فديت راسك يالربيع مالنا إلا أنت‎

[معلومات العضو محمد بن حمد الشكرة]

بسم الله الرحمن الرحيم السلام عليكم ورحمة الله وبركاته هذا يا طويلين العمر اليوم الصباح و أنا في البوفيه احاسب على الفطور الا اخذتلي كوكاكولا شوي الا الهندي يقولي بريال ونص !! قلتله:نعممممممم!! صايدني يبو الشباب ؟ هذا كولا مو ببسي!! قالي:سديق هذا امس يجي ريال ونص سيم سيم ببسي قالها وهو يلصق خطاب الشركه في خشمي !! و أنا اللي تقفل معي واخذ الكولا بارجعه الثلاجه وقلت والله لو باشرب مويه الردايتر مع الفطور اني ما أخذه بريال ونص !! وأنا ارجع الكولا لمحت بطرف عيني الثلاجه الصغير اللي جنب ثلاجه الكوكا إلا اشوف عصير مابقي منه الا 3 حبات أركز شوي الا هو عصير الربيع برتقال !! وانا اللي اطالع الهندي بنص عين و أقوله : وش أخبار الربيع وصل الى خمسه ريال ولا بعد ؟! قال : لابابا هادا واحد حبه ريال طالعت في عصير الربيع وابتسمت بحنان وبغيت أضم القوطي لولا اني خفت الهندي يقول عني مجنون وانا اللي اضف أخر 3 قواطي في الثلاجه واحاسب الهندي وأطلع اول ما ركبت السياره وانا اللي افتح قوطي الربيع (وأطعنه)بالمزاز واشربه الين خلص الله يا جماعه الخير يوم ذقته اني احس اني رجعت 12 سنه لورى تذكرت ايام الطفوله وأيام المدارس والفسحه بعد الحصه الثالثه تذكرت أيام الاختبارات تذكرت لا أبوك عطاك ريال وقالك اشترلك عصير مفيد بدل الببسي والله ما كنت اخذ غيره يالله على ذيك الأيام والله ان الريال فيها كان بركه كان البزر فينا اللي معه5 ريال يعتبر كأنه الوليد بن طلال بيننا!! أيام كان الريال الواحد تخطط له وين بتصرفه وكم حبه علك بتشتري فيه !! والله من زود الحنين قمت أسولف مع القوطي وكان الحوار كالتالي: تصور يا(ربيعي العزيز) ان الببسي كبر راسه قبل كم يوم؟! وما صار يرضى يطلع من الثلاجه الا بريال ونص ؟؟ شاف نفسه الخايس !! بعد كل اللي سويناه ليه أبائنا يحذرون منه وطنشناهم الدكاتره يقولون لا تقربونه وطنشناهم وقلنا هذا ببسينا الغالي وهذي اخرتها حبيناه الى ما كبر راسه علينا على بالك همنا يالربيع؟!! لا والله ما هز فينا شعره !! وقلنا له في قريح ما نبغاك عندنا ولد عمك الكوكا كولا للحين حبيب ويجي معنا بريال زي الحلاوه بس والله يالربيع طلع قليل خاتمه مثل ولد اخوه !! ما مر عليه يومين الا هو الثاني صار يتغلى وصار بريال ونص !! تصور يالربيع ! طول عمرنا نشتريه بريال؟ وش اللي جد في الموضوع ؟ تقولي السكر ارتفع؟ بالله خلهم يلعبون غيرها !! طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !! والسؤال الأهم انت يالربيع ليه ما ارتفع سعرك؟ ليش انت ما فيك سكر ؟ انا أقولك ليه............ لأنك وفي!! من يومك وانت بريال من يومك وأنت بارد من يومك وأنت تروي عطشنا والله لا أرجع لك لأن ثبت ان باقي المرطبات مافيها خير -الببسي والكوكا وكبر راسهم وصاروا يرال ونص !!! >في ستين داهيه على قوله اخوانا المصريين -البايسن وطلع يجيب عقم !! -السن توب طلع دنماركي -الريدبول طعمه خايس وميزانيته ما تصلح مع اخر الشهر -الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحيه فديت راسك يالربيع مالنا إلا أنت فلا تتخلى عنا تكفا.....!!! كل هذا الحوار دار وأنا ما زلت واقف امام البوفيه والهندي يناظر فيني من ورى القزاز ويدق بجوال >>ضنتي انه يدق على مستشفى شهار !! أثرت السلامه وتوجهت لدوامي ومعي قوطيين ربيع زياده لزوم الغدى والعشى وخلي الكولا في ثلاجاتها وخلي النص ينفعك يالببسي منقول من الإيميل للفائدة ودي وتقديري

 

 

 

 

[معلومات العضو البدور]

ههههههههههههههههههههههههه

والله انه الربيع له ذووق . وكل ماهوا قديم له ذكريات ... الى كان بنص درهم وبنص ريال ... نشوفة يسوى الدنيا ومافيهااااااااااااا....
موضوعك جميل ....
اشكرك علية ..

