القصة الحقيقيه لمقتل ذيب بن هدلان

[معلومات العضو عقاب العتيبي]

احبتي
السلام عليكم ورحمة الله وبركاته

المتتبع للتاريخ وكتاباته يجد فيها من الوهم الشيء الكثير ، وخصوصا حينما يتعلق الامر بقبيلة عتيبة ، وانا لا اقول هذا من باب التعصب وانما الشواهد كثيرة والاثباتات اكبر من تحجب ، وان حصل للامر مناسبة شرحت هذا الامر بما لايدع مجالا للشك ،،،
اعود بكم الى الموضوع الاساس
فالجميع يعرف الفارس الشجاع ذيب بن شالح بن هدلان فارس قحطان المشهور
هذا الفارس دارت حول مقتله روايات سواء في الكتب او على الالسن ولكن اغلب هذه الروايات يحمل صبغة الوهم ، بل ان بعض الروايات ليجلب الضحك من شدة غرابة الرواية .

انا هنا اسرد لكم القصة الحقيقية لمقتل ذيب بن هدلان ، حيث انقل القصة لكم من فم حفيد من كان في الواقعة

القصة تقول

ان مجموعة من فرسان الحوابية من المقطة من عتيبة كانوا على ماء جنوب عروى
وكانوا ستة رجال ومعهم بعض الحريم ،
المهم كان الرياجيل الستة على الماء ووحدة من الحريم عند الغنم مع مطلاع الشمس ،،، ويوم انتبهة الحرمه لضلاع وراهم الا شلفا تبرق على نور الشمس
راحت الحرمة للرياجيل اللي على الماء وقالت لهم انتم ارسلتم احد منكم ،، قالوا لا ما ارسلنا احد
قالت اجل ترى فيه ريجيل ورا هاك الضلاع
طبعا كانوا جيش من قحطان وكانوا فرقتين فرقة رجليه وهم اللي ورا الضلاع وفرقة خياله وكان ذيب مع الخياله.وكانوا يحترون الاشارة من الرجليه
وكان مقصد القحاطين ان الرجلية يهجمون ثم يتبعهم الخياله .
المهم العتبان الستة باغتوا القحاطين اللي ورا الضلاع ، وخلوهم يهجون يم ربعهم الخيالة .
وبعدين بدا الرمي بين العتبان وبين القحاطين ، والقحاطين كانوا واجد فوق العشرين .
المهم تقول الحرمة الى من الريجيل تراموا مع القحاطين يجي عليهم مثل الغبرة من رمي المقمع ولامن راحت الغبرة عديت ربعي لهم ستة
المهم القحاطين انهزموا ولحقوهم العتبان واخذوا يلبقونهم ، وكان ذيب بن هدلان ينزل من على فرسه ويتراما مع العتبان لين ربعه يبعدون ثم يركب ويلحقهم ، واستمر على هالحال مرات
وفي مرة منها يوم نزل من على فرسه واخذ يتراما معهم ، رماه عوض بن بقشان المقاطي العتيبي ، لذيب بن هدلان طايح صريع
ويوم طاح ميت وربعه القحاطين يغدون طقق كل واحد منهم في جهه
دروا العتبان ان هالرجال اللي ذبحوه هو عقيد القوم

ويوم جوه وهو ميت شافته حرمة زد جاوروا اهلها اهل ذيب بن هدلان
وصاحت فالعتبان وقالت هذا ذيب بن هدلان
ويوصفونه يوم شافوه ان له لحيه سوداء وكان الطيب يفوح منها


هذه هي القصة الثابتة في مقتل ذيب بن هدلان ، انقلها لكم من افواه احفاد اهل المعركة ، لا زيادة فيها ولانقص


تحياتي للجميع ودمتم

منقول من
جميل بثينة

 

 

 

 

[معلومات العضو عقاب العتيبي]

