...{{ إزلقت حبــة الشمـــري }}...

[معلومات العضو متعب الصخابره]

كلنا سمعنا عن مثل :

{{ازلقت حبة الشمري}}

حبة الشمري كلها جت من

“بصري الوضيحي” الشمري والقصة تقول:

ان بصري الوضيحي راح يحج ويتوب الى الله ..

وان يتوب عن التغزل والغزل ..كونه مشهور بالغزل ..

وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف

طلب من ابنه ان يحب الحجر الاسود .. ولكن الحجر الاسود

كان مزدحم من الناس ...رجال ونساء ... والرؤوس متقاربه

بعضها لبعض .. فتزاحم معهم بصري وابنه ..

وعندما وصل الى الحجر ويريد حبة الحجر ...

اعترض بينه وبين الحجر ...خد بنت جميله كانت تريد

حبة الحجر ... وفي هذه اللحظه السريعه انبهر بصري

الوضيحي من لمعان خد البنت وبدل مايحب الحجر حب

وجنة البنت ....فقالت له البنت حج حج ياشايب ....

وحاول ولده أنه يرقع الموضوع قال هذا شايب

تايه(مهذري) ...فخجل الوضيحي وقال يابعد حيي

زلقت الحبة ابيها بالحجر وصارت فيك ...وصار هذا

مثل


(ازلقت حبة الشمري )


وقال القصيدة :


التايه الي جاب بصري يقنه
... هيض جروح العود والعود قاضي



جينا نحب ونطلب الله جنه
... جنة نعيم يوم يابس الحاضي



ياليت كانت حبتي في معنه
... يوم العيون عن الخوامل غواضي



يامن يعاوني على وصف كنه
... اشقح شقاح ولاهق بالبياضي



الريح لازفرة ولاهي مصنه
... ريح النفل بمطمطمات الفياضي



نهدين للثوب الحمر شولعنه
... حمر ثمرهن واقفات غضاضي



والخد ذابوح القلوب المرنه
.... براق مزنٍ لاعق اللون ياضي



ياليت لو سني على وقم سنه
... بايام مابيني وبينه بغاضي



أيام جلد الذيب عندي محنه
... نصبح وزرق الريش لهن إنتفاضي



ياجرح قلبي جرح وادي وطنه
.... غر المزون اللي وطنه وفاضي



البيض قبلي محسنٍ عذبنه
... ونمر على وضحى جرا له عراضي



والبيض كم ٍ واحد ٍ يبسنه
.... يبسة شماشيل العذوق النفاضي



عزي لمن غر الثنايا كونه
.... واركن على كبده كوايلٍ عراضي



الا ارتوى بستان قلبي سقنه
... واخضر جنابه عقب يبست الحاضي



القلب غضات الصبايا شعنه
.... بنت الشيوخ مخدمين الحياضي



شوفي بعيني والخدم يركبنه
.... على زعاع يوم قوطر وناضي



فوق اشقح من زمل ابوها مضنه
... ركبة عليه اتشنطح ٍ باعتراضي



وامشجر من سوق هجر مغنه
... على خياطة نابي الارداف راضي



وين انت يامشفي على طردهنه
... انا طويت ارشاي وقفيت قاضي



انا صدرت ووردهن عقبنه
.... على العدو مشرعات الحياضي



احد بوسط النار واحد بجنه
.... وترى البخيت اللي له الرب راضي



ويقال بعد مارجع الوضيحي ندم على مافعل وقال:


ياليتنا من حجنــا سالمينــا
... كان الذنوب اللي علينا خفيفـــات

رحنا نبي نخفف ذنوب علينــا
... وجينا وعليها كثرها عشـر مــرات

إلى هنا انتهت القصه ...موعدي معاكم في قصة جديده إن شاء الله تحوز على رضاكم .