 

 

 

 

[معلومات العضو ابو حسين الدوسري]

ههههههههههههههههههههههههههههههههه

اضحك الله يبو حمد يخوي وش ذا الحب للببسي و الكوالا كل ذا ادمان

والله يبو حمد انه لو بيدي كان خليته بنص ريال بدل اريال ونص ولايكدر خاطرك

كسرة خاطري يبو حمد ههههههههههههههههههه

تحياتي يبو حمد

 

 

 

 

[معلومات العضو محمد بن حمد الشكرة]

المشاركة الأصلية كتبت بواسطة البدور

ههههههههههههههههههههههههه

والله انه الربيع له ذووق . وكل ماهوا قديم له ذكريات ... الى كان بنص درهم وبنص ريال ... نشوفة يسوى الدنيا ومافيهااااااااااااا....
موضوعك جميل ....
اشكرك علية ..

هههههههههههههههههههههههههه اي والله احسن من البيبسي وطقته وخلاص باي باي يابيبسي الله يعطيتس العافية ياالبدور على المرور

 

 

 

 

[معلومات العضو محمد بن حمد الشكرة]

المشاركة الأصلية كتبت بواسطة ابو حسين الدوسري

ههههههههههههههههههههههههههههههههه

اضحك الله يبو حمد يخوي وش ذا الحب للببسي و الكوالا كل ذا ادمان

والله يبو حمد انه لو بيدي كان خليته بنص ريال بدل اريال ونص ولايكدر خاطرك

كسرة خاطري يبو حمد ههههههههههههههههههه

تحياتي يبو حمد

ههههههههههههههههههههههههههه لا لا ماعاد احبه مثل اول مير انك كفوووووووووووو يابو حسين لكن يعين الله لاهنت على المرور ياالقرم

 

 

 

 

[معلومات العضو محمد.الودعاني]

هههههههههههههههههههههه

الله يفكك من البيبسى لانه مضر بالصحه لكن القلب وماايعشق وانشاءالله مايفرقنا نص ريااال يالبيبسي

تقبل مروري

 

 

 

 

[معلومات العضو بنت الذيب]

<< اندمجت ويا القصه

هيه صح بغيت اسأل ليش ارتفع البيبسي بريال ونص !؟

تعالو اشتروه من عندنا تراه بعده بدرهم بس

محمد الشكره..يعطيك العافيه على الطرح

اطيب التحايا

 

 

 

 

[معلومات العضو محمد بن حمد الشكرة]

المشاركة الأصلية كتبت بواسطة محمد.الودعاني

هههههههههههههههههههههه

الله يفكك من البيبسى لانه مضر بالصحه لكن القلب وماايعشق وانشاءالله مايفرقنا نص ريااال يالبيبسي

تقبل مروري

هههههههههههههههههههههه امين ياخوك والله ماجاب لنا الضغط والسكر الا هو لاهنت على المرور ياالقرم

 

 

 

 

[معلومات العضو محمد بن حمد الشكرة]

المشاركة الأصلية كتبت بواسطة بنت الذيب

<< اندمجت ويا القصه

هيه صح بغيت اسأل ليش ارتفع البيبسي بريال ونص !؟

تعالو اشتروه من عندنا تراه بعده بدرهم بس

محمد الشكره..يعطيك العافيه على الطرح

اطيب التحايا

هههههههههههههههههههههه المشكلة ارتفاع سعر البيبسي من قبل مصانع المرطبات علشان يستفيدون من القروش ابشري بنشتريه منكم بس الامارات بعيييييد الله يعطيتس العافية على المرور يابنت الذيب

 

 

 

 

[معلومات العضو (الوليد ابن قويد)]

هههههههههههههههههههههه

الله يفكنا من البيبسى لانه مضر بالصحه ون شاللة بقاطعة ونردها في الربيع

تقبل مروري

اخوك الوليد ابن قويد

 

 

 

 

[معلومات العضو ناصر بن فهد]

ههههههايُ
عز اللهٌ عنديُ نااسُ ما يتركونُ الببسيُ لو بخمسُ ريالُ ههههههههههههايُ
اهمُ شيءُ عنده الببسيُ بس نقول الله يهديهم
الشعب السعودي ما تهمُ دراهمُ ما دامهُ حطُ في راسه ببسي خلاص ببسي ببسيُ
وخاابر ابوحسسين هههههايُ <<خربهاُ
لاهنت وبيض الله وجهك على القصه ظنيته انك انت يا ابو حمدُ ههههاي

 

 

 

 

[معلومات العضو حنان الوله]

هههههههههههه يعيطك العافية اخوي على الطرح صراحة انا لو يخلون هالستون بعشرة شريتها خخخخخخ والحمد الله زادوا الببسي عشان تتركونه لانه مافية خير ابد الله يبعدنا عنه وانشاء الله يزود يزود لين يقطعونه عن المملكة