هو بادي بن طليحان السعلي , من الحوابية , من المقطه ,شاعر قديم , له قصيده قالها بعد قتل المقطه للشيخ الفارس ذيب بن شالح بن هدلان القحطاني ويذكر ايضا في القصيده بمقتل الفديع ابن هدلان شقيق الشيخ شالح بن هدلان قتله الشيخ سلطان ابن هندي ابا الروس , ومنها الأبيات موجهة الى الشيخ شالح بن هدلان أحد رؤساء قحطان يذكره بمقتل ابنه وشقيقه يقول :

الذيب ياشــالح رمـــوه المعاطيـب
من جاهر الاجواد ماله شفاعة

حــرم علــيه الفاطــر ام الدباديـب
من دونها اللي بالمخابيط لاعة

قدمه اخوك فديع غصبن بلا طيب
بشلفا مسقاة على سم ساعة

حول عليه الطير عكف المخاليب
ياكل مسايل فطحته مع ذراعه

الاد كـريـز دايسـين المــغـاريـب
الذيب ياكل والكـلاب المجاعـة

كم جادلن من فعلنا شقت الجيب
شقت جيوب الثوب عقب المراعة



مصدر الأبيات كتاب الحمده زعماء عتيبه الجزء الاول صفحه 321

 

 

 

 

[معلومات العضو عقاب العتيبي]

نستمر في ذكر قصة شالح بن هدلان وابنـــه ذيب



شالح بن هدلان كان له اخو اسمه الفديع وكان شديد البر به وقدر الله وتوفى الفديع مقتول في احى المغازي حيث من المعروف أن الجزيره قبل توحيدها مليئ تاريخها بالمغازي و المعارك , الحاصل هو أن شالح حزن على الفديع حزن شديد وبعد حزن شالح على أخوه الفديع عوضه الله بأبنه ذيــب فارس لا يشق له غبار ذيب ابن شالح الذي برز بشجاعته وبره ولطفه بوالده

وفي ليله من الليالي كان ذيب جالس مع والده , فكان شالح يسولف على ابنه ذيب
فانشدله هذه الابيات:



ياذيب أنا يابوك حالي تردّى = وأنا عليك من المواجيب يا ذيب
تكسب لي إللي لاقِحٍ عِقب عدّا = طويله النسنوس حرش العراقيب
تجر ذيلٍ مثل حبل المعــــــــدا = وتبري لحيران ٍ صغار ٍ حباحيب
وأشري لك إللي ركضها ما تقدا = ماحدٍ لقى فيها عيوب وعذاريب
قباِ على خيل المعادي تحــدى =مثل الفهد توثب عليهم تواثــــيب
أنا أشهد أنك باللوازم تِســدا =لو حال من دونه عيال ٍ معاطيب
ليث ٍ على درب المراجل مقـدّى = ما فيك يا ذيب السبايا عذاريب


وبعد ماسمع ذيب قصيدة والده قال وين يايابه مرباها فقال مع عتيبه فعزم على الغزو ومعه فرسان من قبيلة قحطان على قبيلة عتيبه فلما غزى قال شالح هذه القصيدة راثيا ابنه لما علم أنه غزى عتيبه متنبأً بوفاته


ما ذكـر به حيٍ بكـى حي يا ذيـب = واليـوم أنـا ببكيـك لو كنـت حيـا
يا ذيب يبكـونك هل الفطـر الشيـب = إن لايعتـهم مثـل خيـل المحيــا
وتبكيـك قطعـانٍ عليـها الكلاليـب = شيـال حمـل اللـي يبـون الكفيـا
وتبكيـك وضـحٍ علقـوها دباديـب = إن رددت مـن يمـة الخـوف عيـا
ويبكيـك من صكـت عليه المغاليـب = إن صاح بأعلى صوت يا هل الحميـا
ننزل بك الحـزم المطـرف ليا هيـب = إن رددوهــن نـاقليـن العصيــا
أنا أشهـد إنك بينـنا منقـع الطيـب = والطيـب عسـرٍ مطلبـه مـا تهيـا


ويوم وصلوا ديار قبيلة عتيبه والتحمت المعركة والتقوا بمن التقوا به من فرسان عتيبه قتل فيها ذلك الفارس المغوار وبالقرب من مكان وفاته دفن ذيب ابن شالح رحمهما الله ولما وصل ابوه هالخبر
..