 

 

 

 

[معلومات العضو سلامه]

لاهنت على ايراد القصه والقصيده اللي كثير من الناس

يعرف المثل ولا يعرف القصه

 

 

 

 

[معلومات العضو ابومبخوت الدوسري]

تسلم يمناك يامتعب على القصة والقصيدة لا تحرمنا من مواضيعك الجميلة .....,.,, تقبل تحيــــــــــــاتي وتقديــــــــري

 

 

 

 

[معلومات العضو متعب الصخابره]

المشاركة الأصلية كتبت بواسطة سلامه

لاهنت على ايراد القصه والقصيده اللي كثير من الناس

يعرف المثل ولا يعرف القصه

سلامه

لاهنت على مرورك وردك الطيب

 

 

 

 

[معلومات العضو شيهانه بكف صقار]

اممممممممممممحق ماخلا شي بالقصييييدة

شدعوة ماخاف ربه وهو ببيت الله (الله يهدي الجميع بس)

والمفروض انه يكتب قصيدة يتوب فيها لربه مهب بتوجد ويتغزل في البنت

لاهنت يااخوي على ايراد السالفة الغريبة

 

 

 

 

[معلومات العضو أبو الكادي]

لاهنت

 

 

 

 

[معلومات العضو متعب الصخابره]

المشاركة الأصلية كتبت بواسطة شيهانه بكف صقار

اممممممممممممحق ماخلا شي بالقصييييدة

شدعوة ماخاف ربه وهو ببيت الله (الله يهدي الجميع بس)

والمفروض انه يكتب قصيدة يتوب فيها لربه مهب بتوجد ويتغزل في البنت

لاهنت يااخوي على ايراد السالفة الغريبة

شيهانه بكف صقار

الشايب مسكين قلبه خضر والغزل مسيطر عليه

لاهنتي ويعطيك العافيه على مرورك المميز

 

 

 

 

[معلومات العضو متعب الصخابره]

المشاركة الأصلية كتبت بواسطة أبومبخوت الشكرة

ابو مبخوت الشكرة

ومن قال سالم ويعطيك العافيه على مرورك المميز والجميل

 

 

 

 

[معلومات العضو ابو حسين الدوسري]

الله لايهينك يمتعب الشايب الله يهديه ضيع الحج

الله يعفي عنا وعنه

تحياتي يذيبان

 

 

 

 

[معلومات العضو آلأرجــٌوآنْ]

ههههههههههههههه

اثاري هذي سالفته ياملحه ذا الشايب صدق قلبه خضر

لاهنت يامتعب على ايراد القصه وكنت بالفعل اسمع بالمثل مااعرف قصته

اشكرك وبانتظار المزيد من التميز

 

 

 

 

[معلومات العضو متعب الصخابره]

المشاركة الأصلية كتبت بواسطة آلأرجــٌوآنْ

ههههههههههههههه

اثاري هذي سالفته ياملحه ذا الشايب صدق قلبه خضر

لاهنت يامتعب على ايراد القصه وكنت بالفعل اسمع بالمثل مااعرف قصته

اشكرك وبانتظار المزيد من التميز

الارجوان

هذا وهو شايب يسوي كذا شلون وهو شباب هههههههه

لاهنتي و مشكوره على ردك الجميل ويعطيك العافيه على مرورك العطر

 

 

 

 

[معلومات العضو مبارك الغييثي]

أخوي متعب لاهنت على القصه والقصيده

 

 

 

 

[معلومات العضو الــخــضــرانــي]

الله لاااااااااااااااا يهيينك


يا متعب { يا متعبهم }

هههههه


تحيااااااااااتي وبيض الله وجهك

بس يتغزل وهو في مكه

لحوووووووووول

تقبل مروري
وليف الجزن

 

 

 

 

[معلومات العضو متعب الصخابره]

المشاركة الأصلية كتبت بواسطة مبارك الغييثي

أخوي متعب لاهنت على القصه والقصيده

مبارك الغييثي


يعطيك العافيه على مرورك الطيب

 

 

 

 

[معلومات العضو متعب الصخابره]

المشاركة الأصلية كتبت بواسطة الــخــضــرانــي

الله لاااااااااااااااا يهيينك


يا متعب { يا متعبهم }

هههههه


تحيااااااااااتي وبيض الله وجهك

بس يتغزل وهو في مكه

لحوووووووووول

تقبل مروري
وليف الجزن

الخضراني

الشايب الله يهديه مايهتم في المكان ولا في الزمان هههههههه

لاهنت على مرورك الجميل ويعطيك الف العافيه