اونس بصدري

[معلومات العضو تآج روس السلاطين]

السلام عليكم ورحمة الله وبركاته

اخواني في منتدى الدواسر الكرام
اهديكم هذي القصيدة وهي للشاعر سليمان ابن ابراهيم الوابصي البلوي ارجوا ان تنال رضاكم.



اونس بصدري مثل صلوالهايب
لولا المزاري لرْفع الصوت واصيح

ظروف تنحاني على غير طايب
وظروف اصلحها ولا فاد تصليح

مابي غرام أمشطات الذوايب
أقفا الشباب أقفاي ريشن مع الريح

خمسين عام ومفرق الراس شايب
ياليت راس المال دون المرابيح

دمعي جرى من موق عيني سكايب
من جورهم أتجرح القلب تجريح

كني غريب الدار ماله قرايب
جر الونين ونوم عينه شلافيح

يشكي من الاوجاع وفرقا الحبايب
ليله ظلام وطافيات المصابيح

اضحى طعامي كنه المر ذايب
واصبح قراح المي مثل المرازيح

وين الصديق اللي عن النفس نايب
يفهم هواجس خاطري دون تلميح

يا راكبين اكوار عوص النجايب
علمي وداعه ياهل الفطر الفيح

ألْيا لفيتو ريف هزل الركايب
قولوا لكساب الثنا والتماديح

سبعة عوام وعام وين انت غايب
والهم يجلدني وانا اقوم واطيح

كم ينجبن سود الليالي مصايب
ولو نعتبر محنا عليها مشافيح

يامحتزم بالعزم عند النوايب
يامعدل القيفان بالسر لا تبيح

يشمت من العدوان بك نذل خايب
هماز بالمجلس هروجه تصافيح

ازبن على الوهاب جزل الوهايب
ناجه بجوف الليل حمدٍ وتسبيح

بوقت الرخا ناجه ووقت الكرايب
ينقذك يالغرقان من غيهب البيح

يا الله يا مذري نسيم الهبايب
وسع فججها للوجيه المفاليح

لوني ضمنت ارضاك ما نيب هايب
غدر السنين العابسات المكاليح

صلاة ربي عد وبل السحايب
على نبي ٍ وضّح الدين توضيح

وسلامتكم

 

 

 

 

[معلومات العضو تآج روس السلاطين]

قلته وانامن لابةٍ تحمي الدين -- يوم الوغا كلن يشرف بسيفه

ربعي بلي في ماقف العز ظفرين--- ارداهم اللي ماشكى الجوع ضيفه.. && ولا عليكم زود تحياتي للجميع

 

 

 

 

[معلومات العضو راشد المسعري]

قلته وانامن لابةٍ تحمي الدين -- يوم الوغا كلن يشرف بسيفه

ربعي بلي في ماقف العز ظفرين--- ارداهم اللي ماشكى الجوع ضيفه


كفو بك وببلي وصح لسانك ولسان الشاعر ملايين
ابدع في هذه القصيدة الجزلة
تقبل ودي وتقديري ،،،،

 

 

 

 

[معلومات العضو تآج روس السلاطين]

ماعليكم زود ياالمسعري صح ابدانك والدواسر لهم معزه خاصه ولايهون باقي القبايل اخي راشد مداخلتك شرف لي تحياتي لك