قال هذه القصيده المشهوره :

يا ربعنا ياللي على الفطّر الشيب = عز الله أنه ضاع منكم وداعه
رحتوا على الطوعات مثل العياسيب=جيتوا وخليتوا لقلبي بضاعه
خليتوا النادر بدار الأجانيب=وضاقت بي الآفاق عقب إتساعه
تكدرت لي صافيات المشاريب=وبالعون شفت الذل عقب الشجاعه
يا ذيب أنا بوصيك لا تاكل الذيب=كم ليلةٍ عشـّـاك عقب المجاعه
كم ليلةٍ عشـّـاك حِرش العراقيب=وكم شيخ قوم ٍ كزته لك ذراعه
كفه بعدوانه شنيع المضاريب=ويسقي عدوه بالوغى سِم ساعه
ويضحك ليا صَكّت عليه المغاليب=ويلكد على جمع العدو باندفاعه
وبيته لجيرانه يشيّـد على الطيب=و للضيف يبني في طويل الرفاعه
جرحي عطيب ولا بقى لي مقاضيب=وأفخت حبل الوصل عقب إنقطاعه
كني بعد فقده بحامي اللواهيب=وكني غريب الدار مالي جماعه
من عقب ذيب الخيل عِرج ٍ مهاليب=ياهل الرمك ما عاد فيهن طماعه
قالوا تطيب وقلت:وش لون أبا طيب=وطلبت من عند الكريم الشفاعه




وقال ايضاً على نفس القافيه :

ذيبٍ عوى وأنا على صوته أجيب =ومن ونتي جضت ضواري سباعه
عز الله إني جاهل ٍ ما أعلم الغيب = والغيب يعلم به حفيظ الوداعه
يالله يا رزّاق عِكف المخاليب = يا محصي خلقه ببحره وقاعه
تفرج لمن صابه جروح ٍ معاطيب = وقلبه من اللوعات غادٍ ولاعه
إن ضاق صدري لذت فوق المصاليب =مانيب من يشمت فعايل ذراعه
صار السبب مني على منقع الطيب = ونجمي طِمَن بالقاع عقب إرتفاعه
يا طول ما هجيتهن معْ لواهيب = ولاني برادي كسرها من ضلاعه
ويا طول ما نوختها تصرخ النيب =وزن البيوت إللي كبار ٍ رباعه
وأضوي عليهم كنهم لي معازيب =إليا رمى زين الوسايد قناعه
أضوي عليهم واتخطى الأطانيب =وآخذ مهاويه الجمل باندفاعه
أبا أنذر إللي من ربوعي يبا الطيب =لا ياخذ إلاّ من بيوت الشجاعه
يجي ولدها مذرب كنـّـه الذيب =عِز لِبُوه وكل ما قال طاعه
وبنت الردي ياتي ولدها كما الهيب = غبنٍ لبُوه وفاشله بالجماعه
يا كبر زوله عند بيت المعازيب =متحرّي ٍ متى يقدّم متاعه



وفي ليله كان رجل من قبيلة قحطان يقاله الهويدي ضاع منه طيره ..
ويبحث عنه ويسأل بصوت مرتفع يا من عين الطير؟ طيري ماعينتوه



فقــآل شالح هذه القصيــده :


إن كان تنشد يالهويدي عن الطير = الطير والله يالهويدي غدا لي
طيري عذاب معسكرات المسامير = إن حل عند قطيهن الجفالي
إن جا نهار فيه شر بلا خير =وغدا لهن عند الطريح اجتوالي
إن دبرن خيل وخيل مناحير =وغدن مثل مخزمات الجمالي
على الرمك صيده عيال مناعير = وشره على نشر الحريب الموالي
يضحك ليا صكت عليه الطوابير =طير السعد قلبه من الخوف خالي
خيالنا وإن عرجدن المظاهير =و زويزوم عيرات طواها الحيالي
غيث لنا وإن جت ليالي المعاسير =وبالشح ريف للضعوف الهزالي
يسقي ثراه من الوايح مزابير = تمطر على قبر سكن فيه غالي



وسلامتكم .....