مشاركتي في الحفل الثاني لقبيلة الدواسر (( الوحيد ))

[معلومات العضو حسن بن بطحيه]

أخواني أعضاء ومشرفي موقع قبيلة الدواسر الرسمي
أضع بين أيديكم هذه القصيده التي تشرفت بإلقائها في حفل الدواسر الثاني

أقول فيها :

سلامي سلام الله تحية وفاء نبديه=سلام يليق بحفلكم ياهل العادات
سلام من أقصى القلب أرده بعد وأثنيه=لمن يفعل المعروف ومن يسمع الأبيات
ولاياحليف ماتخيب الهقاوي فيه=حليف الوفاء تظهر مواقفه بالأزمات
دعيته ولبا وستجاب لنداء داعيه=يقول أحتزم بي ورفع الصوت بالصالات
ولاياقصيدي بزهمك فالوجيه أوجيه=تجمل وجملني معا طيبين الذات
تجمل بمعنى كل منهو حضر يرضيه=يصفق له الجمهور يضج بالصيحات
أبي حاجة لاسمعها المستمع تغنيه=قصيدة مشاعر شاعر يملك القدرات
وأبي مربط المهره وكل العرب تبغيه=وأبي إكة المعنى ولالي غرض بالذات
ترى النقد مثل المدح لابد له قافيه=عسى الله يناولنا الرضى بأعذب الصدفات
وليل جمعكم جيت من حبكم ساريه=علي الحرااام أنها علي أبرك الساعات
وليل جمعكم ياوجيه السعد نشريه=وذي غايتي والناس كل لها غايات
وعلى المنتدى واللي بناء المنتدى نهديه=صروح البياض اللي تطاول لها الهامات
قبيله لها أسم ورسم واوسم العصا تحميه=لها عزوتن يعرف صداها على الساحات
دواسر يوحدها أسمها وين ماتوحيه=تسجل فعايلها بنور على الصفحات
ليا ذكرو العربان كل حسب ماضيه=فحنا جمعنا اليوم والصبح واللي فات
لنا كل مطلع شمس فعلن روى راويه=فعول مهيب أهروج فعول عليه إثبات
فعول عددها منتدى النت مايحصيه=ولو زودو عبر الفضاء أقمار نايلسات
نفاخر بضل احكومة خيرها نجنيه=ملوك عليها من ملوك السما آيات
تعز العزيز ومن حداه الدهر تؤيه=نصرها جليل الملك والنصر له شارات
وعلى من تكفل وأستضاف الحفل نقريه=ثناء والثناء لله وأنتوا هل الطالات
الآد الغريري تنطح الواجب وتقضيه=تسد اللزوم وتبهج العين بالوقفات
كفو يابني عم جزيل الثناء تزهيه=وفيتو وكفيتو عساكم على العدلات
وأنا شاعر موهوب وأقول الشعر والقيه=وعلى عالي المرقاب أبركز لها الرايات

وسلامتكم
تقبلوا تحيات أخوكم //
حسن بن محمد الودعاني
(( الـوحـيـد ))

 

 

 

 

[معلومات العضو راشد المسعري]

الشاعر القدير حسن بن محمد الودعاني

الوحيـــــــــــــــــد

صح لسانك وبيّض الله وجهك على هذه القصيدة

وعلى ماقمت به من مجهود تشكر عليه مع بني عمك أثناء الحفل

وعلى القصائد الجميلة والجزلة التي شاركت إخوانك الشعراء فيها

فبالفعل استمتعنا تلك الليلة بالقصائد الجزلة من (الوحيد) وبقية أبناء العمومة

اللذين شاركوه بالأمسـيـــــــــــة فلكم جميعا الشكر والتقدير ،،،،

 

 

 

 

[معلومات العضو حنيان الدوسري]

الشاعر المتألق : حسن بن محمد الودعاني

بيض الله وجهك وصح الله لسانك

قصيدة جميلة من شاعر بارع

وفقك الله

 

 

 

 

[معلومات العضو ماجد المهنا]

(( الوحيد))

جعلك ماتستاحد

على الابداع ذا
شاعر متألق

بيض الله وجهك وصح الله لسانك

قصيدة جميلة من شاعر بارع

وفقك الله

 

 

 

 

[معلومات العضو صبي آل عريمه]

صح الله لسانك يا حسن بن بطحيه الجماعين وانا حظيت بسماع قصيدتك في الحفل بالقائك الذي زاد من جمالها واقول منتب وحيد وانا ابن عمك وصح الله لسانك ملالالالالالالالالالالالالالالايين وتقبل التحيه من اخوك صبي ال عريمه

 

 

 

 

[معلومات العضو الدوسري هديان]

الشاعر المتألق : حسن بن محمد الودعاني

بيض الله وجهك وصح الله لسانك

قصيدة جميلة من شاعر بارع

وفقك الله

 

 

 

 

[معلومات العضو نمر بن الأشيب]

الشاعر القدير ابن بطحيّه الودعاني

(( الوحيـــــــــــــــــد ))

صح الله لسانك على هذه القصيدة الجزلة

والتي أستمتعنا بسماعها في الحفل الثاني للدواسر

 

 

 

 

[معلومات العضو العماني]

الشاعر الكبير يابووليد

صح الله لسانك واعتلا شانك على هذه الابيات الرائعه التي امتعت بها الدواسر في الحفل ذاك اليوم ورايتك بيضا .ولاهوب غريب عليك الابداع والجزل فانتم ساس الشعر

تقبل تحياتي،،

 

 

 

 

[معلومات العضو الواضح]

الشاعر ابن بطحيه

صح الله لسانك ولاهان الله منطوقك

شاعر جزل ما يجي منه ألا الجزاله

 

 

 

 

[معلومات العضو بن خنيجر]

صح لسان
"الوحيد"
ويعطيك العافيه

 

 

 

 

[معلومات العضو @الجابر@]

الشاعر المتألق : حسن بن محمد ابن بطحية
قصيدة جميلة وجزلة من شاعر مبدع
بيض الله وجهك وصح الله لسانك
بيضت وجيه هل السليل وأنت خير من يمثلهم




الله يوفقك

 

 

 

 

[معلومات العضو عبدالله أبن مصلح]

الغالى / ابن بطحيّه الودعاني



صح لسانك عتلا شانك , وبيض الله وجهك على القصيد الجزل

 

 

 

 

[معلومات العضو نايف الخييلي]

الشـــاعر \ ابن بطحيّه الودعــاني
صـــح لســانك على قــصيدتك الجــزله

 

 

 

 

[معلومات العضو عبدالكريم البليهي]

الشاعر القدير ابن بطحيه اشهد وبالله أنك كفيت ووفيت وأمتعت الحضور بقصائدك الجميله الرائعه ولايهونون بقيه ابنا العمومه الله يجمعهم ولايفرقهم على الطاعه والعز والمعزه تقبل تحيات وتقدير اخوك الصغير ابوصالح البليهي

 

 

 

 

[معلومات العضو حسن بن بطحيه]

السلام عليكم ورحمة الله وبركاته
اسعد الله صباحكم بكل خير .. والله لو اقول ما اقول فيكم من مدح وشكر فلن اوفيكمحقكم
واقف لكم احتراما لما رايت من ردود تثلج الصدر وتبهج الخاطر
واعتذر لكم اشد الاعتذار على عدم التواصل طيلة الايام الماضيه والجايات افضل باذن الله