تحت ظل الشجر لاخوكم بدر التمامي

**معلومات** **العضو** · 04-06-2010, 02:44 PM

انا لا قلـت ابعتـزل الشعـر والنظـم والتعبيـر=يعاندنـي هجوسـي والشعـر فالحـال ينقـادي
وعبر عـن مشاعـر فالحشـا وريـح التفكيـر=مشاعـر شاعـرن وده علـوم المجـد تنعـادي
ارجال ليتها ترجع نخبرها عـن اللـي يصيـر=يشوفون الزمـان اللـي يحذفنـا علـى الـوادي
ارجال مايعرفـون البخـل والكـذب والتزويـر=ارجـال كاسبيـن المرجلـه وافيـن وجــوادي
بنوا بيت الشعر والضيف لا جاهـم لقـا التقديـر=وضـون عامـره فالليـل للعـانـي وللـغـادي
عليهـا صفـة ادلال تبـارى ماتـبـي تبهـيـر=ايباريهن غواري سـود حـول الجمـر ركـادي
ترى راعي الكرم والجود نفسـه تكـره التوفيـر=وعلى درب المراجل والسخا والطيـب معتـادي
انا عشقي الشهامـه والمـروه والشيـم والطيـر=وممشى الجيب في وسط الصحاري والهواء هادي
تحت ظل الشجر ياماحلـى المكشـات والتغييـر=وصوت النجر الى حـرك يذكرنـي بالاجـدادي
في روضه علها الوسمي شهر ثم اكتست بالخيـر=يعطرها الخزامـى والنفـل والعشـب يـزدادي
وشوف البل والحيران الى جت تنتظـم فالسيـر=مجاهيـم ومغاتيـرن تسـر الحضـر والبـادي
الا يازينهـا والجيـب يمشـي حولهـا ويـديـر=الا يازينهـا بيـن النفـود وعـنـدك الــزادي
وترى شوف الصحاري والمطر شجع على التعبير=وتراه اليوم عندي ياعلـي مـن يـوم الاعيـادي
ونا لاقلـت ابعتـزل الشعـر والنظـم والتعبيـر=يعاندنـي هجوسـي والشعـر فالحـال ينقـادي

الشاعر بدر بن سلطان التمامي
وسلامتكم