محمد ابن الذيب والوشوشه

[معلومات العضو عبدالله الصخيبري]

قصيده القاها محمد بن الذيب بأمسيته بدولة الكويت قبل سنتين وقبل ان يلقيها قال حنا لنا مشكله مع حرف الشين و بعض الحضور من ربعه ورجال يام طالبوه بحرف الشين بذات . . ومن فكرة القصيدة نجد الشاعر ضيدان بن قضعان يلقي قصيده مشابهه العام الماضي في أبها





يـا هتلـرت قلبـي الله يرحـم المانـش

==الكبـر لله بـا حاكـيـش حاكيـنـي

وانـا مبـرك اركابـي عنـد بيبـانـش

==التاجـر يصـر والـرزاق يعطينـي

فديت كبـدش فديتـش بـدت اخوانـش

==ليـا لقيتـش وانـا طفشـان خلينـي

خليني اجـر صوتـي واقعـد وزانـش

==يمكن اوزانش من الضيقـه يسلينـي

مثـل مـا طهرتـي التربـه بكرعانـش

==خلي غرامش يطهر مـا بقـى فينـي

وانما شفعلـي بخوخـش جـاه رمانـش

==يمكن اتقطـع مـن اللهفـه شرايينـي

وان طحت مثل الجمل من طول هجرانش

==ما عـاد تنفـع كبيـرات السكاكينـي

محبوبتي احيان تقارب احياني احيانـش

==وا اشاركش في كثيرات المضانينـي

حتى اني اصيح يابـن الذيـب بلسانـش

==واقول لبيش من بينش و مـن بينـي

محبوبتي لنتثـر دمعـي علـى شانـش

==وشلـه تقوليـن وش اللـي مبكينـي

حنـا اتفقنـا انـا منـدوب لحـزانـش

==الوي الحزن والدموع تهلهـا عينـي

وليا خذيتش بحضنـي هـزي اردانـش

==ما غير ضامـي وقرطـوحٍ يكفينـي

 

 

 

 

[معلومات العضو الواضح]

الأخ / القاهر الله لايهينك عاى إيراد القصيده


وصح لسان الشاعر ابن قضعان


وتراك طولت علينا

 

 

 

 

[معلومات العضو عبدالله الصخيبري]

ومن قال مايهان يالواضح والقصيده لبن الذيب وكبف طولت عليك؟

 

 

 

 

[معلومات العضو ناجي الشكري]

السلام عليكم ورحمة الله وبركاته

بيض الله وجهك عاى القصيده وعلى انقل الجيد ونحتري جديدك

 

 

 

 

[معلومات العضو الواضح]

أخوي / القاهر لا تفهمني غلط قصدي طولت الغيبه


من يوم سجلت لك مده ما سمعنا ولا شفنا لك مشاركه


هذا قصدي وتقبل عذري

 

 

 

 

[معلومات العضو محمد ال بو زمام]

السلام عليكم ورحمة الله وبركاته

صح لسانك اخوي ( القاهر ) على هذه القصيده . . .

 

 

 

 

[معلومات العضو بن مشخص المسعري]

تسلم اخوي على القصيده الجميله لبن الذيب
لاخلا ولاعدم
تحياتي

 

 

 

 

[معلومات العضو محمد بن الأشيب الغريري]

( القاهر )

تسلم مليون على نقل قصيدة ابن قضعان

والله لايهينك طال عمرك .

تحياتي لك .

 

 

 

 

[معلومات العضو عبدالله الصخيبري]

اعذروني يارجال على التاخير في الرد لان توي جاي من اجازه ولله لايهينكم على المرور والتعليق وعساكم على القوه وانت اخوي الواضح لاتشتحن ماصار الى الزين