البشوت والختوم

[معلومات العضو برقن سرى]

يالله انـك تجنبـنـي دروب الـحـرام=ياكريـمٍ لمرضاتـه نـحـج ونـصـوم=
يا عظيمٍ دعيتـه تحـت ستـر الظـلام=افرج الضيق والكربات وأجـل الهمـوم=
طالـت السالفـه والعيـن عيّـت تنـام=والرجاء والامـل بيديـن ربٍ رحـوم=
رحت شرق وجنوب ورحت غربٍ وشام=مالقيـت الوجيـه اللـي تسـد اللـزوم=
كل مأنصى حدٍ كنـه يغصـب المقـام=عاقدٍ حاجبـه ضـارٍ بحـب الخشـوم=
غرته ضحكـة الدنيـا وجمـع الحطـام=غافـلٍ مـادرى ان الآدمـي مـايـدوم=
لين صـرت اتعداهـم بـدون احتـرام=لو عليهم بشـوت وفـي يديهـم ختـوم=
ليه اسلـم علـى مـن لايـرد السـلام=ليه اجامل حيا وأرفـع مقـام الرخـوم=
علمتني سنينـي طـول عشريـن عـام=وأتعلـم مـن الايـام فـي كـل يـوم=
وكـل درسٍ بنـى بيـن الحنايـا خيـام=ثابتٍ فالضميـر وفـي خيالـي يحـوم=
واطرد الغيب ماأمـل التعـب والهيـام=ولو تقـل المـوارد ماتمـوت العـزوم=
والـردي ماجعلتـه فالشدايـد حــزام=اعـرف اللـي ليامنـي نصيتـه يقـوم=
وانـت يالايمـي ماعـاد فيهـا مــلام=نعنبوهاحـيـاه ليانسـيـت الـسـلـوم=
ايه بعض الكـلام يمـر بـرد وسـلام=مير بعض العلوم يصيـر فيهـا علـوم=

للشاعر القدير .. علي سااالم العتيبي ,,

منقووول آمل ان تحوووز علا رضاااكم واعجااابكم ,,

 

 

 

 

[معلومات العضو نآصر البدراني]

الزين يفرض نفسه يابرق وغصب تنال إعجابنا


صح لسان شاعرها / علي بن سالم العتيبي ليا يوم الدين


لاهنت أخوي برق وانت معودنا على الجزل أهنيك على حسك الشعري ..

 

 

 

 

[معلومات العضو سعد بن جابر]

صح لسانك ياشاعر علي بن سالم العتيبي

 

 

 

 

[معلومات العضو راشد المسعري]

برق سرى

صح لسانك ولسان الشاعر المميز علي بن سالم العازمي

شاعر له نهج يميزه وانا من المتابعين والمتذوقين له

لاهنت ولك ودي وتقديري ،،،