قصيدة بالدشوش والقنوات الفضائيه

[معلومات العضو فالح الشكره]

بسم الله الرحمن الرحيم

اخوتي الاكارم هذه قصيدة نقلتها لكم من واحد عزيز على حافظها وطلبت منه يكتبها ويرسلها لي وماقصر الله يبيض وجهه ووجيهكم . وهي تحكي مابتلي به المسلمين اليوم من الدشوش والقنوات الفضائيه. واسم الشاعر لايحضرني ولكني سوف اجتهد بمعرفته. وبهذه المناسبه اناشد اخواني باقتناء قنوات المجد الفضائيه الاسلاميه له ولاولاده ولعائلته لانها قنوات اسلاميه نظيفه مفيده تربي الاجيال على حب الدين والبعد عن الفساد والتغرب.

يا إلهي يا محل الانتصار = يا عزيز ويا رحيم ويا مجير
يا مجير وليس غيرك يستجار = وليس غيرك يغفر الذنب الكبير
وليس غيرك واحدٍ نافع وضار = يا بصير بكل ما يحدث بصير
لا شريك ولا وزيرٍ يستشار = كاسر الجبار جبار الكسير
رازق الحيتان في وسط البحار = ورازق اللي فوق رجلينه يسير
ورازق اللي فوق جنحان المطار = ورازق اللي فوق بطنه يستدير
وبه خشاشٍ عايشٍ وسط الجحار = يرزقه بالرزق رزاق البعير
خلق خالق وقت مشيه بالنهار = وخلق خالق غيبة الشمس النشير
ماخلقهن لعب عبره واعتبار = اعتبر يا صاحب العقل الغزير
اعتبر من قبل ماتنهى العذار = هادم اللذات مايعطي نذير
مايطق الباب وقفه وانتظار = يدخل المحرم على بيت الامير
والعمار بيد خلاق العمار = ذا طويل العمر والثاني قصير
والعمار قصار لو طالن قصار = والعوام تقرب اليوم الحسير
وش يفيد المرءلافات القطار = وفرشوه الرمل من عقب السرير
وغسلوه بدون ستره واستتار = واسرعوا به صوب مثواه الاخير
الله اكبر كيف ترضى بالغبار = فوق وجهك وانت اميرٍ او وزير
انتقلت وصرت من دارٍ لدار = ياإلهي منك واليك المصير
دون ضيق القبر وحشه واختبار = يالله اني عايذٍ بك من نكير
ومن كتابي لاتحطه باليسار = ومن عذاب النار وايضا زمهرير
ابنصح الاخيار والمسلم خيار = مسلمين وعادة المسلم ستير
لاتحط الدش من شان الخبار = الخبار موثقه عبر الاثير
لاتحطه لاسرتك عيبٍ وعار = تامنون الداب ولسانه خطير
تامنون الذيب في وقت الغدار = وان حصل له فرصةٍ نابه شطير
لك بنات وكلهن مثل المهار = ما يلاتٍ للجهل ميلٍ خطير
الخنا في وسط بيتك له مدار = وين دمك كيف دمك مايغير
حاربونا بالفضا حرب القمار = والسلاح مغمدينه بالجفير
جابوا الشبهات مع كلمة حرار = ياحرار الغرب ياشلة دشير
تشبهون من الحياوين الحمار = بل اضل من الحياوين بكثير
اقبح الافعال شركٍ يستعار = وانكر الاصوات لصوت الحمير

 

 

 

 

[معلومات العضو صالح الجعيدي]

لا هنت أخوي/ فالح الشكره على القصيدة الدالة على خير. وعزالله أنه صدق فيها.
صح لسانك ولسان قائلها. وجزاك الله خيراً وجعلها في موازين حسناتك.
وتقبل خالص تحيات أخوك ومحبك في الله/ صالح الجعيدي

 

 

 

 

[معلومات العضو فالح الشكره]

المشاركة الأصلية كتبت بواسطة صالح الجعيدي

لا هنت أخوي/ فالح الشكره على القصيدة الدالة على خير. وعزالله أنه صدق فيها.
صح لسانك ولسان قائلها. وجزاك الله خيراً وجعلها في موازين حسناتك.
وتقبل خالص تحيات أخوك ومحبك في الله/ صالح الجعيدي

هلا وغلا بخوي صالح ، احبك الله الذي احببتنا فيه
الله يبيض وجهك ويرحم والديك على هالكلام الطيب
وتشرفت بمرورك على الموضوع

 

 

 

 

[معلومات العضو يحيى الودعاني]

تسلم يمينك أخوي فالح

وصح لسان الشاعر

 

 

 

 

[معلومات العضو بـدر الودعاني]

صح لسانك ولسان قائلها. وجزاك الله خيراً وجعلها في موازين حسناتك.

 

 

 

 

[معلومات العضو فالح الشكره]

المشاركة الأصلية كتبت بواسطة يحيى الودعاني

تسلم يمينك أخوي فالح

وصح لسان الشاعر

يامرحبا فيك يااخ يحي ومن قال سالم ، وشاكرلك مرورك

 

 

 

 

[معلومات العضو فالح الشكره]

المشاركة الأصلية كتبت بواسطة أباسليمان الودعاني

صح لسانك ولسان قائلها. وجزاك الله خيراً وجعلها في موازين حسناتك.

صح بدنك ياباسليمان ويامرحبا فيك ومسهلا ، الله يجزاك خير الجزاء على دعائك الطيب وتشرفت بمرورك على الموضوع