بين الشاعرين ::; خالد الفيصل وعلي القحطاني

[معلومات العضو مبارك بن شافي النتيفات]

هذه من القصائد الرائعة للأمير الشاعر صاحب السمو

الملكي الأمير // خالد الفيصل



الذي يعدّ مدرسة شعريّة

كل مـازاد التحـدّي زدت قـوّه =عادة(ن) لابوي وجدّي من قديـم
حاملين المصحف وهدي النبـوّه=والسيوف إذا انتهى حلـم الحليـم
من قديم سنينهـا ماهـوب تـوّه=اسأل الدرعيّـة وركـن الحطيـم
السعودي له مـع القـوّة مـروّة=إن ضرب يقطع واذا استولى كريم
وان رحل قرم(ن) ظهر قرم مفوّه=ماسدة أبطـال معظمهـم عظيـم
يا العدوّ ما كان في نيتّـك سـوّه=نستعين الله على حرب الخصيـم
كل ما شبّ العدوّ نيـران ضـوّه=نسكب من مزننا سيـل(ن) وديـم
تجرف سيول الغضب قوّة عـدوّه=وتجعل اقصيرات هقواته هشيـم
والمنابت تزدهر مـن ديـم نـوّه=ما يميل بزهرهـا غيـر النّسيـم
ناصع(ن) تاريخنا ماقـد تشـوّه=مايضيـره جاحـد(ن) ولاّ لئيـم

وهذه مجاراة للقصيدة من الشاعر :


علي بن محمّد القحطاني

شاعر ربوع الجزيرة ( كما أطلق عليه الشيخ زايد رحمه الله )

صقر نجد الحر حلّق في علوّه=من قديم الوقت بالعليـا مقيـم
ينظر الدنيا وهو بآفاق جـوّه=واصغرت قدّامه الطود الجسيم
الإباء والسيف عنده والأبـوّه=والزعامه ما تطيع إلاّ زعيـم
إنّ خاويتـه فيانعـم الأخـوّه=أنت من سكّان جنـات النّعيـم
وإنّ خاصمته وجاء فالبعد هوّه=صار ليلك همّ وأيّامك جحيـم
مثل ما اعتدنا وعوّدنا سمـوّه=لا رما مايرمي إلاّ في الصميم
هو أمير القاف في غاية عتوّه=يصهره صهر المعادن بالحميم
يصبغ بيوت التحدّي من هدوّه=وادهشك بأسلوب لقمان الحكيم
بين شعّار الفتـاوى والفتـوّه=فرق مابيـن الثريّـا والأديـم
والشجر مابه ثمر بأوّل نمـوّه=لا يغرك منظر الفرع الوسيـم

 

 

 

 

[معلومات العضو بنت الذيب]

ابيات رائعه بمعنى الكلمه

صحت السنتهم

وشكرا ياابوشافي على اختيارك المميز

ربي لاهانك

 

 

 

 

[معلومات العضو عبدالرحمن بن فلاح آل بريك]

أررحب يا أبو شافي حيه وما جاب ,,

اختيار رائع وابيات رائعه خصوصاً أبيات القحطاني ,,

لا هنت على النقل ,,

 

 

 

 

[معلومات العضو مبارك بن شافي النتيفات]

المشاركة الأصلية كتبت بواسطة بنت الذيب

ابيات رائعه بمعنى الكلمه

صحت السنتهم

وشكرا ياابوشافي على اختيارك المميز

ربي لاهانك

الاروع مرورك يابنت الذيب

وصح بنك بالنيابة ولاهنتي على المرور

 

 

 

 

[معلومات العضو مبارك بن شافي النتيفات]

المشاركة الأصلية كتبت بواسطة عبدالرحمن بن فلاح آل بريك

أررحب يا أبو شافي حيه وما جاب ,,

اختيار رائع وابيات رائعه خصوصاً أبيات القحطاني ,,

لا هنت على النقل ,,

تبقى يابوفلاح

ولاهنت على المرور الكريم

تحيااااااااااااااااااااااااااتي

 

 

 

 

[معلومات العضو فهد الخريم]

الله يعطيك العافيه
أبو شافي

تقبل مروري

 

 

 

 

[معلومات العضو مبارك بن شافي النتيفات]

المشاركة الأصلية كتبت بواسطة فهد الخريم

الله يعطيك العافيه
أبو شافي

تقبل مروري

لاهنت على المرور اللذي اعتبره وسام على صدري

تحياتي وتقديري لشخصك الكريم

 

 

 

 

[معلومات العضو النايفه]

الله الله الله
ابيات عذبه صحت السنتهم

الف شكر لك
تحياتي

 

 

 

 

[معلومات العضو مبارك بن شافي النتيفات]

يعطيك العافية ي النايفة على المرور العذب

تحياتي وتقديري

 

 

 

 

[معلومات العضو عقاب بن هذال ال بريك]

صح لسان الشاعريين على هذه المجاراه الجزله ...

ولاهنت يابوشافي !!

 

 

 

 

[معلومات العضو مبارك بن شافي النتيفات]

ارحب ياعقاب ولاهنت على المرور

 

 

 

 

[معلومات العضو محمد بن حمد الشكرة]

أررحب يا أبو شافي حيه وما جاب ,, اختيار رائع وابيات رائعه خصوصاً أبيات القحطاني ,, لا هنت على النقل ,,

 

 

 

 

[معلومات العضو مبارك بن شافي النتيفات]

تبقى يابوحمد

وسلمت يمينك على هذا الحظور الرااااقي

نورت متصفحي ياغالي