قصيدة فهاد بن مبارك ال ناهش بمناسبة حلول شهر رمضان

[معلومات العضو فهاد مبارك آل ناهش]

السلام عليكم ورحمة الله وبركاته

كل عام وانتم بخير والشهر عليكم مبارك ..

هذه اول مشاركه في منتداكم المميز وهي قصيدة تهنئه بمناسبة حلول شهر رمضان الكريم .. اعاننا الله وياكم على صيامه وقيامه

وأرجوا ان تحوز على رضاكم ..

سجّـيـت فـكري بـروضـه مابـهـا دوعــــــــي = ونوج النواوير مع نسماتها ايثوعـــــــــــــي
في حاجر(ن) معشب(ن) بالورد والـزهــــــر = اقـطـف زهـور القـصـيـد امدون ارموعـــــي
وزافـت بـنـات الفكـر فـي كـاغـد الــــــــورق = تـثـمر بيـوت الشعر في صلب موضوعــــــي
الناس شفـقـين في بـيـع(ن) ومـشـتــــــــرى = من كـلّ شـيي(ن) شروا بالشكل والنوعــــي
لجل الصـيام اجـمـعـوا زاد(ن) ومــــــــزودة = كـنّ ارمـضان(ن) بياكـلهـم مـن الجـوعـــــي
والعاقـل اصــبح مــع الخـبلان يلـتـغـــــــــف = يجمح معا من جمح طفق(ن) ومصدوعـــــي
يجدل مـن المونه احمـول(ن) من الغـــــــــذا= كـنّه مـــن الـتهـلكـه درك(ن) ومـفجـوعـــــي
هــم يحـسبون الـرزق يــفـنى وينـقـطــــــــع = والـــرازق الـلـه ولا رزقـــه بـمقـطـوعـــــي
وانـا عـلـى تهـنـيـة ربــعـي بصـومـهـــــــــم = اســابـق الريـح مــن شـوقـي ومـلـتوعـــــي
واقـــول يـاربّ بـلّـغ كـــلّ مـــنّ نـحـــــــــــب = صــوم الشهر والعـمل بالخـير والطوعــــــي
وازكـى سـلام(ن) يــعـطّ ابـعابـق العـطـــــــر = عــــــدد نجوم المِجرّ لصـفـوة اربـوعـــــــي
يـقـولها اللّـي سـبـح فــي غــبّـة البـحـــــــــر = ويـارد على الجـمّ يجـغـم مـنـه قرطـوعـــــي
وصلوا عـلى المصطفى هو خاتم الرســـــــل = سـيـد البـشـر كـلّهـم هو خــيــر مـتبوعـــــي
اعـــداد ماناضــت ابــروق وتـشعـملـــــــــت = في عرض نوّ(ن) نصوب(ن) سيله ايروعـي
واعداد هـملـول صيف(ن) يغـرق الوطـــــــا = تــصـبـح بـلاقـع قــفـوره كـنّـهـا ازروعـــــي

 

 

 

 

[معلومات العضو راشد المسعري]

اللهم صلي على محمد وعلى آله وصحبه وسلم

أرحب يافهاد ، صح لسانك وسلمت يالجزل

والشهر عليك مبارك

 

 

 

 

[معلومات العضو شافي بن راشد النتيفات]

والعاقـل اصــبح مــع الخـبلان يلـتـغـــــــــف = يجمح معا من جمح طفق(ن) ومصدوعـــــي
يجدل مـن المونه احمـول(ن) من الغـــــــــذا= كـنّه مـــن الـتهـلكـه درك(ن) ومـفجـوعـــــي
هــم يحـسبون الـرزق يــفـنى وينـقـطــــــــع = والـــرازق الـلـه ولا رزقـــه بـمقـطـوعـــــي


عز الله صدقت يابومبارك

صح الله لسانك ملايين على هذه الدرة الرائعة

وكل عام وانت بخير

 

 

 

 

[معلومات العضو سالم بن صمهود]

الله هم اصلي واسلم على محمد صلى الله وسلم عليه
ابن ناهش صح الله لسانك وسلمت بنانك

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة راشد المسعري
اللهم صلي على محمد وعلى آله وصحبه وسلم

أرحب يافهاد ، صح لسانك وسلمت يالجزل

والشهر عليك مبارك


والبقا ياخوي راشد المسعري
صح الله بدنك يشرفني مرورك وتعليقك..
وأعاننا الله وياك على صيامه وقيامه.

