلات العمر مبداه ونهايته شري @ ليالي العنا قدام وسرورها ورا
ومن عاش في الدنيا مع الناس ما صري @ وكل(ن) على ما الله كتب له وما جرا
لكن السعيد اللي توفى وهو طري @ ماشاف العزاير في حياته ولا هرا
.................................................. .................................................. ..
ليتني ما جيت للسوق عاني يا بطي @ ولا لقيت اللي غرامه على قلبي سطا
جادلٍ من يوم شفته ونا رايح وطي @ لا سقا الله يا بطي شوفته عقب البطا
ذكرتني ما مضالي وصحي وغلطي @ وفز قلبي له كما فز مذعور القطا
يوم مر وشافني قام يقصر في الخطي @ ويتهزع في مسيره ويدرا ما وطا
يحسب انه يرحم الناس بالمشي البطي @ مادرا ان موت العشاشيق قصار الخطا
رحت منه وراح والقلب مدري وش عطي @ المهم انه خذا القلب والله اللي عطا
مايقول ان حب تلعات الاعناق خرطي @ غير منهو عن هواهن على قلبه غطا
.................................................. ....................................
على وين ياللي تحسب الناس مايدرون@تحاول تكون من عدم شي ماكون
على الهون لاتبحث خفايا العرب بالهون@ ترا كل شي صار محفوظ ومدون
ولاينجحدعلمٍ عليه العرب يوحون@ وحذفات القفا في ساقة الذيب وش سون
ومن حط راسه تحت حد الشبا المسنون@لايامن عواقب سلة السيف لاكون
ياكم واحدٍ في عينه الناس مايسوون@ولامسوا بطانه عيال النساء هون
هروج تزبر في المجالس ولابه لون@ان قاموا العرب ماقام وان قام ماعون
عذوق النوامي تختلف في الطعم واللون@ويطيب االبلح ويزين والشيص مالوّن
.................................................. .............................................
لابغيـت آســج واســلا مــع نــاسٍ سـلـو @ وآتنـاسـى واقــع الـحـب الاول وانـتـهـي
رد عـيـنـي للـشـقـا واحـــدٍ لاقـــال الـــو @ كـن قلبـي بيـن الاضــلاع فـيـه منبـهـي
تــل قلـبـي بـالـمـوده كـمــا تـــل الـدلــو @ لاجذبـهـا راهــي الـزنـد بالـجـم الـرهـي
يالطيـف الـروح سـلـم الـكـرام الـيـا ولــو @ يرحمون الشعب ويشرهون المشرهـي
وانت يامجمـول شعبـك عـن الديـره جلـو @ من قساوة حكمك اللي عليهم عنجهي
الا انـا لاعـذربـوا فـيـك قـلـت الـهـم ولــو @ كل نفس ٍ مثـل ماقيـل واللـي تشتهـي
حــاول انـــك مـاتـطـول غـيـابـك يـاحـلـو @ والله اني مخطـر ٍ مـن فراقـك لااشتهـي
.................................................. .................................................. ........
جيت من بيشه على جده على القيصومه @ واللزوم اللي جذبني يم حفر الباطن
احمل زهور الربيع وورده وقيصومه @ للصديق اللي نحبه في العلن والباطن
المسافات الطوال ظهورها مقصومه @ لجل ابو سلطان كني في الشمال مواطن
هيلعٍ من كبر هقواته تموت خصومه @ وريهجان من رهاوه ماه كلٍ قاطن
كل صفحه مجد ببهامه بدت مبصومه @ تستضيح لكل عين وكل قلب(ن) فاطن
مانفخ راسه على ربعه ولا لغصومه @ ولا شطن قلبه عن دروب المراجل شاطن
ولا خذا عرفه من اهل السيره الموصومه @ لا ارسطو لا فرويد لا كلام فلاطن
من مناهج حرب واهل السيره المعصومه @ هل مواط(ن) في مواحيل الردى ماياطن
.................................................. .................................................. .......
قالوا لـي امـدح فـلان وقلـت انـا آسـف @ مـدح علـى غيـر ماجـوب الثـنـا حـسـره
مايقبل المدح وجه(ن) مظلم(ن) كاسف @ قصايـد الـمـدح فــي الـرديـان منكـسـره
للمـدح مايصلـح الا مـثـل بــن عـاسـف @ خيال قحص المهـار الحـرد خـو عسـره
والا الحكيـم المسـمـى للشـحـم نـاسـف @ للضيف فوق الصحن في الليله العسره
مهجي طروش الخلا في ليلها الغاسـف @ يــوم الـعـرب ماتـلاقـي حـبــة الـبـسـره
ذا للكـرم عاسـف وذا للـرمـك عـاسـف @ والا فـبـاقـي الـمـراجـل كـلـهــا يــســره
.................................................. .................................................. .....
ياهل الحلال مدورين المكاسيب@ ودوا جلايبكم لسوق النقيعي
سوق الرجال مربحين الجلاليب@ شراية اللي جالبه مايبيعي
يبغا الثمن مطبوق يملا به الجيب@ ماضم به باقي القراش القطيعي
معلفه لمتعبين القصاصيب@ خطر عليه من الشحم لايميعي0
وليا طمعتوا في خيار المعازيب@ انصوا البيوت اللي كنفها و سيعي
تلقون حسنين النبا والتراحيب@ سلولي تلقون ولا منيعي
من دون نقص في القبايل ولاعيب@الطيب سلم للقبايل جميعي
08-12-2011, 02:14 PM
عباديات
العرض العادي
