قصة الدوسري والسبيعي.. من يجيبها لنا يالربع

[معلومات العضو راشد المسعري]

السلام عليكم ورحمة الله وبركاته:
أسعد الله اوقاتكم بالخير والمسرات

يا إخوان فيه سالفة تقريبا حول عصر الملك عبدالعزيز وهي من أروع قصص الوفاء والصداقة ولكن لا تحضرني كاملة
وأتمنى من سمع بها أو عرف من هم أطرافها بالضبط أن يزودنا بهم

واختصار السالفة ان فيه دوسري احتاج لمال(40 الف ) وذهب لرفيق له سبيعي أعتقد من رنيه واخبره ان يريد ان يشتري مزرعة أو يزرع وينقصه مبلغ من المال فقال السبيعي وقال ابشر واخبره بأن مفتاح المحل في المكان الفلاني لأنه مشغول وذهب الدوسري للمحل واخذ منه 40 الف على ان يردها في مدة محدده بينهما ولكن كان هناك شخص يسمع كلام الدوسري والسبيعي وعرف مكان المفتاح ولما غادر الدوسري المنطقة جاء هذا الحرامي وسرق مافي الخزنه كامل.

ولما جاء السبيعي وجد الخزنه خالية فقال ربما إن رفيقي الدوسري احتاج مبلغ اكثر واستحى ان يخبرني ، ومرت السنين واحتاج السبيعي لمبلغه ، فأرسل للدوسري رسالة (خط) وطلب المبلغ منه لأنه احتاجه ، وكان الدوسري ماوفّق في زراعته فقام وباع جزء من ارضه لرد دين رفيقه السبيعي ولما وصل المبلغ للسبيعي (40الف) ارسل السبيعي مرة اخرى وقال المبلغ ما كفاني ياليت ترسل لي المبلغ الباقي وهو (30 الف) وعندما وصل المرسول للدوسري عرف أن الأمر فيه إشكالية وفهم أن السبيعي مسروق فلم يخبر السبيعي بذلك وقام وباع ماتبقى من الأرض وأرسل لرفيقه السبيعي (30الف).
السالفة طويلة ولكن الشاهد ان السبيعي مع مرور الوقت اكتشف ان فلوسه مسروقه حيث تم القبض على شخص يشتري ابل حول القصيم ومع فلوس في (صره)كان عليها اسم السبيعي لأنها هبه من الملك عبدالعزيز ، ولما وصل الخبر السبيعي وأن دراهمه مسروقه وليس الدوسري هو من اخذها ، عظم الامر على السبيعي وأدرك وفاء صديقه الدوسري الذي بادل الوفاء بالوفاء.
السالفة ياا اخون فيها قصائد وقد ذكرها شخص اكلبي في قناة فضائية قبل اكثر من 3 سنوات لا أدري هل هي الاماكن او الصحراء او الواحة .

المطلوب منهو السبيعي
ومنهو الدوسري
ومن هو الأكلبي الذي ذكر السالفة في القناة ؟

اتمنى نشر هذه القصة والسؤال عنها حتى نعلم حقيقتها كاملة .
وفقكم الله ولكم ودي وتقديري ،،،،

 

 

 

 

[معلومات العضو عقاب بن هذال ال بريك]

أرررحب يبومحسن حيك وحي ماجبت من علومن طيبه ,
وهذا ليس بغريب على رجال القبيلتين ولا على القبايل عامة
ولاهنت على إراد القصه !!

والراوي الشيخ / سيف بن سياف الصاري الاكلبي ...

وسلامتك ..

 

 

 

 

[معلومات العضو راشد المسعري]

ارحب ياعقاب

لاهنت وبيض الله وجهك

وممتاز إن عرفنا الراوي

الله يسهل الباقي

لاهنت ،،،،

 

 

 

 

[معلومات العضو نآصر البدراني]

ارحب يا ابو محسن وارحب يا ابو هذال



لاهنت يا ابو محسن على القصه وان شاء الربع


يجيبون باقي القصة والقصيد كما اشكر ابو هذال


على الإضافه المُفيدة ..

 

 

 

 

[معلومات العضو شافي بن راشد النتيفات]

ارحب يا ابو محسن وارحب يا ابو هذال



لاهنت يا ابو محسن على القصه وان شاء الربع


يجيبون باقي القصة والقصيد كما اشكر ابو هذال


على الإضافه المُفيدة ..