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة شافي بن راشد النتيفات
والعاقـل اصــبح مــع الخـبلان يلـتـغـــــــــف = يجمح معا من جمح طفق(ن) ومصدوعـــــي
يجدل مـن المونه احمـول(ن) من الغـــــــــذا= كـنّه مـــن الـتهـلكـه درك(ن) ومـفجـوعـــــي
هــم يحـسبون الـرزق يــفـنى وينـقـطــــــــع = والـــرازق الـلـه ولا رزقـــه بـمقـطـوعـــــي


عز الله صدقت يابومبارك

صح الله لسانك ملايين على هذه الدرة الرائعة

وكل عام وانت بخير




الله يصح بدنك يابو راشد ويرفع قدرك
بيض الله وجهك وجمل الله حالك
وانت بخير وصحه وسلامه ..

تشرفت بمرورك وتعليقك ~

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة سالم بن صمهود
الله هم اصلي واسلم على محمد صلى الله وسلم عليه
ابن ناهش صح الله لسانك وسلمت بنانك






الله يصح بدنك ياخوي سالم
لك مني كل الشكر والتقدير على كرم المرور ..
بيض الله وجهك ~

 

 

 

 

[معلومات العضو مبارك بن شافي النتيفات]

صح الله لسانك ملايين على هذه الدرة الرائعة

وكل عام وانت بخير

 

 

 

 

[معلومات العضو محمد راشد النتيفات]

ارحب يافهاد تراحيب المطر

وصح السانك على القصيدة الرااااااااااائعة

 

 

 

 

[معلومات العضو خالد المشاويه]

صح الله لسانك يافهاد ومبارك عليك مابقا من الشهر


جزي الشكر والتقدير

 

 

 

 

[معلومات العضو فارس الدبالين]

فالبدايه ارحب بك اخوي الشاعر فهاد الناهشي

مرحبابك بين ربعك وفي محلك

ومبروك عليك الشهر الفضيل

وصح الله لسانك على القصيده الكايفه

تقديري واحترامي ..

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة مبارك بن شافي النتيفات
صح الله لسانك ملايين على هذه الدرة الرائعة

وكل عام وانت بخير





صح الله بدنك يابو شافي ..
لاهنت على المرور والتعليق الرائع لك بياض الوجه

وانت بصحه وسلامه ..

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة محمد راشد النتيفات
ارحب يافهاد تراحيب المطر

وصح السانك على القصيدة الرااااااااااائعة



والبقا يابو راشد

صح الله بدنك لاهنت طال عمرك على المرور والتعليق الرائع ..

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة خالد المشاويه
صح الله لسانك يافهاد ومبارك عليك مابقا من الشهر


جزي الشكر والتقدير





صح الله بدنك ياخوي خالد .

علينا وعليك يتبارك وأعاننا الله وياك على صيامه وقيامه ~

 

 

 

 

[معلومات العضو فهاد مبارك آل ناهش]

اقتباس:
المشاركة الأصلية كتبت بواسطة فارس الدبالين
فالبدايه ارحب بك اخوي الشاعر فهاد الناهشي

مرحبابك بين ربعك وفي محلك

ومبروك عليك الشهر الفضيل

وصح الله لسانك على القصيده الكايفه

تقديري واحترامي ..




لاهنت طال عمرك على المرور والتعليق الرائع وصح الله بدنك يالقرم
ونجاح القصيده هو مرور الكرام اللي مثلك وشرواك ~

وكل عام وانت بخير ..